Tagalog: Prepare to Meet Your God, Angelica Zambrano

Impierno
Pagdakay, habang Siya ay nagsasalita, ang bawat bagay
ay nagpasimulang gumalaw. Ang Daigdig ay umuga at
bumuka, at nakita ko ang isang napakadilim na
kalaliman.
Kami ay nakatindig sa ibabaw ng tila baga isang
malaking bato kasama ang mga anghel na nakapalibot sa
amin. Sabi ko, "Panginoon, ayaw ko pong pumunta sa
lugay na iyon!" Sabi Niya, "Anak, huwag kang matakot
dahil kasama mo Ako" Sa isang saglit bumaba kami sa madilim na butas. Sinikap kong tumingin
subalit mayroong isang matinding kadiliman. Nakita ko lang ang isang napakalaking bilog, at
naririnig ang milyung-milyong mga tinig.
Ako’y napaka-init, dama ko na ang aking balat ay nasusunog. Tanong ko, "Panginoon, ano po ito?
Ayaw ko pong pumunta sa lugar na ito!" Ang Panginoon ay sumagot na ito ay lagusan pa lamang
patungo sa impierno. Mayroong isang nakakagimbal, nakakasulasok at nakakaduwal na amoy, at
ako’y naki-usap kay Jesus na huwag na akong isama. Tumugon Siya, "Anak, ito’y kinakailangan
na puntahan at malaman mo ang lugar na ito." Ako’y umiyak, "Subalit bakit, Panginoon,
bakit?" At Siya ay tumugon, ―upang masabi mo ang katotohanan sa sangkatauhan;
napapahamak ang sangkatauhan, ito’y naligaw at kakaunti ang pumapasok sa Aking
kaharian." (Matt 7:14) Sa sinasabi Niyang ito, Siya ay nananangis. Ang Kanyang mga salita ay
nagpalakas at nagpatatag sa akin, kaya ako ay nagpatuloy sa paglalakad.
Dumating kami sa may dulo ng isang lagusan, nang ako’y tumingin
pababa nakita ko ang isang bangin na nababalutan ng mga apoy. Sabi
ng Panginoon "Anak, bigay ko ito sa iyo." Ito’y isang napakalaking
kuwaderno na may mga papel na walang sulat. "Anak, dalhin mo
ang lapis na ito upang ikaw ay makasulat sa lahat nang
ipapakitang Ko sa iyo, kung ano ang makikita mo at madirinig.
Isusulat mong lahat habang ito’y iyong pinagmamasdan, tulad ng
ito ay nararanasan mo." Sabi ko, "Panginoon, gagawin ko po ito,
subalit napakarami ko na po akong nakikita, Panginoon. Nakikita ko ang mga kaluluwa na
pinahihirapan, at lagablab ng mga apoy."
Maxima:
Lumilipas ang mga oras, at ang aking anak ay nakahiga pa rin doon. "Panginoon, ano po ang
nangyayari?" Mga luha ay dumadaloy sa kanyang mga mata, subalit nang pahirin ko sila,
bumabalik silang muli. Naglagay ako ng isang salamin sa kanyang bibig upang makita ko kung siya
ay humihinga, subalit wala roong hininga. Tinignan namin ang kanyang pulso, wala. Nilagay
namin ang isang kamay sa ibabaw ng kanyang tiyan, wala. Ang lingkod ng Dios ay nagsabi, "Ang
lugar na kinaroroonan niya ay, hindi isang lugar ng mga ngiti subalit isang lugar ng pagdurusa."
10