Инфо билтен издание бр. 17/2012

6 Најчесто поставувани прашања од спроведената едукација за
Критериумите за привремена спреченост за работа
Во врска со измената на Правилникот за начинот, постапката и поблиските
критериуми за утврдување на привремената спреченост за работа, ФЗОМ во периодот
од 27.02.2012 година до 02.04.2012 година вршеше едукации на кои присуствуваа 568
лекари:
- 43 лекари вработени во Подрачните служби на Фондот,
- 40 лекари претставници од Здружението на приватни лекари на РМ
- 472 лекари специјалисти од јавните и приватните здравствени установи во
РМ (Универзитетски клиники, Специјални болници, Општи болници,
Здравствени домови, Приватни специјалички ординации и Приватни
болници во РМ)
- 13 претставници од ДСЗИ од Министерството за здравство.
Едукацијата беше извршена со цел запознавање со новите Критериуми за боледување
и измената на начинот и постапката за остварување на правото на привремена
спреченост за работа, а со тоа и понатамошна правилна примена на истите.
Најчесто поставувани прашања на едукациите беа следните:
6.1 Што претставува поимот потесно семејство?
Согласно толкувањето од Секторот за правни работи на ФЗОМ
добиено во Секторот за контрола со допис бр. 09-20518/3 од 26.03.2012
година како членови на потесното семејство на осигуреникот се сметаат:
брачниот другар и децата родени во брак или вон брак, посиноците,
посвоените деца, и децата земени на издржување, што значи дека од
потесното семејство се исклучуваат бабата, дедото, внуците, свекорот,
свекрвата и сл.
6.2 Колку дена ретроактивно може да се отвори боледување?
Согласно Правилникот за начинот, постапките и поблиските
критериуми за утврдување на привремена спреченост за работа член 5
(сл. весник бр.95/2011), привремена спреченост за работа не може да се
утврди ретроактивно освен во случај на болничко лекување и врз основа
на извештајот на здравствената установа дека осигуреникот се наоѓа на
болничко лекување или отпусно писмо по завршеното болничко
лекување.
Страна 21 од 30