Il-Fuljett Amigos | Edizzjoni Speċjali

mill-
Ir-Rokna tal-Editorjal
D
an il-fatt li sa
nirrakkonta ġara
ġewwa Ishiara,
raħal fqir ħafna,
fejn hemmhekk il-Patrijiet
Agostinjani Afrikani
għandhom Parroċċa. Il-
Kappillan, Fr Geoffrey, talabna
biex nibnu xi kmamar għal
familji b’ħafna tfal u li jkunu
verament fil-bżonn. Niftakar
kien qalli li din id-darba sa
nieħdok għand familja li
toqgħod ’il bogħod ħafna mirraħal
madwar 20 minuta bil-
Jeep. Tridu timmaġinaw ftit li
biex wasalna għand din ilfamilja
kellna ngħaddu minn
toroq kollha ħamrija u blat,
qalb ħafna siġar kbar tax-xewk
u ftit siġar oħra li jservu ta’
ikel għall-mogħoż. Trid
toqgħod ukoll attent waqt issewqan
li ma tinqalibx. Kull
fejn tħares tara biss nixfa
kbira, ambjent vera ikrah.
Din il-familja kellha erba’
bniet u tliet subien. Iż-żgħir
kien tifel ta’ xi ħames snin.
Mingħand dawn it-tfajliet lejn
l-aħħar skoprejt li ġo hut
żgħira ħafna u kważi mkissra,
kien hemm tgħix in-nanna
tagħhom. Din l-anzjana, kif
qalu huma, kellha ’l fuq minn
mitt sena. Din in-nanna qatt
f’ħajjitha kollha ma rat
persuna bajda. Dawn meta
qalulha li hemm aħna l-bojod
u ma’ dawn iż-żgħażagħ hemm
saċerdot ukoll abjad, xtaqet li
mmur ħdejha biex nitlob
magħha u nagħtiha l-barka
saċerdotali. Meta dħalt ġewwa
fejn din in-nanna ħadt xokk
bil-miżerja li rajt quddiem
għajnejja. Kienet fuq sodda
taz-zkuk tas-siġar u speċi ta’
saqqu magħmul minn ftit tiben
u kutra. Tal-biki!!! Jiena
tbaxxejt kif stajt u bdejt nitlob
fuqha. Imma din qabel talbitni
biex tmissli wiċċi għax kienet
għamja. Xtaqet tħoss kif ikun
wiċċ ta’ persuna bajda.
Nistqarr dnubi magħkom,
għall-ewwel ma ħadtx gost
meta rajt dawk l-idejn
maħmuġa u bi dwiefer
mgħawġa, imma aċċettajt.
Wara li ħasset wiċċi sewwa u
kont lest mit-talb u l-barka
tiegħi, talbitni hi jekk jiena
nixtieqx issa l-barka tagħha.
Jiena aċċettajt mal-ewwel,
ersaqt lejha u baxxejt rasi biex
nirċievi l-barka tagħha. Imma
din għal darb’oħra riedet
tmissli wiċċi biex nirċievi l-
barka u mhux rasi. Jiena rsaqt
lejha u din bdiet tgħid xi talb
bil-lingwa tagħhom. Wara ftit
daret fuqi u b’kemm kellha
saħħa bdiet tobżoq fuq wiċċi.
B’wiċċi kollu bżieq dort lejn
in-neputijiet u staqsejthom
għalfejn għamlitli hekk. Dawn
weġbuni “Dik hija t-tradizzjoni
ta’ kif l-anzjani jagħtu l-barka
tagħhom fuq l-oħrajn. Innanna
bil-bżieq tagħha
(simbolu tal-ilma), f’kelma
waħda xtaqitlek ħajja twila u li
ħajtek tkun dejjem ta’ ġid
għall-oħrajn, bħall-ilma taxxita.”

Ir-Rokna tal-Editorjal
Għażiż Fr.
Fil-quddiesa ta’ Santa Rita
smajtek tgħid li xtaqt tiġbor
għall-missjoni fil-Kenja, u
allura qed nibgħatlek
donazzjoni u nixtieq li
tonfquha jekk jista’ jkun għal
dawk li m’għandhomx x’jieklu,
għax ma naċċettax li xi ħadd
jgħix bil-ġuħ.
Inselli għalik,
G. C.
___________________________________
Proset tax-xogħol sabiħ li
qegħdin tagħmlu. Aħna
naqraw b’interess kbir irrivista
Amigos. Il-Mulej
ikompli jbierek ix-xogħol sabiħ
li qegħdin tagħmlu.
Kalendarju t’Attivitajiet
Grazzi tal-Kalendarju.
D. & T. S.
PS: Nirrakkomandaw il-familja
tagħna fit-talb tagħkom.
___________________________________
Għażiż Fr Mario,
Nispera li tinsab tajjeb. Qed
nibgħatlek dan iċ-ċekk. Nixtieq
li b’din id-donazzjoni, jinxtara
ikel għan-nies foqra filmissjoni.
Il-Mulej ibierek lilek
u lil kull min jaħdem għall-ġid
tan-nies fil-bżonn.
Inselli ħafna għalik u nitolbok
tiftakar fija u fil-familja tiegħi
fit-talb tiegħek.
Nitolbok ħafna tberikna.
Grazzi. Dejjem tiegħek,
F. V.
Napprezzaw il-preżenza ta’
kull wieħed u waħda
minnkom għal dawn l-
attivitajiet. Għall-aħħar
dettalji dejjem iċċekkja l-
paġna tal-Facebook:
Messaġġ mill-Edituri:
EDIZZJONI SPEĊJALI
M
atul is-sena l-
oħra bdiet ilħidma
sabiex
nagħtu dehra
ġdida lil dan il-fuljett. Wara
tibdil fid-disinn u fil-logo, din
is-sena qed naħdmu biex
nipprovdu lilkom il-qarrejja
iktar materjal fil-fuljetti.
Iż-żieda tal-materjal ser issir
permezz ta’ erba’ paġni
ġodda. Dawn il-paġni ġodda
jġibu magħhom mhux biss
iktar xogħol sabiex niġbru u
niktbu iktar materjal, iżda
jġibu wkoll iktar spejjeż x’
jitħallsu mid-donazzjonijiet
ġenerużi ta’ ħafna
benefatturi kif ukoll mill-
Provinċja Agostinjana.
Għalhekk din l-edizzjoni
qegħda toħroġ bi prova, biex
naraw kif ħa tiġi milqugħa.
Napprezzaw immens ilkummenti
u l-ittri tagħkom,
fejn tgħidulna x’taħsbu. Tant
hu hekk li ddedikajna wkoll
sezzjoni ġdida, biex
nippubblikaw l-ittri tagħkom
il-qarrejja. Grazzi tassapport
kontinwu f’dawn l-
aħħar 25 sena.

miktub minn
L-esperjenza fil-Możambik
Q
att kont f’sitwazzjoni
li tagħmel kemm
tagħmel, taħdem
kemm taħdem qisu
dejjem għal xejn? Bħal donnu
xejn qatt ma jinbidel u
minkejja l-isforzi tiegħek,
kollox jibqa’ jitkaxkar malistess
kurrenti ta’ dejjem.
Tibda taqta’ qalbek u saħħtek
iċċedi. Is-sitwazzjoni li spiċċajt
fiha hija bil-bosta ikbar
minnek u l-għeruq talaffarijiet
li inti mdawwar
bihom huma fil-fond wisq
sabiex tqaċċathom. Tidħol għal
esperjenza ġdida b’tir,
b’eċitament u
b’determinazzjoni li tagħmel
differenza u ftit jiem wara l-
bidu tħossok qed tifga fit-toqol
tagħha u tipprova kemm
tipprova qatt ma tista’ tqum
fuq saqajk. Qatt kont
f’sitwazzjoni li tagħmel kemm
tagħmel qisu dejjem għal xejn?
Tkun għall-aħħar ħa
tiddispra u tħalli l-kumplessità
tas-sitwazzjoni tirbaħlek meta
xaqq ta’ dawl, bħal donnu
mibgħut mis-sema, ifiġġ
quddiem għajnejk. Bħal
fjamma żgħira, li fl-abbiss li
tkun sibt ruħek fih, tiddi
b’saħħa qalila daqs l-ikbar
ħuġġieġa, u tkeċċi d-dlamijiet
li ħakmuk. Din hi l-esperjenza
tal-missjoni. Meta ssib ruħek
f’faqar li l-ebda ġid ma jista’
jtaffi, għax huwa ikbar milli
sempliċiment in-nuqqas ta’
flus. Tasal f’art imbiegħda,
bħal donnha minsija wkoll
minn Alla, il-kreatur tagħha, u
s-sitwazzjoni taħsad u
tiżborlok kull ħeġġa u
eċitament li ġejt biha. X’inhu l-
iskop li tibni għarix jew tnejn,
meta hemm eluf oħra li ma
lħaqthomx? Il-għaliex infaqt ilmijiet
minn butek, meta anka
waqt li għadek hemm ħajjet
dil-komunità sejra dejjem
għall-agħar? U tħossok qed
tifga fit-toqol tas-sitwazzjoni.
U tgħolli ħarstek u tintebaħ li
sibt ruħek f’abbiss. Iżda propju
meta tkun ħa tmiss il-qiegħ,
hemmhekk ifiġġ id-dawl.
Dan ix-xaqq ta’ dawl, din
il-fjamma tnemnem ma huma
ħadd ħlief dak it-tfajjel l-
iskola, jew dik il-mara taħt ftit
tiben qadim, li wara ġurnata
xogħol fix-xemx sabiex
ittejbilhom kemmxejn issitwazzjoni
tqila tagħhom,
jersqu fuqek u b’sinċerità
kbira jgħidulek “Grazzi”. Tara
t-tfal tal-iskola jitbissmu għax
qed taqralhom storja, waqt li
xi wħud minnkom qed
tiżbgħulhom il-klassijiet. Tara
raġel xwejjaħ li minkejja li qatt
mhu ħa jara d-dar li bnejtulu,
għax għajnejh ma għadhomx li
kienu, jemmen li minn issa ‘l
quddiem ħa jgħix aħjar u
jgħożż il-fatt li l-bojod ċekknu
lilhom infushom tant li waslu
li jaqdu lilu, raġel iswed.
Tisma’ tfajjel jgħajjat ismek
għal darba... tnejn... tlieta! U
avolja qed tagħmilha ċara li
tinsab ikkonċentrat fuq
xogħlok, li qed tpinġilhom
żewġ karattri mal-ħajt u ma
tixtiqux itellfek, titlaq il-pinzell
minn idek, iddur tħares lejh, u
f’idu tilmaħ mhux fjamma,
imma l-ħuġġieġa nar,
mibgħuta bħal donnu missema
biex taqilgħek middlamijiet
li kont fihom.
Inewwillek biċċa karta, blistess
disinn li ħlaqt int stess u

li għal dan l-aħħar jumejn tant
ħdimt biex pinġejtilhom ma’
ħajt. Jitbissem. U titbissem int
ukoll, għax tara l-ferħ tiegħu, u
tinduna kemm xogħlok qed jiġi
apprezzat. U kull darba li
tiftakar fiha, għajnejk iduru fid
-dmugħ u l’Alla tgħidlu grazzi,
għax dak it-tifel imliek
sodisfazzjon u żewwaqlek l-
esperjenza b’ilwien liema
bħalhom.
Faċli tħossok bla użu.
Meta jkollok ix-xorti tirritorna
f’villaġġ li ħdimt fih is-sena ta’
qabel, fl-istess parroċċa li tant
ferħet bik, ikollok l-isfortuna li
ssib kollox l-istess. Hemm
jibdew id-dubji, u tibda tiġi
ppersegwitat mill-mistoqsija,
“Imma ix-xogħol tas-sena l-
oħra kien kollu ta’ xejn?” U
hemm taqbad in-niżla li
twasslek f’punt ikrah fejn
tibda tħares lejn kemm xogħol
mhux ħa tlaħħaq tagħmel u
kemm modi ma tistax tbiddel.
U dan l-abbiss ma għandux
qiegħ, imma tibqa’ togħdos
fid-dlamijiet sakemm
tiddeċiedi li ħa tibda tfittex iddawl.
Il-preżenza ta’ bniedem
abjad f’artijiet bħal Możambik
kienet tfisser ħaġa waħda -
oppressjoni. L-abjad ħa
jgħakksek, ħa jħaddmek u ħa
jabbuża mill-poter tiegħu
sabiex jistagħna minn fuq
dahrek. U avolja llum il-
Możambik hu stat
indipendenti u qed jieqfu lil
din l-oppressjoni, il-mentalità
għadha li l-abjad aħjar
minnhom. Jakkomodawh
kemm jistgħu u m’hemmx ċans
li ħa jħalluh ibati għax dak
abjad. Bil-preżenza tagħna, l-
Amigos, fil-faqar tal-villaġġ ta’
Mapinhane, mhux biss ngħinu
ftit familji kull sena f’affarijiet
materjali, bħal saqaf fuq
rashom jew ftit ikel, imma
nippruvaw ukoll inkissru din l-
idolatrija u nkunu xhieda talugwaljanza
tal-bniedem,
minkejja l-kulur tal-ġilda.
Inpoġġu mal-komunità filquddies
ta’ nhar ta’ Ħadd,
nagħmlu xogħol bħalma
jagħmlu huma, u nirkbu fuq
wara tat-trakk, bħalma jirkbu
huma. Dawn il-ftit azzjonijiet,
ta’ kuljum, iħallu effett ikbar
milli qatt stajt nimmaġina.
Bħal ċagħqa f’naqr’ilma, ittmewwiġ
tagħha dejjem jikber
u jilħaq iktar nies, ukoll jekk
aħna ma nkunux għadna
hemm biex naraw l-effett
tagħha.

miktub mill-
Ġabra ta’ Ritratti u Tifkiriet
“Il-Faqar tal-Identità”
X’inhu l-faqar għalik? Xi ħaġa li
ħasditni meta kont ġewwa l-
Możambik hija propju l-faqar
fuq l-identità tal-persuna.
Waqt li konna nibnu l-
‘palhotas’ stajt ninnota ħafna
tfal li meta tistaqsihom
x’jisimhom u kemm għandhom
żmien jibqgħu ċċassati lejk,
bħal donnu lanqas biss jafu
x’ġurnata hi, aħseb u ara meta
twieldu. Sfortunatament din
hija r-realtà li jgħixu fiha dawn
in-nies. Wieħed jista’
jargumenta li l-isem u l-età ma
jiddeterminawx il-persuna.
Jista’ jkun veru; iżda dawn
huma żewġ affarijiet essenzjali
li jagħmlu parti mill-identità
tal-individwu. Hija ħasra kbira
li dawn it-tfal ħadd ma jaf
bihom u meta tara b’għajnejk
dan in-nuqqas bilfors
iġiegħlek tistaqsi “Nista’
nimmagina lili nnifsi persuna
bla identità - bla ma ħadd jaf
min jien?” Roslianne Spiteri

“Is-Sabiħ tal-Għotja”
L-esperjenza tiegħi fil-
Możambik nista’ ngħid li
kienet waħda sabiħa ħafna,
għaliex ħassejt sens kbir ta’
sodisfazzjon waqt il-ħidmiet li
wettaqna, ħafna ikbar minn
meta wieħed jgħaddi minn xi
eżami jew ilesti xi proġett. Issabiħ
tal-għotja deher ukoll
min-naħa tagħhom. Waqt ilquddiesa
tal-Ħadd, osservajna
li barra l-ġabra tal-flus, waqt
il-mument tal-offertorju jkun
hemm purċissjoni ta’ nies li
joffru offerti ta’ ħaxix, frott,
zokkor, tiben, eċċ... biex
jitqassmu lil min hu iktar filbżonn.
Huwa minnu l-fatt li
meta tagħti tirċievi, għax nista’
ngħid li rċevejna ħafna ferħ u
paċi minn dawn ħutna. Ixxewqa
li ngħin ma tiqafx hawn.
Nixtieq li nkompli naħdem
għall-proxxmu tiegħi anke fissoċjecà
fejn ngħix u nħeġġek
biex int ukoll tagħmel
esperjenza missjunarja.
Andrea Naudi

miktub minn
Il-Ħajja fil-Możambik
F
il-kunvent massorijiet
Agostinjani li
hemm ġewwa
Mapinhane, fejn
konna qed noqogħdu aħna,
joqogħdu wkoll xi tfajliet ta’
bejn is-sbatax u t-tnejn u
għoxrin sena biex jiddixxernu
iridux jidħlu fil-ħajja reliġjuża.
Huma għadhom jattendu l-
iskola u għalhekk iridu jlaħħqu
mal-istudju tagħhom u flistess
ħin mal-ħajja talkomunità
li tirrikjedi anke
ħafna responsabbiltajiet.
Dawn it-tfajliet jiġu minn
postijiet differenti minn
madwar il-Możambik, uħud
minn Mapinhane stess imma
oħrajn minn postijiet ’il
bogħod ħafna. Il-familji
tagħhom huma pjuttost simili
tal-familji l-oħra fil-Możambik,
sempliċi u fqar u b’nuqqas ta’
edukazzjoni. Allura l-
formazzjoni li jirċievu
mingħand is-sorijiet ma
tgħinhomx biss għall-ħajja
spiritwali tagħhom, imma
anke tagħtihom tama għallfutur,
timmaturahom u
tgħinhom jiżviluppaw
mentalità miftuħa b’valuri
tajbin. Tipprovdilhom ukoll
edukazzjoni xierqa li
tgħinhom jikbru fil-ħiliet
tagħhom u eventwalment
ikunu ppreparati għall-ħajja
adulta tagħhom.
Xi ħaġa li kont nammira ħafna
f’dawn it-tfajliet u li anke
kienet iġġegħelni naħseb hija
kif ta’ età daqshekk żgħira
m’għandhomx l-istudju biss
fuqiex jiffukaw, kif
normalment ikollna aħna ż-
żgħażagħ ta' dik l-età. Huma
jridu jgħinu fix-xogħol tad-dar,
tisjir, tindif u anke flappostolat
li jkollhom issorijiet
- fejn jagħtu servizz lin
-nies fil-bżonn. Irresponsabbiltajiet
jaqsmuhom
bejniethom, fis-sens li kull
waħda jkollha xi xogħol
x’tagħmel, imma kuljum jew
kull ġimgħa, jinbidel.
Kull filgħodu wħud
minnhom jikinsu u jaħslu l-
kuruturi, il-kmamar tagħhom
u l-kmamar komuni bħal tal-

ikel u tar-rikreazzjoni. Oħrajn
jgħinu fit-tisjir u l-ħasil talplatti.
Uħud jippreparaw ilmejda
għall-ikel u wara
jiżbarazzaw. Meta jkollhom
quddiesa matul il-ġimgħa,
huma jridu jagħżlu l-kant
għall-quddiesa u janimawha
bil-kant u d-daqq. Ikollhom
anke roster ta’ min se jaqra l-
qari u s-salm. Apparti minn
dan, filgħodu kmieni jkollhom
it-talb mas-sorijiet, flimkien
bħala komunità. Il-ħwejjeġ u x-
xugamani tagħhom iridu
jaħsluhom huma stess.
Dan kollu jsir fil-ħinijiet
fejn ma jkunux l-iskola. L-
iskola t’hemmhekk imexxuha
s-sorijiet Agostinjani stess.
Peress li jattendu ħafna u
ħafna tfal, ikun hemm żewġ
shifts - wieħed mis-7am sa
12pm u l-ieħor min 12pm sal-
5pm. Allura jkun hemm min
imissu filgħodu u min
waranofsinhar. Għalhekk, irresponsabbiltajiet
tad-dar
jinqasmu wkoll skont il-ħin
tal-iskola tagħhom.
Bla dubju, dan kollu
jgħinhom biex ikunu
dixxiplinati u responsabbli.
Però, għalkemm dan jidher
ħafna għal dawn it-tfajliet
żgħar, huma xorta jidhru
kuntenti u jagħmlu kollox
minn qalbhom. Konna
narawhom il-ħin kollu
għaddejjin b’ħeġġa u enerġija
pożittiva, jiċċajtaw flimkien u
fl-istess ħin jagħmlu kollox
b’serjetà. L-atmosfera u l-
ispirtu ta’ bejniethom huwa
wieħed ferrieħi u ta’ fraternità,
huma qishom propja aħwa ta’
xulxin. U kull meta kienet tkun
xi festa, jew anke xi għeluq
żmien xi ħadd minnhom,
tarahom kollha jippreparaw
b’entużjażmu sħiħ, biex
filgħaxija jiċċelebraw festa
sabiħa flimkien. Ta’ min
nitgħallmu minnhom u
nitħeġġu biex kulma nagħmlu,
anke l-iċken affarijiet,
nagħmluhom mill-qalb,
f’għaqda mal-oħrajn, għall-ġid
tal-komunità.

miktub minn
u
Riflessjonijiet wara 25 sena mill-esperjenza missjunarja tagħna
F
l-1993, il-Patrijiet xhur ta' tħejjija, laqgħat, u
Agostinjani f'Malta taħrig fil-lingwa Portugiża,
ħadu deċiżjoni li konna lesti biex nibdew l-
jagħtu esperjenza esperjenza missjunarja. Ilgrupp
ta’ tnax-il lajk flimkien
missjunarja lil grupp żgħir ta’
lajċi. Aħna konna midħla tal- ma’ Patri Mario u Patri
Patrijiet Agostinjani billi Adeodat tlaqna minn Malta
konna nagħmlu parti minn lejn il-Belt ta’ São Paulo filkomunità
Nisranija żagħżugħa Brażil.
mmexxija minn Patri Mario
il-quddies tal-Ħadd.
Il-Provinċjal ta' dak iżżmien,
Patri Adeodato
Schembri, inkariga lil Patri
Mario sabiex jorganizza din l-
esperjenza u jmexxi l-grupp ta'
missjunarji lajċi. Dak iż-żmien,
aħna konna għadna kemm
iżżewwiġna s-sena ta’ qabel u
ħadna d-deċiżjoni li nagħmlu
din l-esperjenza bħala koppja;
konna ilna mixtiqin li nagħmlu
esperjenza simili u fl-aħħar
din setgħet isseħħ. Wara disa’
Minkejja t-tħejjijiet kollha,
xejn ma ppreparana għalleffett
li ħalliet fuqna din l-
esperjenza, speċjalment ilmod
kif inħarsu lejn il-fqir u l-
emarġinat. Fetħitilna
għajnejna għall-inġustizzji
soċjali u tatna d-
determinazzjoni li nkunu
disponibbli għaż-żgħir, li ma
niddiskriminawx u naċċettaw
lil kulħadd. Fuq kollox,
ikkonvinċietna li nippruvaw
ngħaddu dawn il-valuri lit-tfal
li seta’ jkollna. Għoxrin sena
wara ngħatajna l-grazzja li ż-
żewġt uliedna: Jillian u Kieran,
it-tnejn kellhom esperjenzi ta'
volontarjat, kemm f’Malta kif
ukoll barra minn Malta.
Illum, ħamsa u għoxrin
sena wara l-esperjenza tagħna
fil-Brażil, għadna ngħożżu l-
esperjenza fit-totalità tagħha u
għandna gratitudni kbira lejn
il-Patrijiet Agostinjani għal din
l-opportunità li konna
ingħatajna u li sawret ’il
ħajjitna tul dawn is-snin.
Appell lill-voluntiera talpassat:
AĠĠORNAMENT
TAD-DETTALJI
Qed naġġornaw in-numri tattelefon
u l-indirizzi
elettroniċi tal-voluntiera
f’dawn l-aħħar 25 sena. Jekk
inti wieħed/ waħda
minnhom, ikkuntatjana fuq:
missions.amigos@gmail.com

Fejn jintefqu d-donazzjonijiet tagħkom
Bid-donazzjonijiet tagħkom, ser inkomplu nibnu kmamar u
għerejjex fejn jgħixu nies fil-bżonn, bħal dan ir-raġel nieqes
mid-dawl, li jirringrazzja lil Amigos, u lill-benefatturi kollha ta’
dan l-għarix li bnejnielu. Din is-sena, bil-għajnuna tagħkom, ser
inkunu qed inkomplu nipprovdu saqaf għal iktar nies fil-
Możambik u fil-Kenja.
Bid-donazzjonijiet tagħkom ukoll, qassamna ħwejjeġ għal tfal
ta’ familji foqra, bħal din it-tifla u ħuha ż-żgħir, li l-ġenituri
tagħhom, tfajla u ġuvni ta’ 18-il sena, qed jagħmlu li jistgħu
biex jaqilgħu lira, ħalli jmantnu lil uliedhom. Bħal Brian Nyaga,
li grazzi għar-rispons ġeneruż għat-talba fil-fuljetti preċedenti,
illum għandu ħwejjeġ li jsaħħnu. Kull fejn immorru, dejjem
inqassmu ħafna ħwejjeg, grazzi għalikom il-benefatturi.
Bid-donazzjonijiet li nirċievu, nixtru u nqassmu ħafna ikel, bħal
dan il-platt sempliċi u umli, li qassamna lill-ommijiet li
jivvjaġġaw sigħat twal sabiex jirċievu ftit dqiq u ħalib għattrabi
tagħhom, u qabel jerġgħu jivvjaġġaw lura, trejqu bi ftit
ikel u meraq tal-frott. Dan il-proġett ser ikun qed ikompli matul
din is-sena, grazzi għalikom.
1. Il-Madagaskar hija hekk, għax imdawra bil-baħar.
2. L-ewwel nazzjon li ħadem fih l-Amigos.
3. Materjal li minnu jinbena il-ħajt ta’ palhota fil-
Możambik.
4. Għotja biex tgħin lil ħaddieħor.
5. Biċċa ħobż ċkejkna li nqassmu lill-familji foqra.
6. Materjal li minnu jinbena s-saqaf ta’ palhota fil-
Możambik.
It-tweġibiet għal dawn il-logħob jistgħu jinsabu fl-edizzjoni li jmiss.

€
€
€
€
€