You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Gazeto Andaluzia Aprilo - Junio<br />
25<br />
ro<br />
Paĝoj pri Nia Historio<br />
Notoj pri Esperanto kaj Andaluzio<br />
Alfredo Saralegui y Casellas.<br />
Anĝelo de la almeriaj maristoj<br />
Sur pasinta numero de nia<br />
revuo ni jam parolis pri Serafín Baudín<br />
Agüero, tiu granada studento kiu lernis<br />
la internacian lingvon komence de la<br />
20-a jarcento kiam li studis en la<br />
Universitato. Post fini siajn studojn li<br />
eklaboris kiel instruisto, unue en la<br />
jaena vilaĝo La Guardia, kie li senlace<br />
disvastigis esperanton. Lia dua laborposteno<br />
estis la urbo Almerio. Ĉi tie,<br />
ankaŭ kiel instruisto, li redaktis la<br />
revuon “La Edukado”, la unua bulteno<br />
en esperanto kiu fakis pri instruaj<br />
temoj<br />
Alfredo Saralegui y Casellas<br />
1883 - 1962<br />
En Almerio Serafín Baudín<br />
disvastigis kaj instruis la lingvon kaj<br />
samtempe li kontaktis kun tiuj almerianoj kiuj scipovis esperanton. Ĉi<br />
tiel, en la monato Septembro 1913, li sukcesis organizi la unuan<br />
oficialan grupon esperantistan en Almerio, kie li estis la unua<br />
prezidanto. Aliaj elstaraj membroj de la ĵus naskita grupo estis la<br />
prestiĝa almeria kuracisto Francisco Cordero Meca kaj la barelisto José<br />
Belmonte Bretones, unu el la ĉefaj reprezentantoj de la laborista<br />
movado en Almerio. La grupo ricevis kiel oficialan nomon Grupo<br />
Esperantista Verda Stelo de Almerio. Oni ekorganizis tiam elementan<br />
kurson de la internacia lingvo Esperanto, okazanta ĉe la strato Espejo<br />
10, tie oni instruis la lingvon ĉiunokte de la 9-a ĝis la 10-a horo.