You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
TXHUA YAM KEV NTSEEG<br />
Nyob ntiaj teb no muaj ntau yam kev ntseeg. Tas cov kev ntseeg puav leej muaj<br />
qhov zoo. Tab sis nws qhov zoo nws kuj sib txawv, tsis sib xws.<br />
<strong>Kev</strong> ntseeg muaj tseem ceeb nrog rau kev ncaj ncees, zwm rau Ntuj niam<br />
Ntuj txi. Yog ib txoj kev tseem ceeb zwm rau tus tsim ntuj tsim teb. Tas<br />
txhua txoj kev ntseeg ncau faib ntawm txoj niam kev ntseeg no mus ua ntau<br />
txoj raws li neeg faib tawm mus. Tab twb yog txoj niam kev ntseeg no xwb,<br />
nws twb faib mus hais ntau yam lus lawm thiab. Dej kuj yog ib co dej xwb kuj<br />
muaj tej ntu ua dej ntshiab, tej ntu kuj yog dej nro:<br />
1. Thawj hom neeg ntseeg tiag lawv ntseeg raws kev tseem ceeb, muaj kev ncaj<br />
ncees lawv hwm tus tsim lub ntuj lub teb. Lawv saib tias neeg ntiaj teb sawv<br />
daws yog qaum ntuj me nyuam tas nrho txhua tus. Lawv nyiam lawv hlub,<br />
lawv pab. Lawv saib tias neeg lub cev yog Ntuj tsim los ua neeg. Muaj tus<br />
ntsuj plig nrog lub cev ua neeg. Muaj nuj nqis loj, vim txawj muaj kev zoo<br />
siab nrog kev tu siab. Tus ntseeg txoj kev no nws txawj zam rau luag, nws<br />
tsis xam khib thiab tsis nco qab paub kev luag ua tub qaug rau yus.<br />
2. Hom neeg ob, mas lawv ntseeg, kom lawv tau tuaj nyob ze rau cov neeg uas<br />
Ntuj nyiam xwb, lawv tuaj nyob ze kom tau muab txoj kev ntseeg tseem ceeb<br />
no rhuav pov tseg: Lawv tuaj kawm kom paub ces lawv muab tej lus ncaj<br />
ncees thiab kev tseem ceeb los ua ib xib xub vos tua cov neeg Ntuj xaiv. Hom<br />
no lawv tuaj ntseeg txog Yes Xus kom tau rov txiav txim rau Yes Xus tias Yes<br />
Xus cov neeg tsis ncaj ncees rau Ntuj tej me nyuam sawv daws. Lawv siv<br />
ntiaj teb lub cuab tam los liam, los pleev tej tus neeg kom raug neeg ntiab teb<br />
ntxub thiab txiav txim rau kom txhob tau ua lub neej nyob ntiaj teb no ntev.<br />
Hom no lawv yog ib co neeg tuaj lawb dab, lawv tsis txais kev ntseeg kom<br />
ncaj ncees. Lawv tuaj tiv Ntuj thiab dag rau Ntuj xwb.<br />
3. Muaj ib hom neeg lawv khaws tas ib puas tsav yam lus los zoo, yam ntxwv,<br />
cuj pwm nrog neeg kev thoob tsib, kev sib hwm los puab ua ib tug Huab tais,<br />
muab tis tib lub npe hu ua Tswv Ntuj no thiab sau ua ib txoj kev ntseeg.<br />
Lawv kuj qiv Yes Xus cov lus los hais kom zoo li yog pab neeg ntawd yog Yes<br />
Xus ua tus tsim lawv los. Hom no lawv tsis muaj ib tug cag tob. Thiab nrhiav<br />
tsis tau qhov tseeb tiag. Cov neeg tsis thoob tsib koj ua ib tug neeg koj caum<br />
raws luag mus ib ntu koj caum tsis tau koj tso tseg ho caum dua lwm pab li<br />
ntawd ib sim neej koj raws tsis tau qhov tseeb mas ntshai koj yuav qaug zog<br />
heev.<br />
a. <strong>Kev</strong> ntseeg dab, ntseeg cov dab tsis muaj txoj sia thiab lub cev, yus muab<br />
yus txoj sia zwm rau dab. Thiaj muaj kev ntshai, kev txhawj, saib neeg<br />
yog tus me dua, loj tsis cuag dab. Xav tau nyob nruab siab tias yuav tsum
ua kom haum li dab siab tas mus li xwb neeg thiaj nyob tau. Cov dab no<br />
yus tsuas ceev faj rau lub caij yus teev tiam nws ntawd xwb kom txhob<br />
hais lus yuam kev. Dhau ntawd lawm dab tsis nyob ze yus lawm ua kev<br />
txhaum tsis muaj tub qaug rau dab lawm. Tsuas yog tub qaug rau neej,<br />
tus neeg koj ua tub qaug ntawd xwb. Koj tsi tau nrog dab hais cai, tsuas<br />
yog nrog neej hais cai lawm xwb. Yuav tau nrog neeg hais kom haum,<br />
tsam neeg ho hu txog dab ces dab yuav tau kom yus them se rau dab dua.<br />
Hom neeg ntseeg li no lawv txom nyem lawv tuaj ua lub neej nyob ntiaj<br />
teb lawv tsis tau nyob tiaj tus.<br />
b. Txoj kev ntseeg tuaj ntawm tej tus neeg tsim tau los raws li dab neeg.<br />
<strong>Ntseeg</strong> raws li tej tus tsiaj muaj hwj xyeej los muaj txuj ci, tsav hwj chim<br />
loj, tsis muaj kev ncaj ncees, nrog rau kev nyiam kev hlub. Tsis txawj<br />
txuag lub ntiaj teb teej tug yam muaj nuj nqis rau neeg siv. Txoj kev<br />
ntseeg no zoo li tsuas txawj qhia, thiab txawj hais xwb nws tsis txawj teeb<br />
thiab txawj txhais. Nws muab Qaum ntuj lub npe coj los tis tsa tej poj<br />
koob yawm txwv ua muaj koob meej, hwj chim txheej thaud los ntau tus<br />
coj los tsa ua Faj Tim Huab Tais, teev hawm tau cav txog neeg muaj zog<br />
muaj lub peev xwm ib yam li Ntuj tus tsim lub ntuj lub teb.<br />
c. Coj los qhia teev hawm, xyaw cov neeg ciaj thiab neeg tuag nrog rau<br />
Qaum ntuj ua kev. Hom no lawv yuav coj me nyuam neeg poob mus ua<br />
neeg dig muag taug kev tsis ncaj ncees. Yuav ua rau ntiaj teb pej kum<br />
haiv saib neeg Hmoob tsis muaj nuj nqis, luag pej kum cuab yuav tau zoo<br />
kev xeeb plaub ntug rau me nyuam hmoob. Txaus hlub, vim cov paub tab<br />
lawv txawj hais lawv tsis txawj txhais, ces cov tsis paub tab yuav ris kev<br />
iab kev khwv, lawv yuav quaj hu txog lub ntuj lub teb. Vim lawv tuaj ua<br />
ib zaug neeg rau ntiaj teb lawv tsis tau nyob thaj yeeb. Cuag li yog Ntuj<br />
tsim lawv los theej luag txhoj tiv kev txom nyem. Ua li ca Ntuj ho tsis pab.<br />
Kuv yog lawv tus Txiv Muam kuv yuav ua li cas thiaj them tau lawv cov<br />
ntsuj plig tus nqi. Ua cas kuv tsis mus nrhiav tus uas neeg ntiaj teb sawv<br />
daws hu nws ua Ntuj Niam Ntuj Txiv no los ntseeg, twb yog tus pub txoj<br />
sia thiab lub cev ua neeg kom tsheej xeeb tau rau neeg.<br />
d. Peb ua neej nyob yam zoo tshaj, ces yog Koj mus saum ntuj los luag lawv<br />
koj qab mus. Koj mus dab teb los luag raws koj qab mus ces koj siab thiaj<br />
kaj…Kuv li kuv tsuas ntshai tsam kuv mus saum ntuj lawm los luag tsis<br />
lawv kuv qab tuaj. Hos kuv mus rau dab teb los tsis muaj neeg raws kuv<br />
mus ces kuv laj laj nyob tas ib sid li.
4. Txoj kev ntseeg raws li tej zaj dab neeg, tuaj ntawm tej tus neeg thoob tsib<br />
muaj kev ncaj ncees, thiab muaj hwj chim koob meej tuaj. Xws li tej pog koob<br />
yawg koob, pog suab yawg suab ntuj ntxov thaum ub xws li: Los Tuam, Xab<br />
Kub Tsab, Xwm Kub Thawj, Xyo Lij Leem lawv ,Yawg nom kws hlau, Yaj<br />
Txiv Yawg, Vwj Paj Yig. Huab Tais Vam Khib, Yawg Tswb Tshoj Nkauj<br />
Ntsuab Nraug Nab Yawg Paj Cai, Lauj Kiab Toom, Yawg Tub Npis Lis Foom<br />
Yawg hlob Lwj Txheeb Vaj Pov lawv no.<br />
Sau tas nrho lawv co ntsuj plig los puab ua kev kom tsheej ib tug Faj Tim Tswv rau<br />
Hmoob teev hawm. Kom Hmoob los koom ua ib lub siab Hmoob rov hlub rov nyiam<br />
rov pab Hmoob kom Qaum ntuj ho hlub hmoob ib zaug ntxiv.<br />
Cov neeg xav hais tias lawv teev hawm cov npe saum no mas lawv kuj yuav muaj<br />
zoo tus cawm seej coj lawv kev tawm mus ntsib tus zoo tswv vim cov thawj neeg<br />
saum no lawv yeej ib txwm teev hawm tus xeeb teb xeeb chaw los lawm. Qaun Ntuj<br />
tau pab pov hwm lawv ua lawv tej hauj lwm tiav tas. Cov Nom Huab Tais niam txiv<br />
Vaj Hmoob no Dab thiab neeg, pej kum cuab yeej swb lawv tas nrho. Tab sis lawv<br />
tau swb lub npe hu ua hmoob no lawm. Yog lub npe Hmoob muab lawv muag rau<br />
pej kum cuab neeg, ces lawv thiaj swb ncauj swb lus, swb cev rau luag tas nrho<br />
lawm. Tshuav lawv txoj dab neeg lawm xwb, rau peb nyob pe hawm.<br />
Cov kev ntseeg tau hais los saum no puav leej zoo. Nyias zoo muaj nyias tug tsis sib<br />
xws thiab. Yeej yog ncau los ntawm ib lub hauv paus los, Nyias cov Txiv Muam<br />
nyias txawj txawj txua nyias thiaj hais tias sib txawv. Cov kev ntseeg no muaj nuj<br />
nqes 100% tej hom lawv cov neeg coj tau zoo 90% tej hom muaj coj tau zoo 50% nyob<br />
hauv. Tej hom lawv coj tau zoo 30 % nyob hauv. Tej hom coj tau10% zoo nyob<br />
hauv.<br />
<strong>Yam</strong> tsis sib xws los sib txawv mas yeej txawv deb tiag: Cov neeg ntseeg Ntuj<br />
lawv taij thov kom lawv tau mus pom lawv tus Tswv Ntuj, tuag los zoo siab<br />
tuag mus. Hos cov neeg teev dab, mas lawv ntshai tsam lawv tau pom dab.<br />
Yog lawv tau pom dab lawm, ces yuav tuag mus ua dab. Lawv tsis xav tuag<br />
kom txhob tau mus ua dab li.<br />
Cov tsis muaj kev ntseeg thiab coj tsis tau zoo. Mas lawv tus Huab tais nyob<br />
txawm hauv lawv nrog cev:<br />
Lawv tus Huab Tais ces yog lawv lub plab lawm xwb. Thaum lawv tsis tshaib plab<br />
mas lawv nyob thiab coj xws li ib tug neeg siab dawb. Thaum plawv tshaib plab tuaj<br />
mas lawv ua plab qhev. Lawv siv zog mus kev, siv zog mus tho qhov vaj qhov tsev,<br />
lawv tsis hwm neeg. Tej zaum lawv ua tej txoj hauj lwm muaj nuj nqi li ib tug neeg<br />
mus noj ib pluas mov nyob hauv kiab khwv xwb lawv twb tua tej tus neeg los pauv<br />
ib qho nuj nqis siab li ntawd xwb los kuj muaj lawm thiab.
Kuv hais tej no tsis yog paub leej twg ib tug sib txawv li cas, es hais kon tau noj<br />
nkaub tuav npe. Yog ib zaj xav rau leej tib neeg tau ntsuam xyuas tsom nyob hauv<br />
lub tswv yim kom pom tau tias lub ntuj loj li cas, lub teb dav li cas xwb. Xws li kuv<br />
txawj nthuav txawj hais, kuv ho tsis txawj teeb thiab txawj txhais, Yog nej leej twg<br />
tau nyeem tas lawm, kuv muab pub rau nej coj mus txhais. Kom meej tshaj kuv<br />
thiab mog.<br />
Yaj Xib Hwb Zoov Ntxheb
Change language