Rektor sin tale til elevane - Stryn vidaregåande skule

2
Du vil møte dyktige og engasjerte lærarar og eit personale som gjer alt for at du skal ha ein
god arbeidsplass i året som kjem. Dei ynskjer å gjere det som er mulig for at du skal få eit
skuleår som gir deg det beste. Vi skal legge til rette for at du skal ha fagleg og sosial utvikling.
Vi skal gjere vårt beste for at du skal kjenne deg trygg og trivast i vårt fellesskap.
Når det er sagt vil eg minne deg på det ansvaret du har for din eiga faglege utvikling, din
eigen trivsel og din egen tryggleik. Du har også eit stort ansvar for medelevane dine.
Eg vil at du skal vise respekt for alle rundt deg på skulen. I dag er det mange barn og unge
som kvier seg for å starte på skulen fordi dei opplever mobbing og utestenging frå
fellesskapet. Du skal vere snill og hjelpsam mot medelevar og andre du møter på din veg. Vi
har nulltoleranse for mobbing og trakassering på Stryn vidaregåande skule.
Skal vi få til eit trygt og godt skulemiljø og læringsmiljø må vi satse i lag.
Ta godt imot dei som har flytta til Stryn og skal bu på hybel. Gjer så godt du kan for at dei
skal kjenne seg velkomne og ikkje opplever einsemd.
Som rektor har eg store forventningar til deg som elev på same måte som du har forventning
til meg som rektor.
Eg vil minne deg på kor viktig det er å tenkje deg godt om når du brukar sosiale medier i
omtale av andre medelevar. Husk at det er ikkje er så lett å vite kvar sanninga er og kven
som ber på sanninga.
Møt opp på skulen. Husk at dersom du skal få vurdering må du gjere deg vurderbar – ver
tilstade i timen og møt presis.
Du skal ta vare på skulen din og alle som er rundt deg på ein måte som gjer deg
betydningsfull og verdsatt av alle rundt deg.
Ta godt vare på skuleplassen din. Du skal vere stolt av å kunne fortelje at du går på akkurat
denne skulen, her i Stryn. Stolt av medelevane dine og av deg sjølv.
Ta godt vare på dei sjansane du får.
Lukke til med skuleåret!