Bidasoa aldeko bost bertsolari - Euskaltzaindia

Juan Migel ta bere anai bat argiñak
ziran. Almandotz'en denbora puska bat
egin zuten argin-lanetan. Ta erri ontan bi
anaiok bi aizpakin ezkondu ziran. Auek
Martina ta Maria Eujenia Etxenike Gamio
deitzen ziran. Iturrikoa baserriko alabak
ziran.
Juan Migel eta Maria Eujenia Argentina'ra
joan ziran ezkondu ta laister. Beste
biak Iturrikoa baserrian gelditu ziran
bizi izaten. Ta argibide auek eman dizkidana,
senar-emazte oien semea da.
Ameriketara joandakoak famili aundia
izan zuten: amabi seme-alaba, guziak Argentina'n
jaioak.
Juan Migel bein bakarrik etorri zan andik
onera, 1895'garren urtean. An iru zarrenak
utzita, bederatzi seme-alaba ekarri
zituan. Emen gelditzeko asmotan zan,
ta etxe bat ere erosi zuan Bera'n.
Bañan seme-alabak, an jaioak eta an
kozkortuak baitziran, etzuten emen nai. Ta
aitak, ondo gogoaren kontra bada ere, bere
burua aien esanera jarri bear izan zuan.
Urte beteren bat egingo zuten emen.
Emengo aldi orretan inprenta-arazi zituan
len esandako sei bertso-paper oiek.
Argentina'n artzantzan lan egiten zuan.
43