Helgedagen mars 2008.indd - Time kyrkjelege fellesråd

More documents

Recommendations

Info

Jesus lever, graven brast! Han stod opp med guddomsvelde. Trøsten står som klippen fast! At hans død og blod skal gjelde. Lyner blinker, jorden bever, graven brast og Jesus lever! Jeg har vunnet, Jesus vant, døden oppslukt er til seier. Jesus mørkets fyrste bandt, jeg den kjøpte frihet eier. Åpen har jeg himlen funnet, Jesus vant og jeg har vunnet. Langfredag var lang Då eg fekk spørsmål om å kome med nokre tankar omkring påske, tenkte eg at det måtte andre passe betre til. Men så kom eg på at det ikkje var meg det skulle handle om, men påska og påskeminne. Eg voks opp på ei lita øy ved Florø som heiter Stavøy. Vi måtte i båt for å kome til kyrkja. Det var stor stas når vi borna fekk vere med til gudsteneste, og det skjedde opptil fleire gonger for året. Utanom kyrkja var det radioen som gav oss ”sundagspreike”. Då var små og store samla i stova. Somme sat, andre låg i sofaen og veslesyster kosa seg med dokka medan sundagsgudstenesta fylte stova. Alle skulle vere inne og vere stille under gudstenesta. Eg ser gamle morfar for meg, der han sit i gyngestolen framfor radioen, med falda, slitne arbeidsnevar, og veslesyster, 10 år yngre enn meg, som streva med å få dokka til å falda hendene. Enno hugsar eg kor trygt og godt det var i stova vår. Langfredag var lang Når det galdt påskehøgtida, var tradisjonane viktige. Fastelavnshelga vart markert med bjørkekvistar i vasane og fastelavnsbollar på kaffibordet. Bollane vart laga i så store mengder at det var alltid att litt til bollemåndag. Eg hugsar så godt at ”feitetysdag” gledde vi oss ekstra til. Då var det alltid herleg komlemiddag med kjøt, bacon og ikkje å forgløyme, sirup! Ertesuppe høyrde også med. Fastetida var som vanlege veker og skjærtorsdag var som ein vanleg sundag. Langfredag var derimot verkeleg lang. Vi og naboborna måtte halde oss heime. Å leika ute, kom ikkje på tale. Ein liten tur i skogen på ettermiddag kunne aksepterast, og vi godtok at slik skulle det vere. Gleda og lyset hadde sigra Så sant veret var brukbart, var det alltid ein eller annan fraktebåt med flagget til topps som frakta oss til kyrkje på påskedag. Eg hugsar enno gleda som fylte kyrkjerommet når salmen ”Påskemorgen slukker sorgen” vart sungen. Det mørke og triste var borte. Gleda og lyset hadde sigra. Den same gode, trygge og forunderlege gleda har eg fått oppleve kvar påske gjennom alle år. Om det har vore på påskegudstenester på ein snøkledd fjelltopp, eller dei mange høgtidsgudstenestene under ulike kyrkjekvelv. Eg er takksam for at eg gjennom heim og skule fekk høyre og lære om kristendommen sitt glade evangelium. Jesus har sona for mine feil, og han har hjelpt i vanskelege stunder. Så skal me atter få feire påske, høyre påskeevangeliet og få takke for at han vil vere med oss vidare på livsvegen. Vi har mange fine påskesalmar. Ein av dei er Johan Nordahl Brun sin over 200 år gamle salme: Jesus lever, graven brast” God påske! Berit Eikevik Valen
”Det var kjekt å rippa litt opp i det” I november vart det arrangert ”Liljekveld” i Timekyrkja. Trass i glatte vegar og hustre ver, var frammøtet godt og vi fekk ein stemningsfull, fin kveld ilag. -Vi har snakka i komitéen om at det kunne vera gildt å få ein samtale med Ingolf Lygren på Bryne. Med sine 92 år er han den siste attlevande av komitéen for 100-års-høgtida i 1959. Interessa for kyrkja og kristenlivet i Time har han halde fast ved og ytt til i alle år sidan. – Ja, når vi spør om eit drøs om farne tider, stiller Lygren opp. Han hugsar ikkje så mykje, påstår han, men det syner seg at detaljar frå ”den gong då” myldrar fram ettersom vi går gjennom stoffet som er nedteikna kring 100-års-høgtida. Den som ynskjer, kan lesa om dette i ”Time Herad fram til 1987”, kapitlet om ”Timekyrkjene fram gjennom tidene”. Lygren minnest komité-arbeidet som interessant og gjevande. Meiningsbrytingar var der saktens undervegs. Å gå i kompromiss med riksantikvarens krav og retningslinjer, sette haldningar og tilvand tankegang på prøve. Dette galdt ikkje minst belysning og nye sete i kyrkja. Og så oppsto der usemje då eit stort blandakor, samansett av songarar frå heile Timesokna, skulle framføra ein nyskriven festkantate av Alfred Hauge, musikk: Peer Steenberg. Etter ein del uro og avisdebatt, sigra fornuften, og det vart ei strålande framføring ved festgudstenesta der biskop Karl Marthinussen tala. Som ein kuriositet kan eg nemna at Russen 1959 fekk godt stoff til russefaget sitt. På lastebilplan kjegla korkledde raudruss medan ein overdynamisk dirigent til slutt fekk orden i rekkene og let songen tona utover Bryne torg. Eit særleg gildt minne for Lygren er at han fekk vera med på steinarbeidet i samband med kyrkjetrappene. Hovudansvaret for steinarbeidet hadde stein- Time kyrkje med den gamle trappa, porten og litt av stallen kring 1913 Innfelt: Ingolf Lygren hoggar Willy Halvorsen som då budde på Bryne. Han var ein framifrå fagmann, og Lygren fekk vera med litt som ein slags hjelpegutt. Noko av steinane fekk dei ferdigkilt frå Garborg, noko fekk dei kila sjølve i ei mark på Aarrestad. Det var her Lygren fekk vera med som borar. Han talar med glød om dei tynne svenskeborane han brukte og poengterer kor viktig det var å ta omsyn til dei balanserande kreftene i steinen. Dei hadde eit uhell og slo av eit stort stykke frå ein av troppesteinane, men steinhoggar Halvorsen visste råd for det. – Gelender ned til parkeringsplassen vart laga hos Trygve Kverneland & sønner (TKS) av Holen og T.T.K. Tida går i ”fykande fart” (sitat frå Gyda Hennig, prestefrue på den tid) i drøset med Ingolf Lygren. Som han sjølv seier med eit lunt smil i det vi tek avskil – ”Det var kjekt å rippa litt opp i det.” Helsing frå Herborg Kverneland, Kverneland, februar 2008. 7
Page 1 and 2: Helgedagen KYRKJELYDSBLAD Nytilsett
Page 3 and 4: Påskesymboler og påskens farger P
Page 5: Min salme Ingrid Høien er oppvakse
Page 9 and 10: www.lyeforsamlingshus.no Lye forsam
Page 11 and 12: Jærklang inviterer til ein spennan

Helgedagen mars 2008.indd - Time kyrkjelege fellesråd

You also want an ePaper? Increase the reach of your titles

Delete template?

Save as template?