UCID Political Platform - Oodweyne News
UCID Political Platform - Oodweyne News
UCID Political Platform - Oodweyne News
Create successful ePaper yourself
Turn your PDF publications into a flip-book with our unique Google optimized e-Paper software.
5.7 La dagaalanka Musuqmaasuqa (zero-tolerance anti<br />
corruption policy)<br />
Musuqmaasuqu waa cadawga 1aad ee horumarinta dhaqaalaha<br />
bulshada iyo guud ahaan horu-socodka dalka. Sidaas daraadeed,<br />
xisbiga <strong>UCID</strong> waxaa ka go’an hirgalinta siyaasad aan u dulqaadaneyn<br />
musuqmaasuq heer kasta oo uu taagan yahay.<br />
Waxa aannu abbuuraynaa hay’ad la dagaalanta musuqmaasuqa,<br />
si ay arrimahaasi u fududaadaana waxaa xoojin<br />
ballaadhan lagu sameyn doonaa Xisaabiyaha guud iyo<br />
Hantidhawrka qaranka.<br />
Xisbiga <strong>UCID</strong> waxaa uu ballanqaadayaa in hay’adaha dawliga ahi<br />
noqdaan qaar ka nadiif ah musuqmaasuq, wax-is-daba marin iyo<br />
xatooyo hanti qaran si dawladda Somaliland u noqoto mid<br />
sumcad leh oo xushmeyn iyo qadarin ku dhex leh bulshadda<br />
caalamka, laguna soo dhiirado in lala macaamilo, la taageero isla<br />
markaana dalkeeda la maal-gashado.<br />
5.8 Dib-u-habeynta Nidaamka Cashuuraha dalka<br />
Xisbiga <strong>UCID</strong> waxaa uu aaminsan yahay in hanaanka haatan<br />
cashuuraha dawladda loo qaadaa uu yahay mid aan caddaalad<br />
ku dhisneyn, kuna sallaysneyn siyaasad isku xidhan oo cashuur<br />
bixiyeyaasha lagu wada gaadho, isla markaana qasnada<br />
dawladda lagu soo wada gaadhsiiyo dhammaan lacagtii<br />
cashuuraha laga helay dhinaca kalena sidii la rabay aanay ugu<br />
noqon muwaadiniinta waxna loogu wada qaban balse in badani<br />
ku lunto xatooyo iyo wax-is-daba marin laxaad leh oo dakhliga<br />
cashuuraha lagula kaco laga soo bilaabo marka cashuur-bixiyeha<br />
laga qaado ilaa inta ay gaadheyso keydka ugu dambeeya iyadoo<br />
aan lahayn nidaam xisaabeed lagu kalsoonaan karo.<br />
Sidaas daraadeed, waxa aannu samaynaynaa nidaam casriya oo<br />
cashuuraha waddanka lagu maamulo, si dakhliga dalku u kobco,<br />
isla markaana aan loo lunsan loona heli karo nidaam cusub oo<br />
cashuureed kaas oo la jaanqaadi kara kobcinta dakhliga<br />
dawladda iyo horumarka ganacsiga madaxa banaan.<br />
Waxa aannu soo celin doonaa kalsoonidii dadweynuhu ku qabay<br />
dawladda iyo addeegyada lagu maalgaliyo cashuurtooda, sidoo<br />
kale, waxa aannu curinaynaa barnaamijyo xoog leh oo<br />
dadweynaha lagu barayo wadaniyada, waajibaadka saran<br />
muwaadiniinta iyo sida ay lama huraanka u tahay in ay bixiyaan<br />
cashuurta si qarankoodu u taabo galo isuna bixiyo.<br />
34 | P a g e