PDF Nr. 32 - Royal Arctic Line
PDF Nr. 32 - Royal Arctic Line
PDF Nr. 32 - Royal Arctic Line
Create successful ePaper yourself
Turn your PDF publications into a flip-book with our unique Google optimized e-Paper software.
INUK PINGAARNERUTILLUGU<br />
Sulisitsisup sulisuni ajunngitsumik iliorfigisarpagit, tamanna arlalitsigut malugineqarsinnaavoq. Assersuutigalugu<br />
sulisut sivisuumik suliffeqarfimmiittarput aamma sulisut napparsimasartut ikinnerusarlutik.<br />
<strong>Royal</strong> <strong>Arctic</strong> <strong>Line</strong> nunatsinni aalaakkaasunik aalajangersimasunik<br />
sulisoqarpoq qaammammusiallillu agguaqatigiissitsilluni<br />
ukiut 7,8-t atorfeqartarput. Tamatuma naligaa ukiumut<br />
12 %-inik taarseraattoqartarnera. Quersuarmi sulisut naak<br />
nalunaaquttap akunnermusiaqaraluarlutik <strong>Royal</strong> <strong>Arctic</strong> <strong>Line</strong>imi<br />
agguaqatigiissitsilluni ukiut arfineq pingasut sulisuusarput,<br />
napparsimallunilu peqanngittarneq 1,8%-imiippoq. Kisitsisit<br />
taakku tikkuuppaatigut sulisutta <strong>Royal</strong> <strong>Arctic</strong> <strong>Line</strong>-imi sulinertik<br />
nuannarigaat.<br />
SIK qanoq isumaqarpa?<br />
SIK-p siulittaasuata tullia Josef Therkildsen, ulluinnarni taaneqartartoq<br />
Ujoorsi oqaloqatigaarput. Inunnik isumaginninnermi<br />
siunnersuisartutut 1988-imi ilinniarnerminik naammassinnissimavoq,<br />
ukiorpassuarnilumi misilittagarpoq. Siullermik Nuup<br />
Kommuneani suliniummi suleqataasutut sulivoq Nuummilu<br />
Narsarsuarmi inissiarsuarni najugaqartut avatangiisiannik pitsanngorsaaqataalluni.<br />
Tamatuma kingorna Københavnimi<br />
Kalaallit Illuutaanni inunnik isumaginninnermi siunnersortitut<br />
atorfeqarpoq, tamatumalu kingorna Inunnik Isumaginninnermut<br />
Pisortaqarfimmi sulilluni. 1998-imi SIK-mi isumaqatigiissuserisutut<br />
atorfinippoq. 2001-mi SIK-mi siulittaasup tulliatut<br />
qinigaalluni taavalu ukioq manna 2005-imi aamma siulittaasup<br />
tulliatut qinigaaqqilluni.<br />
Ujoorsi ukiumut ullorpassuarni angalasarpoq. SIK-ip immikkoortortaqarfii<br />
23-it, 24-iusunit tikeraarsimavai aammalu nunaqarfinni<br />
klubberpassuit ilanngullugit. Tikitamini tamani suliffeqarfiit<br />
angisuut pulaartarpai sinniisuunerillu ataatsimeeqatigisarlugit.<br />
Ujoorsi oqaluttuarpoq: - <strong>Royal</strong> <strong>Arctic</strong> <strong>Line</strong>-imiilluni pitsaasuusimassaaq.<br />
Tamanna umiarsualivinnut ornigukkaangama<br />
malugisarpara. Sulisoq sulisitsisuminit ajunngitsumik pineqaruni<br />
taava kajumissuseq nammineerluni takkuttarpoq aammalu<br />
suliarisami ajunnginnerpaamik naammassinninnissamik<br />
kissaateqarneq.<br />
Ukioq tamaat akissarsiaqarneq<br />
- Aammalu pitsaasuuvoq, Ujoorsi nangippoq, nalunaaquttap<br />
akunnermusiallit quersuarni sulisut periarfissaqartinneqarmata<br />
piumassutsiminnik aaqqissuussamut peqataasinnaammata<br />
qaangiuttoornermusiassatik katersorlugit. Aaqqissuussaq<br />
imatut isumaqarpoq ukiukkut aamma aningaasarsiaqartar-<br />
LARS SVANKJÆR<br />
neq, umiarsualiviit suliffiujunnaaraangata sikuunera patsisaalluni.<br />
Taamaaliornikkut ilaqutariinni ataataasut ilaquttatik ukioq<br />
tamaat pilersorsinnaasarpaat ukiuuneranilu sulinngiffeqarsinnaapput<br />
piniariarsinnaasarlutillu.<br />
Ujoorsi oqarpoq ajunngitsorsiassat amerlasuujusut sulinermi-<br />
ni atugassarititaasut pitsaasuullutik, tamatuma kinguneraa su-<br />
lisut nuannaarlutik ullaakkut suliartortarnerat. - Tamannalumi<br />
aamma sulisussarsiukulannginnissigut takuneqarsinnaavoq.<br />
Sulisussaaleqinngisaannarpusimi oqarpoq qungujullunilu. ■<br />
<strong>Royal</strong> <strong>Arctic</strong> 3