PDF fitxategia ireki - Euskaltzaindia

1. B. ELIZANBURUREN HlLTZEAREN MENDEMUGAKO... -Juan Mari Lekuona 15
tuz; bai XIX-XX. mendeen mugako poesigintza, orain'dik behar bezala
sailkatu gabe daukaguna, izenez eta izanez hobeki tajutuz eta markatuz;
bai autoreei buruzko balioztapen zihurragoak eginez; bqi talde poetikoak
eta eskolak zehatzago berezkoan finkatuz. !!
Ekintza bat eskaini nahi zaio Elizanbururi. Horretabko bide nahiko
egokia hartu dugulakoan nago, batez ere unibertsitate desberdinetako
irakasleek parte hartzen dutelarik. Zihur gaude urrats bat ematen dugula
Elizanbururen bibliografian, zegoena ederkitxo aberastuz. Eta gerora begira
ari izan gara lanean, batez ere euskal literaturari buruzko ikerkuntzan
andana sendoagotu asmoz.
Jakingarria gerta dadila denontzat jardunaldion emaitza, antolatzaileon
helburua betez eta gauzatuz.
Azkena: bukatzeko J. B. Elizanburuk euskaldun guztion artean
izan duen arrakasta adierazteko, eta olerkari honen garrantzia azpimarratzeko,
gertakaria xume bezain adierazkorra aipatu nahi dizuet. Honatx
gertatutakoa: Erroman zen, 1954an, orduko irakasle eta ikasle batzuek
euskaldunok ohi dugun lagunartea genuen. Askari ondoko kantaldian,
"Ikusten duzu goizean" kantatu genuen. Eta hara non Aita Zameza,
jesuita bizkaitarra, ordukotz nahiko xahartua, San Agustini buruz espezialista
zena, begietan negarra zeriola egon zen saratarraren kantua entzuten
ari zen denboran.
Hori da Elizanburu euskaldunentzat: odolaren mintzoa, arimaren
arnasa, urrutian itzulimina sortzen duen bihozkada. Eta hori da guk
egunotan sakonago ezagutu eta geureganatu nahi genukeen euskal poeta,
haren heriotzeko mendemugan.