Create successful ePaper yourself
Turn your PDF publications into a flip-book with our unique Google optimized e-Paper software.
Gazeto Andaluzia 5<br />
Aprilo - Junio<br />
BONVENON EN JAENO !<br />
Jaena Esperanto-Asocio<br />
Kongreso: Solena kunveno de samcelanoj aŭ samprofesianoj,<br />
el unu aŭ el diversaj landoj, por diskuti komunajn literaturajn,<br />
sciencajn, politikajn, ekonomikajn demandojn.<br />
Jen la difino aperanta sur Plena Ilustrita Vortaro pri tio kion ni<br />
invitas al vi fari dum ĉi tiu semajnfino en Jaeno. Kompreneble, la<br />
difino ne nepre devas esti akceptita laŭvorte, kaj tiel estus preferinde<br />
demeti la “solenecon” de la kongreso. Anstataŭ tio ni preferas diri<br />
“amikema kunveno”; same la afero pri “samaj celoj” ne devas esti<br />
komprenita tiel, pro la fakto ke, kiam ni ĉiuj lernis la internacian<br />
lingvon, niaj celoj estis tute malsimilaj. Iuj pensis pri la monda paco,<br />
aliaj pri pliigo de la vojaĝ-eblecoj, kelkaj eĉ pri nova lingvo lernota.<br />
Do, unuvorte ne estas dezirinde, ke ni ĉiuj pensu same rilate<br />
esperanton. Do, el la andaluzia vidpunkto, kongresi havas alian<br />
signifon, oni povas difini ĝin kiel la uzo de komuna lingvo por paroli<br />
pri ĉio, absolute ĉio, eĉ por diboĉi se oni trovas la taŭgan momenton.<br />
En Andaluzio, bedaŭrinde, ni ne disponas pri multnombraj<br />
eblecoj praktiki la internacian lingvon. Pro tio ni devas profiti tiujn<br />
malfotajn okazintaĵojn por paroli-paroligi kaj aŭdi-aŭdigi la<br />
zamenhofan lingvon. Krome, tiel ni montros al la ĉirkaŭanta socio, ke<br />
ni ekzistas. Do, la organizantoj de ĉi tiu 15-a Andaluzia Kongreso de<br />
Esperanto bonvenigas vin al ĉi tiu modesta sed revema;<br />
malmultenombra sed grandega; mallonga sed daŭra kongreso de<br />
esperanto en la plej suda lando de Eŭropo: Andaluzio.<br />
Multaj el vi ne vizitis Jaenon antaŭe. Nia celo estos ankaŭ<br />
montri nian malgrandan urbon, eta ja, sed<br />
vizitinda kaj ĉefe ĝuinda. Verkisto diris iam,<br />
ke la mondo estas tio kio ĉirkaŭas Jaenon,