Prentsa oharra - Gipuzkoangazte.info

Martín Ugalde Kultur Parkea
Gudarien etorbidea 8
20140 Andoain
EMANDAKO FRUITUAK:
Txapelketa hauek antolatzerakoan argi daukagu zein den gure helburua, hau da, harrobi
berriari bide egitea. Zubilan horretan jarraitzeko asmorekin aurten ere hemen gara
txapelketarekin. Pozik ikusten dugu txapelketa hauetan parte hartu duten hainbat artista bere
bidea egiten ari direla, diskoak argitaratzen, talde moduan plazaz plaza jotzen, kantatzen, eta
gustuko duen zaletasun horri helduta, euskal musikan eta kantagintzan bere lekutxoa egiten ari
direla. Besteak beste, hor ditugu: Lain taldeko bi kantariak eta teklista, Teklax taldekideak
musika talde ezberdinetan lanean, Oihane Sarasola sortu berri den Emon taldean kantari, Bea
Asurmendi bere talde berria sortu du “May bi”, Aiora-Izaro-Garazi Kantuki taldean lanean,
Abarlotz bere diska berria argitaratuta,
Bestetik, esan beharra dago, Txapelketan parte hartzen duten kantariekin harremanetan
jarraitzen dugula, eta hainbat egitasmo eta ekitaldietan parte hartzeko aukera eskaintzen
dizkiegula, esperientzia irabazi dezaten.
ESKERRAK LAGUNTZA ESKAINI DIGUTEN ENTITATEEI:
Euskal Kantuzaleen Elkartetik esker onak adierazi nahi diegu, horrelako ekimenak antolatzeko
laguntza eskaini diguten entitate guztiei, eta bereziki:
‣ Lezoko Udalari, Bergarako Udalari, Donostia Kultura erakundeari.
‣ KUTXA
‣ HITZA
‣ NOTICIAS de GIPUZKOA
‣ EUSKO JAURLARITZA, KULTURA SAILARI.
EUSKAL KANTUZALEEN ELKARTEA
Euskal Kantuzaleen Elkartea, kantu-zaletasuna sustatzea helburu duen elkartea da. Horregatik,
kantarien eta kantu zaleen topagune izan nahi du. Helburu horrekin, urtean zehar ekimen ugari
antolatzen ditu: Euskal Kantu Txapelketa, Haur Kantarien Jaialdiak, Kantu Zikloak... Horretaz
gain, kantaldi bereziak ere antolatzen dira elkartetik. Aurten adibidez, “Gartxot, Itzaltzuko
bardoa” kantaldi-ikuskizunak antolatu ditugu. Dagoeneko Villabonan eta Astigarragan egin izan
dira, eta beste batzuetan prestatzen ari dira (adibidez Azpeitian). Bertan, herriko kantari,
dantzari eta musikariek parte hartzen dute. Musika, kantua, dantza, irudiak, irakurgaiak
uztartzen dira ikuskizun erakargarri honetan.
Bestalde Mintzolan, beste elkarte batzuekin batera (bertsozale elkartea, Euskal Herriko
Antzerkizaleen Elkartea, Ipuin Kontalari Taldea), “AHO BETE HOTS” izeneko ikastaroak antolatu
ditugu. Informazio gehiago:
http://www.mintzola.com/albisteak/ahoa-bete-hots-jardunaldien-aurkezpena
posta@kantuzale.net EUSKAL KANTUZALEEN ELKARTEA Tlfnoa.: 943 593 302