Barua%20kwa%20PM%20TumeK4

Kuwa na upangaji makini, ufuatiliaji na uwajibikaji wa bajeti ya elimu, hasa kupata tija ya
thamani ya fedha (value for money) na kuhakikisha sehemu kubwa ya rasilimali zinafikia
wananchi katika ngazi za chini;
Kuandaa ‘maabara ya kukuza ubunifu’ (innovations laboratory) katika kuboresha
ujifunzaji inayohusisha wadau kutoka vyuo, asasi ya kiraia, taasisi za dini, sekta binafsi
pamoja na Serikali. Pamoja na mambo mengine maabara inaweza kufanya majaribio ya
kutumia teknolojia ya kisasa (kwa mfano tablets) kufundisha wanafunzi;
Kuandaa na kutekeleza mfumo wa kuhabarisha wananchi na kupokea mrejesho kutoka
kwa wananchi, sambamba na kanuni za Ushirikiano na Serikali Wazi (Open Government
Partnership) ili kuwezesha kila mtu kuanzia mzazi hadi Rais kujua nini kinachoendelea
katika kila shule;
Niko tayari kufafanua hoja hizi iwapo itahitajika.
Kwa kutazama mbele, japo sijapata taarifa rasmi, ninafahamu kwamba kipindi cha Tume
kitaongezwa. Ndugu Waziri Mkuu, ninaomba uniruhusu kujitoa kutumikia Tume hii kwa kipindi
kilichoongezwa kutokana na sababu nilizobainisha hapo juu, na pia kutokana na majukumu
mengine ya kikazi yaliyonibana sana. Hata hivyo, ninakuhakikishia kwamba dhamira yangu ya
kuboresha elimu nchini bado ni thabiti, na kwamba niko tayari muda wowote nitakapohitajika.
Pia, asasi yangu Twaweza imeshiriki katika mpango wa “Big Results Now” na inaendelea
kusimamia juhudi kadhaa za kuboresha elimu yetu.
Natanguliza shukrani zangu kwako na kwa Mwenyekiti wa Tume kunipa fursa ya kuchangia
maboresho ya elimu nchini.
Wako,
Rakesh Rajani
Nakala kwa: Ndugu Peniel Lyimo, Katibu Mkuu
Ofisi ya Waziri Mkuu
Prof. Sifuni Mchome, Mwenyekiti
Tume ya Kuchunguza Matokeo ya Kidato cha Nne
Wajumbe
Tume ya Kuchunguza Matokeo ya Kidato cha Nne
5