Piccola Venezia - Ecomuseo e Agenda 21 Parabiago

Augusto Boldorini – Piccola Venezia - 70
Sant’Antoni
Un tempu…….
quand s’evi un fiô
a metà Genar,
sa preparevum a fa ‘l falò.
Sant’Antoni! Frecc da damoni
Ott di i prima a cumincevum,
chi in di stall, chi in di portic,
chi in su i casin,
a cercà paja, maragasc e fassin.
Quando po’ al fôc l’eva bel piss
tuti indrè par pagura da brusas
tuti insema sa mitevum a cantaa:
Toni, Toni baloni, la vaca dal Pin
la fa ‘l biscin sensa ‘l cuin.
S’è mai capi cusa la vureva dì,
ma la genti la cantava inscì.
Intantu i ligher sguravan in ciel
a brusà la barba
dal Sant’Antoni e ‘l so purcel.
L’eva al tempu di soquar,
di culseti cunt i scalfiti,
di culzuni cul cu rifrudà.
L’eva un tempu graam
ch’em vissu pien da famm.
Fam…Frecc……e Laurà
e par i Porcristi al pudeva bastà.
A.B.