PATRIMONIO OCULTO

Abril-Xullo
Castros de Neixón, Boiro.
Típica cerámica de Buño, Malpica
de Bergantiños.
Toxosoutos, ao que podemos chegar facendo unha ruta
de camiñanda seguindo o curso do río San Xusto. En
Rois, visitaremos unha pequena xoia: a igrexa barroca
de San Vicente de Augas Santas, que acolle retablos
de 1738.
A mariñeira vila de Muros vai darnos conta do seu pasado
señorial simplemente camiñando polas rúas do
centro histórico, que teñen nomes tan curiosos como
«Saúde», «Esperanza», «Paciencia»…
Convidámosvos a dar un paseo e a ir descubrindo, devagar,
os seus tan suxestivos nomes que, a bo seguro,
non vos han deixar indiferentes.
Un bo punto para comezar o paseo é a tranquila praza
do Concello. Notaredes que as rúas e as prazas deste
percorrido están salpicadas polos restos da antiga muralla,
así como polas vivendas mariñeiras. Estas típicas
casas tiñan un ou dous pisos con balcóns, un baixo con
soportais, que, en ocasións, quedan por debaixo do
nivel das rúas. Hai anos era frecuente ver nestes locais
como os homes arranxaban os aparellos de pesca mentres
que as mulleres salgaban e lavaban o peixe.
Palilleiras da Asociación As
Nemanquiñas de Vimianzo.
Ecomuseo do Forno do Forte,
Malpica de Bergantiños.
A nosa seguinte visita lévanos ata o centro de interpretación
situado no muíño de mareas de Pozo do Cachón,
un mecanismo accionado pola forza das mareas construído
no primeiro cuarto do século XIX.
Seguindo a ruta pola costa e deixando atrás o centro da
vila, atopamos na parroquia de Louro, coñecida pola súa
tradición turística, as súas praias e polo impresionante
Monte Louro. Pero hai que seguir buscando a pegada
prehistórica da vila. O noso destino é o petróglifo da
Lousa das Rodas.
Descuberto en 1956, podería estar dedicado ao culto ao
sol. Consta dun grupo de dez figuras que representan
dous símbolos espirais, sete circulares e un cabalo solar.
Aproveitando o noso paso por Louro, debemos facer
outra parada no convento de San Francisco do Rial, que
nos agarda sobre un fermoso val ao pé do monte Oroso.
E se quedan forzas, podemos visitar o faro de Louro, situado
en punta Queixal, xusto ao pé dos 241 metros do
monte. Dun lado, a praia de San Francisco, de fronte, a
ría e, do outro lado, o solitario areal do Ancoradoiro e a
lagoa de Xarfas, declarada espazo de interese natural.
17