Create successful ePaper yourself
Turn your PDF publications into a flip-book with our unique Google optimized e-Paper software.
AIKOR! 114 l 2012ko apirila<br />
www.aikor.com AIKORRIZKETA 39<br />
t: Juan Luis Goikoetxea / a: Aritz Albaizar<br />
Udaberriko habia eraikitzen ari den<br />
txoria, aise da konturatzen arrautza epeletatik<br />
jaiotako kume kutunak hegodunak<br />
direla, hegaz egiteko sortuak, urrunhurbil<br />
bidaiatzekoak, jatorriz direla<br />
hegaz egiteko. Hala ere, ez die kantatzen<br />
“Hegoak ebaki banizkio nerea izango<br />
zen”.<br />
Euskal Herriko ur-lurretan sorturiko<br />
euskalduna, jatorriz lumaduna, habian<br />
ez, baina abian da bilakatzen hegabidun,<br />
elebidun: orain zurekin, ahora contigo<br />
bizi dena; contigo zurekin bihurtu<br />
gura lukeena, alegia, erdaldunari hegan<br />
irakatsi.<br />
Hego bi<br />
Ordea, bat, beti bat bakarrarekin ohitua,<br />
nola bitara ekarri? Ez ote da, bada,<br />
errealitatea bi begirekin hobeto ikusten?<br />
Ez al daki frantsesdunak, espainolezkoak<br />
mailukada zer den, kolpe bakarra jo<br />
arren tiriki eta tauki bikotea dugula euskaldunok<br />
entzuten; kolpe bakarra hots<br />
biko dela sentitzen?: “Tirikitauki, tauki<br />
mailuaren hotsa”. Ez du Lauaxetaren elizako<br />
ezkila zaharra din eta dan entzun?:<br />
“Din, dan, balendan/ elizako ateetan/<br />
gizon bat dilindan”.<br />
-Zer diozu erdaldun?<br />
Ez da euskaratik irten behar unibertsal<br />
izateko, gizakiaren bihotzetik bihotzera,<br />
ideiarik ideiara hegan egiteko; beti<br />
ere, arrotzen doinu zoliak noiz entzungo<br />
zain.<br />
Munduan euskaraz bizi garenok gara<br />
Euskal Herri, supazterretik azken bazterreraino,<br />
bortuen goitik sasien petik<br />
hegan.<br />
“Uso zuria errazu<br />
nora joaiten zara zu.<br />
Espainiako bortuak oro<br />
elurrez beteak dituzu;<br />
gaurko zure ostatu<br />
gure etxean baduzu”.