Radar Nr 1 2006 - Radøy sokn

Han såg og trudde!
Det er Johannes sitt personlege vidnesbyrd om det som
hende påskemorgon. Vi har augnevitneskildring til påsken.
Ein som opplevde alt, har skrive det ned. Heile evangeliet
er vitnemål frå ein som fekk fylgja Jesus på nært hald
gjennom 3 hendingsrike år. Han var med Jesus dei siste
dagane, og stod under krossen saman med Jesu mor og
såg Jesus døy! No er han som var vitne til Jesu død, også
vitne om oppstoda. Han såg og trudde!
Verken Johannes eller dei andre såg slik at det vart unødvendig
å tru, men slik at dei kom til tru. Så fekk dei leva vidare og arbeida i erfaring
som held oppe vissheita om at Herren lever!
Disiplane opplevde tunge stunder også etter påskedag. Tilsynelantande gjekk livet
som før. Motgang og strid var ikkje slutt. Døden syntes rå som før. Og folk fl est
levde som ingen ting hadde hendt.
Likevel er ikkje alt som før. Det avgjerande er annleis. Påskedag er det store tidsskiljet.
Jesu oppstode er gjennombrotet for Guds-rike — våren. Enno er han ikkje
komen, men han er i kjømda, som vårens første blomar ber bod om vår – alt før
vinteren har mist sitt kalde grep.
Stundom kjem tvilen – snikande eller som bråe vindkast. Er det sant? Kanskje det
er innbildning – dette som du kallar tru? Døden og gravene røyner på trua.
Våren er her ikkje heilt, men vårteikna! Er dei ikkje nesten jamngode med våren?
Dei gjev i alle fall eit solid håp. Er det slik at Jesus stod opp frå dei døde, at han
lever i dag, at han går med meg, då er her ny frimodigheit å henta fram til vidnesbyrd
og kristentru .
Maria Magdalena stod vendt mot grava og gret. Det var då ho snudde seg, bort frå
grava, ut mot hangen, at ho såg Jesus. Han stod der i morgonsol, lys levande!
Jesus viste seg ikkje for alle. Han viste seg for dei som sørgde, som hadde det
vondt. Dei fekk møta han, ikkje fordi dei hadde så sterk tru, men fordi dei hadde
knytt livet og håpet til han. Så er det ikkje livet som endar med døden, men døden
som endar med liv. “Livet vant, dets navn er Jesus...” Det er bodskapen frå påskedag.
God påske!
Ingvar Fykse
Påske i kyrkjene våre
Palmesøndag er på ein måte preludiet
til påsken. Jesus rid inn i Jerusalem
og mange hyller han. Vi feirer palmesøndags
gudsteneste i Emigrantkyrkja
kl. 1100.
Skjærtorsdag held Jesus avskil med
læresveinane sine og samtalar med
dei om framtida. Han innset nattverden.
Det blir skjærtorsdagsgudstenester
i Sæbø kl. 1100 og i Hordabø
kl. 1900 - begge med nattverd.
Langfredag samlast vi for å lytta til
Jesu lidingssoge, slik evangelisten
Markus fortel om Jesu siste timar. Vi
held pasjonsgudsteneste i Manger
kl. 1100.
Påskedag er kyrkja sin største høgtidsdag.
Jesus sigra over døden. Han
stod opp og han lever. Vi feirer høgtidsgudsteneste
i Manger kl. 1100.
2. påskedag er det ikkje gudsteneste,
men vi samlast i Sæbø kyrkja kl. 1600
til påskefest i ord og tonar. Radøy
dame kor blir med.
Er det muleg, så besøk fl eire av kyrkjene
våre i påsken. Det hjelper til
med å få ei fulltonande påskefeiring.
Dessutan er det ekstra oppmuntrande
når vi er mange som samlast.
Vel møtt i kyrkjene
i påsken!
Kyrkjelydsutval
Etter at Radøy vart samla til eit sokn,
vart det trong for arbeidsgrupper/ kyrkjelydsutval
i dei gamle sokna. Radøy
sokneråd har no valt kyrkjelydsutval
på kvar stad. Dei som er med, vil få
ansvar for praktiske oppgåver i tilknytning
til gudstenestene og andre
tilstellingar i kyrkjene. Utvala vil bli
viktige medarbeidarar i kyrkjelydsarbeidet.
Desse er med:
Hordabø kyrkje: Kornelius Sylta,
Sølvi Kvalheim Mjøs, Mona Marøy,
Anna Myking Gjerde, Arne Palmesen
og Kjell Sekkingstad.
Manger kyrkje: Magne Myrtveit,
Dagunn Grindheim, Astrid Mellingen,
Oddvar Stang, Sølvi M Mangerøy og
Ingvar Fykse,
Sæbø kyrkje: Erling J Tjore, Solbjørg
Vatnøy, Olav Marås, Grethe Lunde,
Jostein Dale og Kjell Sekkingstad.
Radar helsar dei nye kyrkjelydsutvala
velkomne og ynskjer lukke til
med arbeidet.
Flygel i Manger kyrkje
Ekteparet Inger Johanne og Roar
Ektvedt har gjeve ei storslått gåve til
Radøy kommune: eit nytt Schimmelfl
ygel på 189cm. Det kjem til å stå i
Manger kyrkje og vil vera på plass til
påsken. Les meir i neste Radar.
2
3