Hellenic-Albanian%20Business%20Relations%20Index%202016-2017

NIKO PELESHI
QQ
Zëvendës Kryeministër i Qeverisë Shqiptare
Shqipëria dhe Greqia ndajnë mes tyre një histori të gjatë marrëdhëniesh e shkëmbimesh.
E po kaq e gjatë është edhe historia e marrëdhënieve të biznesit mes dy vendeve e
popujve tanë.
Investimet greke në Shqipëri pas rënies së regjimit komunist kanë luajtur një rol të rëndësishëm
në zhvillimin e ekonomisë. Këto biznese përfaqësojnë tashmë disa prej emrave
më të njohur që operojnë në tregun shqiptar.
Ato janë prova e potencialit të madh për investime që përfaqëson Shqipëria dhe e
mjedisit miqësor ndaj biznesit që këta investitorë kanë gjetur në çdo sektor të ekonomisë
shqiptare.
Por kjo është padyshim vetëm njëra anë e medaljes, sepse të shumta janë edhe historitë
e suksesit në biznes në radhët e komunitetit të madh shqiptar që jeton e punon në
Greqi.
Por ne besojmë se marrëdhëniet ekonomike e tregtare mes vendeve tona kanë ende
hapësirë për t’u thelluar. Shqipëria paraqet një sërë potencialesh në fusha që shkojnë
nga energjia, e deri tek bujqësia e turizmi, ndërkohë që bizneset greke zotërojnë eksperiencën,
kapitalin dhe njohuritë për të investuar në mënyrë të suksesshme në zhvillimin
e këtyre sektorëve.
Ne si qeveri po bëjmë gjithçka për ta shndërruar Shqipërinë në një destinacion tërheqës
për investitorët e huaj. E padyshim, nisma si projekti për hartimin e Udhërrëfyesit të
Marrëdhënieve të Biznesit Shqiptaro – Helene, ndërmarrë nga Ambasada Greke në
Shqipëri si dhe Zyra për Çështjet Ekonomike dhe Tregtare, janë një kontribut i vyer në
drejtim të konkretizimit të këtij objektivi.
Hellenic - Albanian Business Relations Index 2016 - 2017 // 17