Understanding Inclusion Creole - Florida Directory of Early ...

M OVE
LIDE MOUN
PLIS KWE
MOVE LIDE:
Sa mande plis tan ak swen konplike pou okipe tout
timoun ki genyen bezwen espesyal.
REYALITE:
Nanpwen de timoun ki menm; menmsi yo gen andikap
ou non. Kèk timoun ki gen andikap pral gen bezwen
espesyal. Gen de lòt ki pral bezwen enpe swen oubyen
okenn swen siplemantè. Tankou tout timoun, timoun ki
genyen bezwen espesyal yo, gen pèsonalite pa yo, fòs pa
yo, enterè ak kapasite pa yo. Yo anpil menm jan ak nenpòt
ki lòt gwoup timoun.
MOVE LIDE:
Tout timoun ki gen andikap mantal bay pwoblèm
nan konpòtman yo.
REYALITE:
Se pa paske yon moun genyen andikap mantal, sa
vle di li genyen pwoblèm konpòtman pou sa. Tankou
pou nenpòt ki gwoup timoun, sila yo ki genyen bezwen
espesyal yo, ka genyen konpòtman ki bay pwoblèm oswa
ki agresif. Men souvan, se lè timoun nan pa jwenn sa li
bezwen, li genyen yon konpòtman konsa, petèt akòz li
pa ka di sa li vle kòmsadwa. Yon moun k ap okipe timoun
nan ki gen pasyans epi ki gen konprann, ka ede nan jan l
ap aprann siy timoun nan bay, sa li abitye fè, sa li renmen
ak sa li pa renmen.
Gen de lòt andikap moun ka pa wè. Pa egzanp, si moun
nan gen pwoblèm pou li wè, pou li tande, pou li genyen
emosyon ak lòt pwoblèm nan konpòtman li ak pwoblèm
pou li aprann.
Menmsi yo ka wè andikap lan, menmsi yo ka pa wè
li, moun pa fèt pou jije timoun dapre yon dyagnostik. Li
enpòtan pou moun k ap bay swen yo, pran tan pou
yo aprann konnen chak grenn timoun tankou yon
moun apa.
MOVE LIDE:
Timoun ki gen bezwen espesyal fèt pou rete sèlman
ak lòt timoun ki gen bezwen espesyal.
REYALITE:
Tout timoun benefisye lè yo asosye ak tout kalite moun.
Tout timoun, menm sa ki genyen bezwen espesyal yo, tire
gwo avantaj pou yo aprann, lè yo ansanm ak lòt.
MOVE LIDE:
Tout andikap vizib.
REYALITE:
Genyen plizyè kalite andikap; genyen yo ka rekonèt
fasil, tankou domaj nan kò oswa ansefalopati enfantil.
[ 5 ]