acta de la sesion extraordinaria celebrada por el pleno del ...

EEXXCCMOO. .. CCOONNCCEELLLLOO
DDEE
SSEECCRREETTAARRÍ ÍÍAA
VIVEIRO
Praza Maior, 1 27850-Viveiro (Lugo) Tel.:982560128 Fax:982561147 Email-viveiro@fegamp.es
I.- Un dos problemas inherentes ó nivel de desenvolmento de tódalas
sociedades é o que presenta o tratamento e eliminación dos residuos sólidos
urbanos (RSU), materia sobre a que de acordo co disposto no artigo 25 da Lei de
Bases do Réxime Local, corresponde exercer en todo caso competencias ós
municipios, que deberán prestar entre outros o servicio de recollida de
residuos, e en caso de contar cunha poboación superior ós 5.000 habitantes,
ademais, o do seu tratamento declarándose no se favor unha reserva expresa no
artigo 86 do citado corpo legal.
II.- Por outra parte, a Lei 42/1975, do 19 de novembro, sinala no seu
artigo 3 que os Municipios están obrigados a facerse cargo de tódolos RSU que
se produzan no territorio ó que alcanza a súa competencia.
III.- A Xunta de Galicia, respectando o exercicio lexítimo das súas
competencias polas restantes Administracións, e co ánimo permanente de
presta-la cooperación e activa asistencia que, neste caso, requiren as
Administracións Locais para o eficaz exercicio das súas competencias, procedeu
á aprobación dun Proxecto de Xestión de RSU de Galicia, coa finalidade de
atopa-las solucións idóneas para o tratamento desta clase de residuos.
IV.- Por Decreto III/1992, de 11 de abril, a Xunta de Galicia creou a
Sociedade Galega do Medioambiente, S. A.; Empresa Pública, que asume, entre
outras, as responsabilidades de xestiona-lo tratamento e eliminación dos
residuos sólidos urbanos e asimilables urbanos da Comunidade Autónoma de
Galicia.
V.- Considerando a manifesta conveniencia de poñer en marcha as
actuacións necesarias para regula-lo depósito de residuos sólidos urbanos, no
marco da futura articulación do total tratamento e eliminación de RSU na Comunidade
Autónoma, de acordo co proxecto elaborado pola Xunta de Galicia, as
partes suscriben o presente Convenio, os termos do cal foron integramente
aprobados polo Pleno do Excmo. Concello de VIVEIRO con data 3 de febreiro de
1997.
Primeira.- PARTES.
CLAUSULAS
Son partes do presente Convenio:
A Xunta de Galicia, en virtude da súa competencia para a planificación
da xestión de residuos e como autora do Proxecto de Residuos Sólidos Urbanos de
Galicia.
O Excmo. Concello de Viveiro, en virtude da súa competencia sobre o
servicio de recollida e tratamento de residuos sólidos urbanos e representado