LIBRI SHQIP 1555-1912 - Biblioteka Kombëtare e Shqipërisë

Parathënie për këtë botim
10
PARATHëNIE PëR KëTë BOTIM
11
Parathënie për këtë botim
Më në fund kultura shqiptare ka “librin e librave” të saj: Bibliografinë
Retrospektive të Librit Shqip në dy pjesët e para, 1555-1912 (I) dhe 1913-1944
(II). Më bie detyra të pohoj me bindje se është fjala për një botim që përbën
ngjarje historike. Në çdo kulturë flitet dendur për “ngjarje” në rastin e botimit
të librave, pa qenë të sigurtë se sa jetëgjatë do të jenë ata, nga njëra anë, si edhe
sa të shumëpritur mund të kenë qenë, nga tjetra. Ndërkaq botimi i Bibliografisë
Retrospektive të Librit Shqip përbën një arritje të lakmuar ndoshta qysh këtu e 90
vite të shkuara, kur qeveria e ardhur në Tiranën kryeqytet nga Kongresi i Lushnjës
merrte vendimin për themelimin e një “biblioteke kombëtare” në Shqipëri. E
pamundur do të ketë qenë që ideatorët e institucionit në fjalë të mos kenë ëndërruar
që shqiptarët të kenë një ditë për duarsh edhe regjistrimin e gjithçkaje që ishte
shkruar e botuar deri më atëherë në gjuhën shqipe, nga Buzuku deri tek ata, në atë
vit të largët 1920.
“Nuk mund të ketë bibliotekë kombëtare pa bibliografi kombëtare”: mbaj
mend t’ua kem kujtuar këtë të vërtetë bashkëpunëtorëve të mi, këtu e vite të
shkuara, kur fillova punën për të drejtuar Bibliotekën Kombëtare të Shqipërisë
së toku me ta. Para se librat të përdoren dhe/ose të studiohen, duhet të dihet që
ata ekzistojnë: ky është parimi lëvizës që shërben si shtysë në hartimin e çdo
bibliografie. Dhe ata që e njohin mirë e bukur këtë parim janë pikërisht punonjësit
e bibliotekave, - të çdo biblioteke me funksion publik, - sepse ato krijohen për
t’u shërbyer nevojave të grupeve më shumë se atyre të një individi. Punonjësve
të bibliotekave, dhe jo “mendjes njerëzore” në përgjithësi, u njihet në historinë e
qytetërimit merita e shpikjes së mjetit universal për realizimin e këtij informacioni,
që është bibliografia.
Afërmendsh: orvatjet për një Bibliografi Retrospektive të Librit Shqip kanë
pasë nisur prej vitesh në Bibliotekën Kombëtare, e cila prej më se 50 vjetësh
harton dhe boton Bibliografinë Kombëtare të Librit Shqip, d.m.th. atë të botimeve
korrente. Se si dhe se pse ajo gjithnjë nuk përfundohej për t’ua ofruar përdoruesve,