MANCOMUNIDADE - GAL

1.0SURFONDAS
“O paraíso natural para a
práctica do surf”
Costa das Ondas é o nome polo cal se
coñece esta franxa de costa salvaxe formada
por 12 praias de excepcional calidade
para practicar surf. As súas diferentes
orientacións son a garantía para
surfear case os 365 días do ano, ofrecendo
ademais diversos tipos de onda
que se adaptan tanto ao nivel de quen
está aprendendo como ao dos máis pros.
De norte a sur encontrarás as mellores
ondas nas praias de Esteiro, Vilarrube,
Pantín, A Frouxeira, Campelo, Ponzos,
Santa Comba, Covas-O Vilar, A Fragata,
Esmelle, San Xurxo e Doniños.
Existen ademais diferentes servizos
de calidade ligados a este deporte. En
toda a costa atoparás escolas de surf
con clases diarias, surf camps nos que
ademais das leccións ofrecen aloxamento
para grupos, e surf houses para os
viaxeiros surfistas. Tamén acharás surf
shops con venda de material técnico, así
como shapers locais dispostos a facerche
a mellor táboa para o teu mellor surf.
Sen dúbida a Costa das Ondas é o teu
destino de surf.
www.costadasondas.surf
info@costadasondas.surf
/ / / ACTIVO 365 FERROLTERRA RÍAS ALTAS
5