LAGERTØMMING - Universitas
LAGERTØMMING - Universitas
LAGERTØMMING - Universitas
Create successful ePaper yourself
Turn your PDF publications into a flip-book with our unique Google optimized e-Paper software.
18 | KULTUR |<br />
onsdag 17. oktober 2012<br />
Ekte hår: Camilla Longva var den einaste av framførarane som ikkje måtte ha parykk, sjølv om få trudde håret hennar var ekte. FOTO: PRIVAT<br />
Blondt hår gav<br />
kinesisk operakarriere<br />
Ho skulle berre synge på ein fest. Så blei framføringa til<br />
Camilla Longva vist direkte på kinesisk TV.<br />
KINA<br />
tekst: Cathrine Ekehaug<br />
– Det var ikkje akkurat ein fest.<br />
Eg skulle synge klassisk kinesisk<br />
opera, i fullt kostyme, på den offisielle<br />
feiringa av nasjonaldagen til<br />
Kina 1. oktober, i ein av dei største<br />
bydelane i Shanghai, seier Camilla<br />
Longva (23) på telefon frå Kina.<br />
Longva studerer dette året på<br />
Fudan university i millionbyen<br />
Shanghai. Ein månad inn i første<br />
semester utvikla året seg til å bli<br />
heilt spesielt for songfuglen frå<br />
Bærum. Etter å ha takka ja til å<br />
framføre ein song ilag med ein annan<br />
utvekslingsstudent, fekk ho<br />
spørsmål om kva ho ville ha betalt.<br />
– Eg vart litt paff, eg hadde ikkje<br />
venta å få betalt. Eg sa eg kunne få<br />
det han andre fekk. Det var 1000<br />
RMB (909 NOK, journ.anm.).<br />
Dette er jo ganske mykje pengar i<br />
Kina, så eg byrja å lure på kva eg<br />
eigentleg hadde sagt ja til, seier<br />
Longva.<br />
Operasongarar med<br />
status som rockestjerner<br />
– Kinesisk opera er eit samlenamn<br />
for ei rekke ulike kinesiske dramaformer,<br />
av ulik grad av sofistikasjon,<br />
ofte med regional tilknyting,<br />
fortel professor i kinesisk ved Universitetet<br />
i Oslo, Halvor Eifring.<br />
Syngemåten i kinesisk opera er<br />
veldig annleis og uvand for vestlege<br />
øyrer. Likeså er bruk av sminke<br />
og kostyme med fast symbolsk betyding.<br />
Rørslene er også symbolske<br />
og erstattar ofte behovet for<br />
kulissar på scena. Operaen består<br />
gjerne av ei blanding av song og<br />
dialog. Mest kjend i Vesten er Peking-opera,<br />
som var på sitt mest<br />
populære fram mot 1930-talet. Då<br />
hadde dei største stjernene status<br />
nærast som rockestjerner.<br />
– Men tradisjonelt er operasongarar<br />
sett ned på, fordi deira virke<br />
òg kunne vere nært knytt til prostitusjon.<br />
Dette er sjølvsagt annleis<br />
i dag, seier Eifring.<br />
På nasjonalt fjernsyn<br />
– Då eg kom på lydopptakinga dagen<br />
etter oppdaga eg at dei andre<br />
som skulle opptre var profesjonelle<br />
operasongarar. Etter kvart kom<br />
han eg skulle framføre med, og vi<br />
fekk nokre notar vi kunne øve på.<br />
Eg kunne ikkje lese notar ein gong,<br />
fortel Longva.<br />
På generalprøva dagen før<br />
framsyninga vart ho lamslått av<br />
kor mykje dei hadde rigga opp.<br />
Det var storskjerm og kamera<br />
med kran, og gata var pynta med<br />
blomar og plakatar. Mange nysgjerrige<br />
tilskodarar hadde møtt<br />
opp for å sjå.<br />
– Dei var mest opptekne av om<br />
håret mitt var ekte, og alle ville<br />
ta bilete med meg, ler Longva, og<br />
legg til:<br />
– Sidan eg hadde litt tid medan<br />
dei andre vart sminka, gjekk eg og<br />
kjøpte meg kaffi. Med vanlege klede<br />
og hovud som ei kinesisk prinsesse,<br />
var eg ein stor slager blant<br />
dei gamle kinesiske mennene som<br />
drakk morgonteen sin, fortel ho.<br />
Heile amfiteateret kokte då ho<br />
framførte.<br />
– Der sto eg, ein blond person<br />
og song på kinesisk og dansa tradisjonell<br />
opera. Heile fjeset mitt<br />
var på storskjerm bak meg. Det<br />
var veldig surrealistisk, fortel<br />
Longva.<br />
Etterpå vart ho intervjua på kinesisk,<br />
direkte på nasjonalt fjernsyn.<br />
Her må ein merke seg at Kina<br />
har 1,3 milliardar innbyggjarar.<br />
Sjåartalet på kva som helst kanal<br />
er til ei kvar tid mykje høgare enn<br />
kva «Gullrekka» på NRK nokon<br />
gong kan håpe på å oppnå.<br />
Langt blondt hår truleg<br />
utslagsgjevande<br />
Halvor Eifring tykkjer det er spesielt<br />
at ei vestleg jente utan songbakgrunn<br />
får delta på eit slikt ar-<br />
rangement. Han forklarar at det<br />
finst nokre få vestlege songarar<br />
som har vore gjennom lang trening<br />
og har tileigna seg songteknikk<br />
som passar inn.<br />
– Det har vel ein eigen effekt<br />
dette å sjå ei nordisk kvinne med<br />
langt blondt hår i tradisjonell kinesisk<br />
operagevant og med tradisjonelle<br />
kinesiske operarørsler.<br />
Resultatet vert i alle fall annleis og<br />
meir overraskande enn det ei slik<br />
framføring elles ville vore, seier<br />
Eifring, som tykkjer det er festleg<br />
at hans tidlegare student er blitt<br />
operastjerne.<br />
Operascena i Shanghai får ikkje<br />
nok av Longva. På framføringa<br />
vart ho kjend med eit par profesjonelle<br />
operasongarar, som nærast<br />
har adoptert ho som ei niese. «Onkelen»<br />
hennar har fått ho med på<br />
ei ny framføring den 20. oktober,<br />
denne gongen live i eit kulturhus.<br />
– Blir du kjent att på gata?<br />
– Nja, veit ikkje. Alle stirrar på<br />
meg uansett. Det er umogleg å<br />
vite om det er fordi dei kjenner<br />
meg att eller fordi eg er utlending,<br />
svarar Longva.<br />
kulturredaksjonen@universitas.no