Nuus van uit - Drakenstein Heemkring

More documents

Recommendations

Info

NUUS VAN UIT DE OUDE WONING! BL2 Vervolg van bl. 1 die Jingee Rivier sien. Hy vertel dat hy al singende deur die vlak rivier gestap het met ’n lintjie in die Transvaal en Vrystaatse kleure op sy bors. Van Villeanur is Johnnie na Pondicherry waar die goewerneur hom aangeraai het om dáár te wag vir ’n stoomboot wat direk na Marseilles, Frankryk vaar eerder as om in Colombo ’n boot te soek. Hy moes ook geensins op ’n boot te klim wat by Britse hawens aandoen nie. KOERANTE Johnnie se ontvlugting het toe reeds in verskeie koerante verskyn: In die Madras Mail van 12 Maart 1902 het ’n berig verskyn dat ’n boer uit die kamp by Trichinopoly ontvlug het: “... Villiers will perhaps be able to elude the vigilance of his pursuers for some time, but we doubt whether he will be able to get into French territory.” Die Madras Mail van 17 Maart 1902 het onder die opskrif “The Escaped Boer Officer Villiers” die volgende te sê gehad: “We announced on Saturday that the Boer Officer, Villiers, who escaped from Trichonopoly camp, had managed to reach Pondicherry having arrived there last Wednesday, disguised. We now learn that ... the fugutive has the reputation of being “a very cute card”, and a out-and-out Boer and anti-Britisher ... Of course as long as he is in French territory he is quite safe, as a prisoner of war cannot be extradited. But a curious question arises with regard to his means of departure from Pondicherry. He might take passage on the usual monthly messangeries steamer; but what would his position be at Colombo? ... In any case, however, the matter is of little or no practical consequence to the British and we fancy most people with any sporting instincts would say, let the fellow go!” Daar was soortgelyke berigte in die Advocate of India van 18 Maart 1902. Na ’n maand in Pondicherry het Johnnie rusteloos begin raak en ’n versoek aan die kaptein van ’n Franse stoomboot Dupleix gerig om hom na Colombo te neem waar ’n Franse boot wat op pad was na Marseilles, in die hawe gelê het. Die kaptein het hom egter gewaarsku dat bote wat Colombo binnegaan almal deursoek word. Johnnie het weer ’n poging aangewend om te vertrek toe twee Franse kennise in Mei na Marseille sou vertrek. Sy plan was om hom op die boot van Pondicherry na Colombo in ’n bagasie-mandjie te versteek. Die dag wat hulle sou vertrek - 15 Mei - het die Franse kop uitgetrek en hom aangeraai om liewer te bly. ’n Paar dae later is daar nuus dat ’n Noorse boot, die SS Eidsvold, met ’n vrag na Marseilles by Pondicherry sou aandoen. Johnnie het in tussen baie siek geword en is in ’n hospitaal opgeneem waar hy toevallig in dieselfde kamer beland as die kaptein van die Noorse boot. Die kaptein het na sy storie geluister en besluit om vir Johnnie wat reeds 6 weke in Pondicherry was, saam te neem as een van sy bemanningslede. Drakenstein Heemkring, 214 Hoofstraat, Paarl 7646 | www.drakensteinheemkring.co.za Die vermomde Johnnie de Villiers
NUUS VAN UIT DE OUDE WONING! BL3 Die Noorse boot sou 30 Mei vertrek. Johnnie - wat nog baie siek was - is onder groot geheimhouding dié aand na die skip geneem en die skip het 8 uur uit Pondicherry se hawe vertrek. Die reis was glad nie maklik nie. Eers het die enjin gebreek, toe was daar ’n hewige storm. Die hitte gedurende die dag, skryf hy, was ondraaglik. Met die teenspoed het hulle 4 dae verloor en die kaptein was verplig om op 19 Junie in Aden (’n Engelse hawe) aan te doen om steenkool op te laai. Die SS Eidsvold het skaars in Aden anker gegooi toe die hawepolisie se boot sy verskyning maak. Hulle wou onder meer weet hoekom die SS Eidsvold vier dae laat was. Terwyl die SS Eidsvold nog besig was om steenkool te laai, daag ’n Britse speurder op met ’n lasbrief van die Noorse Konsul om Johnnie te arresteer. Die SS Eidsvold se kaptein het egter geweier om Johnnie uit te lewer aangesien hy ’n bemanningslid was. Die ironie was dat die oorlog reeds verby was, en dat die vrede-ooreenkoms reeds op 31 Mei gesluit is. Intussen is die SS Eidsvold se steenkool gelaai, en die valbrug opgetrek. Die skip was nog besig om sy anker te lig toe ’n groot boot met Engelse offisiere en manskappe op die SS Eidsvold af pyl en die SS Eidsvold se kaptein beveel om te stop. Die SS Eidsvold se kaptein het dit egter geïgnoreer en so vinnig moontlik probeer weg kom. Na ’n rukkie het die Engelse boot omgedraai. Dit was toe duidelik dat hulle so gou moontlik in internasionale water moes kom om te verhoed dat Engelse oorlogskepe in die omgewing van Aden hulle agterna sit. Hulle het egter sonder probleme deur die Suez-kanaal beweeg om op 8 Julie in Marseilles anker te gooi. Van Marseilles is Johnnie per trein na Parys en het op 10 Julie in Amsterdam aangekom. REIS TERUG NA SUID-AFRIKA In Amsterdam het Johnnie gehoop om nuus te kry van sy broer en susters wat hom in Europa sou ontmoet. Toe daar geen nuus was nie, wou hy na Londen gaan om van daar terug na Suid-Afrika te reis. Intussen het hy hom by die Boeren-Komitee aangemeld waar hy 7 gulden (10 sjielings en 8 pennies) per week gekry het om op te leef. Dis toe dat hy vir Philip de Villiers ontmoet wat briewe van Johnnie se broer by hom gehad het. Uit die briewe is dit duidelik dat Johnnie se familie twee kabels na Pondicherry gestuur het om uit te vind wat van hom geword het. Sy broer het self ook twee keer Parys toe gegaan om hom te soek, dit terwyl hy al die tyd in Amsterdam was! Die broers is vier dae later in Amsterdam herenig waarna hulle ’n paar maande in Europa rondgereis het. Daarna het hulle met die Norman Castle na die Kaap teruggekeer, en het op 2 Desember 1902 in Kaapstad aangekom. - MG Drakenstein Heemkring, 214 Hoofstraat, Paarl 7646 | www.drakensteinheemkring.co.za Volgende week meer oor Johnny se broer Lammie (links) wat tydens die Anglo- Boere Oorlog gesneuwel het.
Page 1: Nuus van uit DESEMBER 2012: Vol.1.3
Page 5 and 6: NUUS VAN UIT DE OUDE WONING! BL5 Ka

Nuus van uit - Drakenstein Heemkring

You also want an ePaper? Increase the reach of your titles

Delete template?

Save as template?