PLAN DE LECTURA

6º CURSO EDUCACIÓN PRIMARIA
Tamén en ePub
Tamén en ePub
Esmeraldina,
a pequena defunta
Ledicia Costas
Colección: MERLÍN (11 ANOS EN DIANTE)
Ilustrador: Víctor Rivas
Código: 1343250
ISBN: 978-84-9914-999-8
224 páxinas | NOVIDADE | 2ª edición
O Hotel Fantastique está no medio do
Salvaxe Oeste. Nas súas cociñas a pequena
Esmeraldina é feliz, aprendendo todos os
trucos culinarios da man da súa avoa A
Tremenda, unha chef de sona mundial. A
vida avanza entre pucheiros ata que un
andazo de febre escarlatina acaba coa vida
da nena. A noticia da súa morte corre como
a pólvora entre os habitantes do alén, e
empezan a chegar ao hotel defuntos de
todas as procedencias, dispostos a instalarse.
Esmeraldina necesita aprender a ser unha
pantasma de verdade. Para iso contará coa
axuda de Lady Horreur, unha peculiar araña
francesa que se converterá na mellor mestra
e amiga, e Nicotina, unha vaqueira que teima
en levala ao seu novo fogar: o Alén Mundo.
O Libro de Receitas da Tremenda acompaña
esta historia de medo e humor macabro,
converténdoa no petisco perfecto para
degustar antes ou despois de ler Escarlatina, a
cociñeira defunta.
TEMAS: AVENTURA, HUMOR, MORTE, COCIÑA.
Nena e o mar
Érica Esmorís
Colección: MERLÍN (11 ANOS EN DIANTE)
Ilustrador: Dani Padrón
Código: 1343248
ISBN: 978-84-9914-944-8
192 páxinas | 3ª edición
PREMIO MERLÍN DE LITERATURA INFANTIL, 2015
Porto Balea é unha vila mariñeira na que
todos os seus anciáns habitantes perderon
a esperanza. Só Otto, o último home novo
da vila, segue a saír ao mar a diario mentres
deixa a Nena, a súa filla e orfa de nai, ao
coidado dos habitantes da vila acantilada.
Mais un día Otto non regresa, tras naufragar
nos dominios da Illa das Sereas. Dende entón,
Nena loitará contra a desidia e cansazo dos
seus vellos habitantes e con toda a forza de
vontade, o empeño e a valentía que lle collen
no seu corpo miúdo, emprenderá nun bote
pequeno unha aventura temeraria e fantástica
para rescatar ao seu pai.
Nena e o mar é unha novela circular e coral,
unha aventura de esperanza e valentía,
onde todo, absolutamente todo, é posible;
mais onde tamén se poden saborear a ritmo
pausado todos os ingredientes da vida nunha
vila mariñeira e profundizar nas historias dos
seus vellos mariñeiros.
TEMAS: AVENTURA, RELACIÓNS.
5