acta de la sesion extraordinaria celebrada por el pleno del ...

EEXXCCMOO. .. CCOONNCCEELLLLOO
DDEE
SSEECCRREETTAARRÍ ÍÍAA
VIVEIRO
Praza Maior, 1 27850-Viveiro (Lugo) Tel.:982560128 Fax:982561147 Email-viveiro@fegamp.es
e de persoal nos centros educativos, e que obrigan a un esforzo orzamentário
para que esta reforma non quede en mera intención.
Desgraciadamente non se cumpriron as previsións da Lei de Financiamento do
Sistema Educativo que deberia acompañar ao texto legal, o que está a provocar
un deterioro progresivo na calidade do sistema educativo, que afecta a toda a
comunidade escolar.
Produxo-se un descenso importante e manifesto en partidas claves para o
funcionamento dos centros, tales como as destinadas á Reforma, ampliación e
mellora (RAM), Equipamento, Novas Construcións e Formación do Profesorado.
Outras partidas como Comedores Escolares, Transporte e Gastos de
Funcionamento están praticamente conxeladas, con subas escasas que impiden
cumprir os obxectivos educativos. Son precisamente os servizos complementários
os que descompensan nestes momentos de xeito especial a oferta educativa
pública fronte á oferta privada.
A isto temos que engadir unha reducción efectiva das plantillas que
dificultan a impartición de todas as matérias que a própria legalidade
estabelece.
Mentres isto ocorre, non podemos esquecer que durante estes anos
subvencionáron-se con partidas moi importantes unidades escolares do ensino
privado, mesmo en tramos educativos de carácter non obrigatório (Educación
Inantil, FP2, BUP), o que afecta negativamente ao ensino público. Téña-se en
conta que no ano 1990 as subvencións ao ensino privado supuñan 7.400.000.000
de pesetas, e para o ano 1997 está prevista unha subvención de 16.700.000.000
de pesetas.
Non parece razonábel nen politicamente xusto que, ao amparo da LODE, se
descompense de xeito tan desfavorábel a situación do ensino público,
desmantelando ou precarizando o servizo e provocando asi a sua privatización.
Isto resulta especialmente grave se temos en conta que os centro educativos
subvencionados incumpren a legalidade en matéria de admisión de alunos e nos
requisitos que deben reunir para impartir os diferentes níveis educativos.
O ensino público necesita nestes momentos dun apoio incondicional e
expreso das institucións para que poida funcionar de acordo cos parámetros e
obxectivos propostos, porque unicamente a rede educativa pública vai permitir a
vertebración solidária de Galiza e a redución das desigualdades entre as persoas.
A defensa da calidade educativa vai afectar decisivamente á formación do
alunado e o seu futuro económico e cultural, pero esta calidade pasa polo
cumprimento de certas condicións que son imprescindíbeis para o seu logro.
E por estes motivos que o Grupo Municipal do BLOQUE NACIONALISTA GALEGO no
Concello de Viveiro, somete á consideración do Pleno da Corporación a adopción
dos seguintes
ACORDOS:
O Concello de Viveiro insta á Xunta de Galiza para que:
1.- Estabeleza unha política de apoio e defensa do ensino público co fin