You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
18<br />
Umiarsuit nakkutigalugit<br />
Aalborgimi <strong>Royal</strong> <strong>Arctic</strong> Linieagenturip allaffeqarfiani quleriinni siullermiittumi teqeqqumi<br />
issiapput <strong>Royal</strong> <strong>Arctic</strong> <strong>Line</strong>p ingerlatsinermut immikkoortoqarfiani sulisuisa ilaat.<br />
Paasinerlussanngilarsi - naak immikkoortoqarfik toqqukannerluni inissisimagaluartoq,<br />
taannaavoq suliffeqarfissuup pigisaasa pingaarnersaannik nakkutiginnittoq: Umiarsuarnik.<br />
Immikkoortoqarfiup ingerlanneqarnera ulapiffiuvoq ilungersorfiusarlunilu, taakkumi<br />
akisussaaffigaat umiarsuit angalanissaat aamma tamatuma kingunerisaanik<br />
nassiussat apuunnissaat.<br />
- Uagut suliffeqarfissuup immikkoortoqarfiini tassaagunarpugut<br />
suliffeqarfissuarmi aningaasanik atuinerpaajusut, taamak<br />
oqaluttuarpoq ingerlatsinermut pisortaq Jens Boye. - Nuummi<br />
pisiniarnermut immikkoortoqarfipput umiarsuit ingerlanneqarnerannut<br />
aamma asserfallatsaalineqarnerannut pisiortortuupput.<br />
Inuttat iipilitugassaannik tomatitugassanillu kikissanik<br />
aamma motoorip pingaarnerup atortuisa kingoraartissaannik<br />
tamakkuninnga pisiniartarput. Umiarsuaatitta ingerlanneqarnerat<br />
akeqalaarpoq, kisianni aamma taakkuupput<br />
isertitassatsinnik qularnaarisuusut.<br />
Mary ilungersunangaatsiarpoq<br />
Ingerlatsinermut immikkoortoqarfik tassaavoq 'Mary <strong>Arctic</strong>ap'<br />
sananeqarneranut akisussaasuusoq. Sananeqarnera ukiunik<br />
pingasungajannik sivisussuseqarpoq, sivisuvoq, pissanganarsimavoq,<br />
ilungersunarluni ilinniarfiulluarlunilu. Immikkoortoqarfimmi<br />
sulisut ilaat suliap ingerlaneranut Mary<br />
<strong>Arctic</strong>ap sananeqarneranut malinnaasussatut toqqarneqartarsimapput,<br />
tamannalu aallaqqaataanit naatsorsuutigisatsinnit<br />
ilungersunarnerungaatsiarpoq. Tamannalu nalinginnaasumik<br />
tamatta annertunerusumik suliaqarnitsinnik malunnarpoq,<br />
tassami umiarsuit pigineqartut sapinngisamik annertunerpaamik<br />
ingerlanissaat soorunami qulakkeerneqartariaqarmat.<br />
Taamaattorli ullumikkut Mary <strong>Arctic</strong>a takullugu, immikkoortoqarfimmi<br />
tamatta inernera assut tulluusimaarutigaarput,<br />
Jens oqarpoq.<br />
Arlalinnit Mary <strong>Arctic</strong>ap sananeqarnera piginnaasaalu nersualaarneqarput,<br />
aamma immikkut ittumik Kalaallit Nunaanni<br />
tikitamini tulassinnaanera, taammattumik naammassineqarnerani<br />
inernera pillugu tulluusimaaruteqarnissaq tunngavissaqarluarpoq.<br />
Malittarisassat paasiuminaatsut<br />
Umiarsuit ingerlanneqarneranni akisussaaffiit ilagaat nunarsuaq<br />
tamakkerlugu inatsisinik atuuttunik eqquutsitsineq, ilaatigut<br />
sillimaniarnermut aamma avatangiisinut tunngasutigut,<br />
tamakkulu annertuumik pingaartinneqarput. - Nunarsuaq tamakkerlugu<br />
inatsisit atuuttut pillugit suliffeqarfissuaq tamakkerlugu<br />
ilisimatitsisarneq pingaartipparput, oqaluttuartarnertigut<br />
aamma nassiuiaasarnertigut, tassami taakku Kalaallit Nunaannut<br />
atatillugu ilaatigut tunngavissaqarluarnerat imaluunniit<br />
isumatussaartuunerat takujuminaatsinneqartarmat, Jens<br />
nassuiaavoq. - Assersuutigalugumi paasiuminaatsuuvoq,<br />
Kalaallit Nunaanni umiarsualiviit ungalulersorneqarnissaat<br />
peqqarniisaarniarnermut akiuiniarnermut atatillugu, kisianni<br />
uagut umiarsuaatitta allallu umiarsuaataasa nunarsuarmi<br />
umiarsuaviliviit tamanit tulaffigineqarsinnaasut tikissappatigit,<br />
tamanna pisariaqarluinnartuuvoq. Inatsit maleqqissaanngikkutsigu<br />
umiarsuit nunarsuaq tamakkerlugu umiarsualivinnut<br />
tamanit tulaffigineqarsinnaasunut tulatsitaanavianngillat.<br />
Immikkut suliassat<br />
Ingerlatsinermut immikkoortoqarfimmi oqaloqatigiittarneq<br />
paatsuugassaanngilaq, pingaakujunniarfiunngilaq quleqanngitsuuvorlu.<br />
- Sulinerput immikkut suliaqartarnermik tunngaveqarpoq.<br />
Arlaannik takkuttoqartuaannarpoq, tamakkulu<br />
ingerlaannartumik suliarineqartussaasarput, Jens naggasiivoq.<br />
- Taamaattumik pingaaruteqarpoq, tamatta ataasiakkaarluta<br />
suliatsinnut tunngatillugu piginnaasaqarnissarput,<br />
tamatta ataasiakkaarluta nammineerluta sulisinnaanerput<br />
taamatullu qularnaarlugu suliassat naammassineqarnissaat.<br />
■<br />
<strong>Royal</strong> <strong>Arctic</strong>