Bakteriese verwelk - Potatoes South Africa

More documents

Recommendations

Info

Simptome In landerye word die siekte gekenmerk deur “groen verwelking” aangesien plante vinnig verwelk al blyk gronde nat te wees. Aanvanklik vertoon verwelksimptome net op een of twee stingels wat veral oor warm tye van die dag voorkom. Soos die siekte ontwikkel vergeel die plant en sterf later af. By nadere ondersoek van die geaffekteerde plante sal ‘n verbruining en slymerige uitskeiding vanuit die vaatweefsel van knolle en stingels op moontlike infeksie dui. ‘n Melkerige eksudaat (bakteriese stroming) vanuit ‘n gesnyde stingel is ‘n tipiese voorbeeld daarvan. Die bevestiging van bakteriese verwelk in aartappelaanplantings word by Plantovita (voorheen bekend as Coen Bezuidenhoutsaadtoetsentrum, CBS) gedoen deur die isolasie en identifikasie van die patogeen uit plant- of knolmonsters. Die teenwoordigheid van R. solanacearum in die monster en biovar van die isolaat kan ook met die gebruik van PKR-tegnologie bevestig word. Verwelksimptome op aartappel (Foto: Prof P. S. Hammes, Universiteit van Pretoria) Navorsing • Research ‘n Verbruining en slymerige eksudaat vanuit die vaatweefsel van knolle dui op moontlike infeksie deur R. solanacearum (Foto: Sanette Thiart, ASD) Verspreiding en oorlewing Die patogeen word versprei deur geïnfekteerde moere asook besmette grond en water en kan in die grond tot agt jaar (of langer) oorleef afhangende van, onder andere, die hoeveelheid siekte-organisme in die grond (inokulum-vlakke), grondtipe, temperatuur, waterstatus, diepte en teenwoordigheid van gasheerplante. Die siekte kan oorgedra word sonder enige simptome. Hierdie simptoomlose oordraging kom veral voor gedurende ‘n droë en koel groeiseisoen en wanneer infeksie laat in die seisoen plaasvind. ‘n Verdere vorm van verspreiding is deur besmette aartappels wat op die varsproduktemark gekoop en dan as plantmateriaal gebruik word. Die beweging van die patogeen in landerye word hoofsaaklik toegeskryf aan verspreiding deur afloopwater. Aangrensende landerye, damme en riviere kan op die manier besmet word. Die risiko verbonde aan kontaminasie deur besmette water is egter laag, maar dit is al in Europa gedokumenteer dat afloopwater van prosesseringsaanlegte wel waterweë besmet het. Besmette grond kan ook deur implemente, wiele, kratte, skoene en hoewe na aangrensende landerye versprei word. Gasheerplante Die teenwoordigheid van gasheerplante kan die oorlewing, vermeerdering en verspreiding van die patogeen bevorder. Tabel 1 van die Suid-Afrikaanse Aartappelmoersertifiseringskema verskaf ‘n lys van algemene gasheerplante van bakteriese verwelksiekte ander as Solanum tuberosum L. CHIPS • Januarie / Februarie • January / February 2012 • Page 21
Navorsing • Research Scientific name/Wetenskaplike naam Common name/Gewone naam Crops/Gewasse Arachis hypogaea L. Groundnut/Grondboon Brassica oleracea L. convar. botrytis (L.) Alef. var. botrytis L. Cauliflower/Blomkool Brassica oleracea L. convar. capitata (L.) Alef. var. capitata (L.) Alef. Cabbage/Kopkool Capsicum L. Pepper/Rissie Citrullus lanatus (Thunb.) Matsum. et Nakai Watermelon/Waatlemoen Cucurbita L. Pumpkin/Pampoen Glycine max (L.) Merrill Soya bean/Sojaboon Gossypium hirsutum L. Cotton/Katoen Helianthus annuus L. Sunflower/Sonneblom Lycopersicon lycopersicum L. Tomato/Tamatie Nicotiana tabacum L. Tobacco/Tabak Solanum melongena L. var. esculentum Nees Weeds/Onkruide Eggfruit/Eiervrug Amaranthus deflexus L. Pigweed/Misbredie Bidens bipannata L. Spanish blackjack/Spaanse knapsekêrel Datura ferox L. Large thorn apple/Grootstinkblaar Datura stramonium L. Common thorn apple/Gewone stinkblaar Nicandra physalodes (L.) Gaertn. Apple of Peru/Basterappelliefie Nicotania glauca R. C. Grah. Wild tobacco/Wildetabak Physalis angulata L. Wild gooseberry/Wilde appelliefie Ricinus communis L. Castor-oil plant/Kasterolieplant Solanum nigrum L. Black nightshade/Nastergal Table 1 of the South African Seed Potato Certification Scheme / Tabel 1 van die Suid-Afrikaanse Aartappelmoersertifiseringskema [Table 1 substituted by R. 1206 of 1 December 2000, amended by R. 927 of 22 October 2010/ Tabel 1 vervang deur R. 1206 van 1 Desember 2000, gewysig deur R. 927 van 22 Oktober 2010] Beheermaatreels Maak seker dat slegs gesertifiseerde moere geplant word in landerye / grond wat jy uithuur en in die tuine van werknemers. Maak seker dat jy ‘n kopie het van die sertifiseringsrekords van die moerverskaffer en hou etikette van alle moerlotte vir toekomstige verwysing. 1. Vermy dip of sny van moere voor plant. 2. Indien daar vermoed word dat ‘n waterbron besmet is, moet dit nie gebruik word vir besproeiing nie. 3. Bakteriese verwelk kan versprei word deur voertuie van persone wat verskillende plase, depots en markte besoek. a. Produsente moet toegang tot sensitiewe areas op plase verhoed. b. Parkeerareas moet verkieslik met sementoppervlaktes voorsien word sodat voertuie hier effektief ontsmet kan word. c. Skoene, veral sole, van besoekers moet ontsmet word voordat hulle in pakhuise en landerye toegelaat word. Page 22 • CHIPS • Januarie / Februarie • January / February 2012 d. Die laaibakke van trokke en sleepwaens moet ontsmet word, veral as daar tekens is van nat eksudasie by die aartappelvrag (sien sanitasie hieronder). 4. Verwelkte plante in kommersiële landerye moet deeglik ondersoek word vir tipiese simptome wat dan deur ‘n verteenwoordiger van Aartappels Suid-Afrika bevestig moet word. 5. In die geval van kommersiële aanplantings (nie moerproduksie nie) kan verlepte plante met hul knolle verwyder word om verspreiding van die patogeen te beperk. Plante moet uitgetrek en verbrand word. 6. Rotasie met nie-gasheerplante kan tot siekte-onderdruk- king lei. Mielies, sorghum, koring, ander graangewasse en een- en meerjarige grasse is van die beter rotasiege- wasse. ‘n Rotasiesiklus van ten minste vier jaar word aanbeveel en opslagaartappels en ander gasheerplante moet gedurende die periode noukeurig beheer word. 7. Uitdroging van die grond en blootstelling aan hoë temperature kan die populasies van die patogeen
Page 1: Navorsing • Research Page 20 •

Bakteriese verwelk - Potatoes South Africa

You also want an ePaper? Increase the reach of your titles

Delete template?

Save as template?