Create successful ePaper yourself
Turn your PDF publications into a flip-book with our unique Google optimized e-Paper software.
Ubbite<br />
Téere bii mooy liggéey bi ma def ak mbëggeel ngir dellu tuuti ci teraanga ji ma jotoon<br />
ci biir Wolof yi. Indiwuma lu bees. Dama dajale rekk léebuy wolof yi nekk ci yeneen<br />
téere. Téere yooyu, lim nañu leen ca mujug téere bii. Am na ay léebu yoo xam ne ni<br />
ñu ko waxe wuute na ci yenn diiwaan yi. Noonu, dugal nañu léebu yi ak seeni wuute<br />
ci téere bi.<br />
Léebu bu nekk bind naa ci ban téere laa ko jële. Mooy lim yi nekk ci diggante xala yi.<br />
Ñaata ci téere yooyu ñu lim ci muju téere bi (maanaam téere yi léebu yi jóge) boole<br />
nañu ab léebu man nañu wone ni léebu boobu siiwe. Maanaam, su ñu fekkee ab léebu<br />
ci fukki téere, léebu boobu moo gëna siiw léebu bu nekk ci benn téere kese.<br />
Léebu wolof yi ëmb nañu xam-xam ak ràññee yu bare. Xeet yépp man nañu jàng lu<br />
bare jaare ko ci léebu wolof yi, ci lu jëm ci luy baax ci nit ci kaw baaxi maam –<br />
maanaam diggante nit ak mbokk, ngor, jom, faayda, teraanga, sutura, sago, muñ, fit,<br />
njaambur, maandute ak ñoom seen. Xalaas, ngor wàññiku na lool ci Senegaal rawatina<br />
ci xale yi. Xëyna téere bi man na fanq ag wàññikoom te denc xam-xamu maam ya<br />
ngir jamono yiy ñëw. Mooy sama yéene. Yal na la Yàlla barkeel, yaw mi jàng téere bii.<br />
Soo gisee sikk ci téere bii, yónni ma ab émayil ca musaa.sarr@gmail.com ngir xamal<br />
ma ko.<br />
Musaa Saar (mi tudd itam Richard Shawyer)