Inspired by Iceland (samantekt 2011) - Íslandsstofa

9 Árangur og uppskera
Verðmætt markaðsátak
Markaðsátakið Inspired by Iceland var á margan hátt einstakt.
Yfir áttatíu ferðaþjónustufyrirtæki tóku höndum
saman við ríki og borg um að koma þeim einföldu skilaboðum
áleiðis að Ísland væri opið og aðgengilegt þrátt fyrir
eldgosið og nú væri einmitt rétti tíminn til þess að sækja
það heim. Undir þau skilaboð tók þriðjungur landsmanna í
sérstöku þjóðarátaki „Þjóðin býður heim,“ 3. júní, þar sem
fólk sendi vinum, kunningjum og viðskiptafélögum heimboð
til Íslands með kynningarmyndbandi. Þetta var þó aðeins
hluti sögunnar eins og rakið hefur verið hér að framan.
Átakið hefur einnig unnið og fengið tilefningar til
alþjóðlegra verðlauna s.s. ICCA, European Excellence
Awards, Global Effie og Euro Effie. Átakið vann einnig til
tveggja verðlauna á ÍMARK hátíðinni á árinu 2011 en átakið
var tilnefnt til sex verðlauna á hátíðinni. Verðlaunin voru:
besta auglýsingaherferðin og vefsíða.
Í markaðsstarfinu kringum Inspired by Iceland hafa
orðið til ýmis verðmæti sem mikill áhugi er á, jafnt hjá
opinberum aðilum sem hjá forráðamönnum ferðaþjónustufyrirtækja,
að nýtist áfram til þess að kynna Ísland sem
áfangastað ferðafólks og einstaka upplifun. Þar er fyrst og
fremst verið að hugsa um að nýta reynsluna sem fékkst
með Inspired til þess að laða ferðafólk hingað utan háannar.
Markaðsátakið hefur skilað vissu um það að á Íslandi
er fyrir hendi mikil þekking og færni í að koma skilaboðum
á framfæri gengum hina nýju félagslegu miðla og skapa
tengsl við ýmsa markhópa og væntanlega ferðamenn til
Íslands. Sú vissa er vísbending um það hver næstu skref
ættu að vera á þessu sviði.
Mynd sótt á Facebook-síðu IBI, tekin af ferðamanni
22