bluth faqe e pare.indd

2 - THASH&THEM
BREGU e BASHA: Sa bukur
ishte në kohën e KOP-it
Dy ministrat e rinj dhe simpatikë të kabinetit “Berisha” kanë një
prejardhje të përbashkët në politikën elitare. Ata vijnë nga fusha të
ndryshme, por dikur i bashkoi KOP-i në një ideal të përbashkët. Ishte
një fillim i vështirë, duket se po mendojnë edhe Majlinda Bregu e
Lulzim Basha në një bisedë të lirë para seancës parlamentare. Por sigurisht, që
të dy duket janë në një mendje se nuk ishte aq i vështirë sa ç’është kjo periudhë
që po kalojnë në qeverisje. Berisha atëherë ishte më dashamirës me ta, sepse
ishin të rinj, por tani kërkesat e Doktorit janë shtuar, dhe madje shumë.
E shtunë 21 Qershor 2008
Majko dhe avokat Ngjela, konsulta
para votimit për dekretet
Avokat Spartak Ngjela ka pasur gjithmonë një afërsi me deputetët e opozitës,
por sidomos me ata që janë anëtarë të Komisionit parlamentar të Ligjeve.
Përpara seancës ku do të votohej për dekretet e 5 gjyqtarëve të emëruar nga
Presidenti Bamir Topi, ai ka takuar rastësisht deputetin e PS-së, Pandeli
Majko, për të shkëmbyer dy mendime. Ashtu si rralle ndonjëherë, Avokati ka qene i
shkurtër në mendimet e tij, e ndërsa ka lejuar Majkon të shkojë në seancë, vetë ka
preferuar që të pijë një kafe pranë Parlamentit përpara se sa të fillonte seanca e gjatë
e votimeve.
LESKAJ dhe BRAÇE, të ngarkuar
me fakte për Gërdecin
Kryetarja e grupit parlamentar të PS-së, Valentina Leskaj dhe nënkry
etari Erion Braçe kanë një bashkëpunim shumë të ngushtë. Janë të
vetmit që koordinohen shumë mirë, si për daljen në konferenca shty
pi, ashtu edhe për tematikën e tyre. Sipas një plani të paracaktuar, në seancën e
votimit për heqjen e imunitetit të Fatmir Mediut, Braçe kishte si detyrë që të mbushte çantën
e tij me dosje dhe fakte kundër Kryeministrit Berisha, ndërsa Vali do të bënte prezantimin e
tyre në seancë. Sigurisht, pa u shkëputur nga njëri-tjetri në asnjë rast, ata kanë lënë edhe
orën e takimit para seancës.
INA
gjen një
moment
për t’i
buzëqeshur
diellit
Ka qenë shumë e
zënë kohët e fundit
kryeprokurorja Ina
Rama. Madje,
kështu paraqitet edhe vera
për të, me shumë punë dhe
angazhime. Edhe pse shumë
pranë detit, duket se sivjet
asaj nuk do t’i dalë kohë të
bëjë as plazh me afat të gjatë. E duke menduar paksa për veten e saj, sidomos edhe pas
Këshillit të Prokurorëve, ajo ka dalë në shkallët e Hotel “Tirana International” dhe ndërsa
bisedonte në telefon, po merrte disa rreze dielli. Aq shumë është kënaqur kryeprokurorja
Ina Rama, sidomos nga ai diell që dilte pas disa ditëve me shi, sa që kjo është dukur edhe
nga buzëqeshja e fytyrës së saj, edhe pse sytë ishin mbuluar me syze.