gedragskode van die spel

Reël 6 Wedstrydbeamptes
6.B GRENSREGTERS EN ASSISTENTSKEIDSREGTERS
VOOR DIE WEDSTRYD
6.B.1 AANSTELLING VAN GRENSREGTERS EN ASSISTENTSKEIDSREGTERS
Daar is twee grensregters of assistentskeidsregters vir elke wedstryd. Tensy hulle deur of op
gesag van die wedstrydorganiseerder aangestel is, voorsien elke span ’n grensregter.
6.B.2 VERVANGING VAN ‘N GRENSREGTER OF ASSISTENTSKEIDSREGTER
Die wedstrydorganiseerder mag ’n persoon aanwys wat as plaasvervanger vir die
skeidsregter, die grensregters of assistentskeidsregters optree. Hierdie persoon word die
reserwegrensregter(s) of reserwe-assistentskeidsregter genoem en hulle staan in die
omringende area.
6.B.3 BEHEER OOR DIE GRENSREGTERS OF ASSISTENTSKEIDSREGTERS
Die skeidsregter is in beheer van beide grensregters of assistentskeidsregters. Die
skeidsregter mag hulle inlig oor wat hulle pligte is en hy kan hulle beslissings van die hand
wys. Indien ’n grensregter onbevredigend is, mag die skeidsregter versoek dat die
grensregter vervang word. Indien die skeidsregter van mening is dat ’n grensregter skuldig
is aan wangedrag, is die skeidsregter by magte om die grensregter af te stuur en verslag
aan die wedstrydorganiseerder te doen.
GEDURENDE DIE WEDSTRYD
6.B.4 DIE GRENSREGTERS OF ASSISTENTSKEIDSREGTERS SE POSISIE
(a) Daar is een grensregter of assistentskeidsregter aan elke kant van die veld. Die grensregter
of assistentskeidsregter bly in die grens behalwe wanneer hy ’n skop na die pale moet
beoordeel. Wanneer die grensregters of assistentskeidsregters ’n skop na die pale moet
beoordeel, moet hulle in die doelgebied agter die pale stelling inneem.
(b) ’n Assistentskeidsregter mag die speelgebied binnegaan om ’n oortreding van gevaarlike
spel of wangedrag aan die skeidsregter te rapporteer. Die assistentskeidsregter mag dit
slegs tydens die volgende onderbreking in die spel doen.
REËLS VAN DIE SPEL RUGBY
2013
50