Locaties Oldenzaal: Antoniuskerk Drieëenheidkerk Emmauskerk ...

An den oalen PlechelmusWo steet den oal’n Plechelmus doarhoog boaven Olnzels daken.Is he an ’t dreumen deep en zwoarof stee the stil te waken?De zun spölt um zien’n oalen kop,verweerd, vergriesd, verreempeld;vanof ’n voot töt an ’n tophef um de tied ja steampeld.Dech he nog an de oaldste tieddoo he, pas half geboren,de ossenwagens van zoa wiedmet stene veur zien’n torenzag anrien duur ’t mulle zaand,en rok he nog ’t zwetenvan ’t wearkvolk dat met vaste haandmós beajteln en mos spletenum al dee weerspönige steen’glad en bekwoam te houwen,töt’at den bouwmeister har zeendat he verdan kon bouwen?Heugt um de glorie van aleer,doo priesters en prelatenin boonten umgaank an Oons Heermet psalm en wierookvateneerdöanig brachen daank en eeras ’t hett’sik oet wol sprekkenin innig bidden, deep en laank,um zoa nor God te trekken?Of dech he nog an ’t kriegsremoer,doo ’t kroet victorie kreajen,de koggels as ’n grómmelschoerhem um de oaren weajen,de legers mangs met peerd en manzoa mer de keark intrökken,wat mooj en good was gung d’r an,vertesteweerd en brökken,doo van de vriejheed ’t goalden lechwas helendals verduusterden trök de beande dan wier wegwas alns kepot, ontluusterd.Och, oale keark, in dienen schootwödt nog bewaard de restenvan dien ’n patroon en naamgenootden in dizze gewestenas een van de eersten ’t kruus hef plaanten ók de heiden deupendee vaak vanoet ’t weuste laandum hem te hoope leupen.Plechelmus, leven trouwen vreand,ik mut d’r vaak an deankenwa’s dów biej zun, biej weer en weendoons altied hes te scheanken:’t is dat den kraans van klokken zeenkum oons wier bliej te maken,as ’t leedken oet ’n toren spreenken huppelt langs de daken.Of as nen staarken oasem soestduur wiede öargelpiepenen ’t machtig duur de beuken Boest,as meisterhaand’ goat griepenin ’t klavier en doarmet Bachof Mendelssohn loat leavenvuur ’n geheur dat lóstern magen al dat moois beleaven.Plechelmus, oale basil;iek,dit kan ik diej kolveren:’t Tweantsche volk dat veult sik rieken hoalt diej hoog in ere.Wat ik van hetten wunsche is,dat völle, völle joarende weg oons nog nor ’n hemmel wis,Plechelmus, dienen toren.Arend Lamm(Oet: “Bleujsels van de Modersproake”)18