Create successful ePaper yourself
Turn your PDF publications into a flip-book with our unique Google optimized e-Paper software.
‘t OALE KNOLL’NHOES
‘n Stee woar’j thoes könt veul’n!
Beste Knoll’n en knollinn,
Ok dit joar is d’r ne leuge bladzij veur oons
om vol te krieg’n. Noe denk ie miskien: ‘doa’r
heb die oaln mr as zat tied veur, mear
doar dèènk wie aans over. Veural noe, in de
december-moand, kunt wie t aal nig afkleijn.
Aj nog nooit in Sint Jozef west bint, denk ie
miskien, dat wie achter de geraniums zit. Mear
d’r bint zo völl leu hier an’t wèèrk, dee holt
oons den heel’n dag gangs. Alle dinsdaag’n
mot wie vroog oet de vèèr’n, want dan steet
um 9.00 uur t ontbijt kloar. paar vlotte
dames dekt veur oons de taofels en meestal
kriegt wie ’n gebakk’n ei. Dat roek ie dan van
wiet’n: hèèrlijk! En ‘t smaakt ok onmeunig
lekker. Zulf kok’n dat doot wie nig mèèr. En as
wie dat wa doot, hej binn’n de kotste kèèrn de
brandwèèr bie de deur stoan. Dat hebt ze toch
leever nich.
an kuj om 10.00 uur n kupke koe kriegn
en wel zin hef geet rummicubben of gezellig
kuier’n met mekaar. Om 12.00 uur kriegt wie
dan lekker woarm ettn, 3 gangen, iedere dag
wier. Dat was vrooger wa aans.
En dan komt d’r ‘s merrags nog wat dames en
hèèr’n die met oons noar boet’n hen goat. Ne
lekkern frissn neus haaln en n kupke koe
ergens in ‘t doarp.
e woensdag heb wie dan ne viering, blieft
wie vitaal met de OI gymnastiek, of ie kunt
met n aantal hrn metgoan op de duoets
en rolstoelets. oa t woarme ettn, kuj
nog meer vitaal bliev’n deur met te doon an
koersbal of biljarten en ‘s oamds komt d’r nog
wat dames veur luk gezelligheid en wilt oons
geheug’n ok nog vitaal hool’n deur te goan
kaart’n. Om de but nig al te stram te krieg’n
kuj nog sjoel’n, saam’n in beweging bliev’n, d’r
op oet met de bus, haandwerk’n, bingo en nog
mèèr kaart’n. Tja en dan hebt wie ‘t noe alleen
nog mèèr had over de dingen die’w elke week
doot. In oktober kwam n’n echte Bn-er zing’n
in de emigiuskerk Willeke Alberti. at haj
vrooger toch nig dacht dat ie noar n’n concert
konn’ in de kerk. Maer wie, en vul aandere leu
hebt d’r van genoten. Dan kriegt wie ok a de
vroag van Sinterkloas of wie n’n verlanglijstje
wilt invull’n, want voor aj’t wet dan is’t a wier
december. n as wie dit stuk schrieft is t alwier
bienoa Kerstmis. Sinterklaas is a wier in Spanje.
Sint Jozef is kats mooi optuigt in kerstsfeer en
wie hebt a kerstshows afstruint, kerstbakjes
maakt, kniepekes bakk’n en genoten van mooie
kerstoptreed’ns. Wie maakt oons noe op veur
’t kerstdiner. En as ie dit stuk leest, dan is ’t à
2019 en richt wie oons op carnaval. Disse Oal’n
wet dan welke Neije Prins over t Knoll’nlaand
heerst. Wie kiekt alweer oet noar t Kleintje Gala,
tja, want still zittn doot wie nicht, dat hej noe
wa deur, dunkt mie. En doar kunt wie Oal’n,
de neij’n ontmoet’n. Wie geniet’ van de mooie
optredens van ’t grote gala en van de leu die bie
oons wèèrkt. En wat bint wie onwies blie met al
diss’n leu dee d’r op welke manier ok veur zorgt
dat wie, ok al bint wie oald, d’r nog bie heurt,
met majt doon en majt geniet’n van oonz’n oal’n
dag. Bedaankt! Wie seht mekaar gèèrn in ’t Oale
Knoll’nhoes.
Goodgoan!
Trui en Marie
Ps: Grote letters was mooi.
Wie hebt lesten joar veur
’t eerst is echt fatsoenlijk
könn leez’n wat ze schrieft
over t oale Knoll’nhoes.
37