PRISMA MAG
- an old filipino project as a test sample
- an old filipino project as a test sample
- TAGS
- forloaf
- poems
- literature
- tagalog
- prisma
Create successful ePaper yourself
Turn your PDF publications into a flip-book with our unique Google optimized e-Paper software.
P R I S M A 2 0 1 8
DESKRIPTIBO
ni Niña Blaise C. Magsael
Isang pag-ibig na walang simula at walang hanggan.
Pag-ibig na hindi lamang basta-bastang sumulpot tulad ng
isang kabute sa kagubatan. Pag-ibig na nakapagpapakalma
sa mga mapanirang bagyo at mararahas na mga dagat. Pagibig
na higit pa ang kariktan sa napakarilag na mga balahibo
ng isang paboreal. Pag-ibig na mas matingkad pa sa binubugang
kislap ng pinagsamang mga bituin sa kalawakan, na
nagbibigay-liwanag sa kadiliman. Pag-ibig na buhat ng kadakilaan
at dunong ng isang omnipotenteng Tagapaglikha.
Nakalulunod ang mga malalalim na sapirong globong palaging
nakabantay at nakatitig.
Gayunpaman, hindi takot ang nararamdaman sa halip ay
pagtanggap. Kasing tamis ng pulot-pukyutan ang bawat
salitang umaagos sa kaniyang mga labi na tila bang naguutos
na magbahagi. Sa kaniyang mga maiinit na yapos,
waring kinikiliti ng mga bulaklak ang lahat ng limang pandama
na magdadala at magpaparamdam sa kahit sinuman
ng langit. At sa mga panahon ng ligaya at lumbay, hindi siya
kailanman napapagod na makinig at sumubaybay. Ang kaluwalhatian
at tindi ng kasiyahan na nararanasan sa kaniyang
piling ay hindi maipaliwanag ng kahit anumang salita.
Ang pagmamahal ay hindi isang bagay na pinipili niyang
gawin o ibigay. Ito ay likas na sa kaniya, gaya ng pagiging
likas ng paglipad sa isang ibon, paglangoy sa isang isda at
pag-ugoy sa mga puno ng ubas sa isang unggoy. Ito ay parte
na ng kaniyang pagkatao. Walang ibang nilalaman kundi
pagmamahal ang bawat buto sa kaniyang banal na katawan.
Hindi lamang siya nagmamahal – siya ang pagmamahal.
Mailap ang pag-ibig na nagliliyab sa kaniyang puso. Ang
pagmamahal ng Diyos ay napakabangis na walang pagaalinlangang
ibinigay niya ang kaniyang natatanging anak
na si Hesus, upang tubusin ang ating kasalanan at ang kasalanan
ng mapanirang mundo. Buong loob niya tayong binalot
sa kaniyang pagmamahal at kapatawaran. Hindi niya
tayo pinapabayaan na mapahamak at mapasaapoy ng
impyerno. Palagi niya tayong iniingatan at pinapatnubayan
saan man tayo pumaroon at kalianman sa lahat ng panahon
ng ating buhay.
Ang pag-ibig ng Diyos ay walang pasubali. Pag-ibig na walang
kapalit. Pag-ibig na walang kapantay. Pag-ibig na hindi
nauubos. Pag-ibig na hindi pansamantala katulad ng pagibig
sa henerasyon ngayon. Pag-ibig na maituturing na ligtas
na kanlungan. Pag-ibig na permanente at walang hangganan.
Pag-ibig na bumuo sa kadalisayan at kabutihan. Pag
-ibig na gumagawa ng kagandahan galing sa kaguluhan. Pag
-ibig na kaparis ng alak sa sarap, at tayo ang mga baso na
walang humpay na pinupuno. Ang Diyos lamang ang nagtataglay
ng pambihirang pag-ibig na ito.
G R A D E 1 1 — A B M
6