Plani i Integruar i Ministrise se Brendshme per vitin 2008

Plani i Integruar i Ministrisë
Aneksi 5: Masat në kuadër të luftës kundër
korrupsionit
Në funksion të thellimit të masave kundër korrupsionit, strukturat përkatëse në Drejtorinë
e Përgjithshme të Policisë së Shtetit do të:
Forcojnë strukturat e ngritura për këtë qëllim duke kërkuar riorganizimin e zyrave
përkatëse, plotësimin e tyre me burime njerëzore dhe fuqizimin me mjete speciale të
hetimit, sidomos në identifikimin e rasteve të korrupsionit dhe sigurimit të provave.
Thellojnë bashkëpunimin me strukturat e ngarkuara me ligj për identifikimin e rasteve të
fenomenit të korrupsionit si dhe kryerjen e hetimeve të plota, si me Prokurorinë, me
Shërbimet e Kontrollit të Auditit, me SHISH-in, Ministrinë e Financave si dhe Shërbime të
tjera.
Ngritjen e sistemit të inteligjencës në drejtim të thithjes së informacionit për vepra
penale që lidhen me korrupsionin në gjithë strukturat vendore të policisë sipas organizimit
të seksioneve në drejtoritë e policisë së qarqeve.
Hartimin e një plani veprimi antikorrupsion me shtrirje në të gjithë vendin dhe me detyra
në zbatim të Strategjisë Antikorrupsion.
Masat kundër korrupsionit nuk prekin vetëm policinë e shtetit që e ka luftën kundër
korrupsionit një nga detyrat e saj direkte por edhe institucionet e tjera të Ministrisë së
Brendshme dhe përgjithësisht të gjithë shërbimet publike.
Në këtë kuadër mund të përmenden masat antikorrupsion në fushën e reformës së
shërbimeve publike, reformimit të procedurave administrative, fuqizimit të kontrollit të
brendshëm në sektorin publik, forcimit të shërbimit civil, decentralizimit të shërbimeve
publike dhe luftës kundër korrupsionit në nivel vendor, transparencës dhe integritetit në
administratën publike.
36