O Monte Galego en Cifras - Medio Rural - Xunta de Galicia

SUPERFICIE POR USO Y NIVELES DE CLASIFICACIÓN DEL SUELO
PRESENTACIÓN
O desenvolvemento sostible é unha meta fundamental para a Comunidade Autónoma de
Galicia, polo que o noso traballo debe de ir dirixido a asegurar que a protección
medioambiental, a cohesión social e o crecemento económico atópanse orientados cara a un
aproveitamento racional dos recursos.
A conservación e promoción dos nosos bosques responde ás preocupacións ecolóxicas, sociais
e económicas. Os bosques galegos desempeñan unha función esencial na conservación dos
equilibrios ecolóxicos fundamentais, especialmente no que respecta ó solo, ós recursos hídricos,
ó clima, á fauna e á flora, ademais de constituír unha fonte de emprego importantísima no
medio rural, colaborando así a fixar poboación no territorio, e subministrando materias primas
para o sector industrial forestal (mobles, pasta de celulosa, taboleiros, chapa, etc...). O bosque
galego é unha fonte renovable de riqueza natural e económica. Unha xestión adecuada do
mesmo debe asegurar que este recurso social, cultural, ambiental e económico creza en calidade
e extensión, e sexa aproveitado máis eficaz e máis eficientemente.
Somos conscientes de que de cara a lograr ese obxectivo, o fomento da cultura forestal é unha
das obrigacións máis importantes do noso departamento e de que so a través da participación
dos distintos sectores e sensibilidades sociais implicadas no noso proxecto de sostenibilidade
para os bosques galegos poderemos traballar sobre unha base sólida de actuación, dende
criterios cientificamente contrastados e dende as mellores técnicas dispoñibles.
Nestas páxinas recóllense as cifras detalladas do terceiro Inventario Forestal Nacional
(Ministerio de Medio Ambiente) no que respecta á Comunidade Autónoma de Galicia. Trátase
dunha información valiosa, pola súa fiabilidade, polo carácter científico que avala a obtención,
a elaboración, a exposición da información e pola súa exhaustividade. Constitúe unha
ferramenta útil de traballo e consideramos que é a nosa obrigación o face-lo accesible ó público
en xeral, fomenta-lo seu coñecemento ós profesionais do sector e o seu estudio ós
investigadores da materia.
O bosque galego avanza en superficie, en riqueza ambiental e económica, en creación de postos
de traballo e fixación de poboación no medio rural, en capacidade para atende-la demanda do
tecido empresarial da nosa terra, na satisfacción das nosas necesidades de lecer, en
profesionalización á hora da xestión. Esta é a senda da sostenibilidade que queremos para os
nosos bosques.
Da lectura destas páxinas xurdirán debates e ideas valiosas para acadar esta meta. Este é o
espírito co que se traballou ó elaborar esta publicación e o que reclamamos daqueles a quen
chegue.
Carlos del Álamo Jiménez.
Conselleiro de Medio Ambiente.
O MONTE GALEGO EN CIFRAS
1