289 - Føroya Fiskimannafelag

Síða 14 Nr. 289 - 20. mars 2003
Tað er ikki bert smáfiskur, sum fæst. Her eru nakrir stórir
toskar buktaðir niður í ein fiskakassa. Pláss er bert fyri 3
toskum í kassanum, sum rúmar 40 kg.
Vit hava fyrr havt frásøgn frá fiskamarknaðinum inni á
Toftum. Í seinastu viku vóru vit inni á Fiskamarknaðinum
í Klaksvík, sum er ein deild af Fiskamarknaðinum.
Har er eisini stórt virksemi. Her
arbeiða eini 30 fólk og leiðari er
Christian Fríðrik Olsen.
Fiskamarknaðurin í Klaksvík
Fiskamarknaðurin húsast inni í “Svendborg”, uppkallað eftir Svend Thulesen.“Svendborg” varð keypt frá Kósavirkinum fyri nøkrum árum síðani.
Her verður fiskurin ísaður í kassar. Fiskurin kemur úr skiljimaskinuni.
Inni á fiskamarknaðinum hitta
vit ein kendan skipara og fiskimann,
nevniliga Benny Joensen
t.v.Hann hevur í nógv ár verið ein
av okkara grovu trolaraskiparum.
Men nú rør hann “bert” út. Og
tað at hann er 75 ár, heldur honum
ikki aftur. Benny sigur, at
fyrstu nógvu árini hann sigldi,
var hann so avbera ringur í sjóverki.
Teir fyrstu nógvu túrarnar,
hann róði út, sá hann ongantíð
ein fisk á dekkinum, tí hann lá í
koyggjuni við sjóverki. Men sum
frá leið bilaði ikki!
Benny er avmyndaður saman við
einum øðrum kendum trolaramanni,
Olaf Olsen. Teir hava ikki
siglt saman, men teir hava mangan
fiskað lið um lið, eisini undir
buldrasligum viðurskiftum.
Frá vinstru: John Nielsen, stjóri á Fiskamarknaðinum, Verner Olsen,
nevndarlimur og Christian Fríðrik Olsen, leiðari í Klaksvík.