Søkerhandboka 2011 - Samordna opptak

Klage på saksbehandling
Dersom du meiner det er gjort feil i behandlinga av søknaden
din, må du først kontakte institusjonen som har behandla
søknaden. Som oftast er dette ein lærestad, men det kan òg
vere Samordna opptak.
Dersom det er fleire institusjonar som har behandla søknaden,
må du kontakte institusjonen som er saksbehandlar for dei
studieønska du meiner er feilbehandla. Du kan skrive eit brev
der du ber om ei grunngjeving for vedtaket som er gjort. Då kan
det bli avklart om det er gjort ein feil, eller om du har mistydd
reglane.
I nokre tilfelle, ved særskilt eller individuell vurdering, skal
klagen sendast til andre enn din saksbehandlande institusjon.
Nærare informasjon om dette finn du i svarbrevet.
Dersom du ikkje er nøgd med forklaringa som blir gitt, har du
etter forvaltningslova § 28 rett til å klage. Av tidsomsyn bør du
sende klagen snarast mogleg, og seinast tre veker etter at
brevet med grunngjevinga kom til den adressa du hadde ført
opp. Klagen skal sendast til den institusjonen du har fått grunngjevinga
frå. I klagen må du gjere greie for kva du klagar på
og kva for studium klagen gjeld. Klagen må være underteikna
av deg eller den du har gjeve fullmakt.
Dersom institusjonen ikkje gjer om vedtaket sitt, blir klagen
sendt vidare til klagenemndsbehandling.
Opptak til ingeniørutdanning for deg som manglar
(R1+R2) og Fysikk 1FY
Tresemesterordning
Opptak til ingeniørutdanning krev normalt matematikk (R1+R2)
og Fysikk 1.
Viss du har generell studiekompetanse, men manglar den realfaglege
fordjupinga, kan du til nokre av desse utdanningane
følgje kurs i ei tresemesterordning. Det første studieåret er tilrettelagt,
med undervisning både sommaren før og eventuelt
òg sommaren etter det første studieåret. Frå og med det andre
studieåret følgjer du det ordinære studiet.
Studium med tresemesterordning skal søkjast direkte
til lærestadene, ikkje gjennom Samordna opptak. Følgjande
høgskolar tilbyr tresemesterordning med særskilt undervisning
i matematikk og fysikk:
Høgskolen i Buskerud
Høgskolen i Gjøvik
Høgskolen i Narvik
Høgskolen i Oslo
Høgskulen i Sogn og Fjordane
Høgskolen Stord/Haugesund
Høgskolen i Telemark
Høgskolen i Vestfold
Høgskolen i Østfold
Høgskolen i Ålesund
•
Universitetet i Agder
Universitetet i Tromsø
1-årig forkurs
Til ingeniør- og maritime utdanningar kan ein kvalifisere seg
med 1-årig forkurs, uavhengig av kravet om generell studiekompetanse.
Realfagskurs
Fleire høgskolar tilbyr realfagskurs som dekkjer dei spesielle
opptakskrava til høgskoleingeniørstudium for søkjarar som har
generell studiekompetanse, men som manglar fordjuping i
matematikk og fysikk frå vidaregåande skole. Kursa blir i dei
fleste høve tilbydde som deltidsstudium eller eitt semester -
studium.
Nærare informasjon om realfagskurs får du ved å
kontakte dei einskilde høgskolane.
Y-vegen
Til særskilt tilrettelagte ingeniørstudium har lærestadene høve
til å ta opp søkjarar utan generell studiekompetanse, men med
relevant fag-/sveinebrev til særskilte ingeniørstudium.
Informasjon om slike studietilbod finn du på lærestadene sine
nettsider. Du søkjer til desse studia direkte til kvar
lærestad, ikkje gjennom Samordna opptak.
Desse lærestadene tilbyr eit eller fleire ingeniørstudium
med Y-veg:
Høgskolen i Buskerud
Høgskolen i Gjøvik
Høgskolen i Narvik
Høgskolen i Sogn og Fjordane
Høgskolen i Telemark
Høgskolen i Østfold
•
Høgskolen i Ålesund
Universitetet i Agder
Forkurset er ope både for søkjarar som har generell studiekompetanse
(men manglar fordjuping i matematikk og fysikk)
og for søkjarar som ikkje har generell studiekompetanse.
Dei sistnemnde vil bli kvalifiserte for ingeniør- og maritime
utdanningar dersom dei består fullt forkurs.
Opplysningar om forkurs får du ved å kontakte ein
lærestad som tilbyr ingeniør- eller maritim utdanning.
95