Vicepresidencia Informa | 2021 No. 1
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
www.vicepresidencia.gob.gt
Mensaje del Vicepresidente de la República en idioma maya Q’anjob’al
Traducción realizada por la Academia de las Lenguas Mayas de Guatemala
Mayal kocha’il yich junxa skab’ ab’il komulnaj yin jun iqb’ej yin skab’ yajawil yul tx’otx’
Miman konob’, kaxtol jojtaq tzetyetal b’ay k’amwal chi ajapnoq komulnaj yin watx’, palta
ay kob’eqank’ulal komulnajk’al yetoq koyaynaqil, yin a’ijanil sxol masanil konob’
Yul jun b’ab’el ab’il, max ok mulnajil yin watx’, kaxtol miman tzetyetal max kowatx’nejkanoq
yet max jilontoq jun ilya’ COVID-19, max k’extoq stxolilal smulnajil cham yajaw kax miman
tzet max k’extoq koxol, axka kokajayi, k’al jantaq tzetyetal max tx’oxaj sb’a, akxa tzet k’am
chi ok yin stxolial, axka swatx’jub’al ok stxolilal mulnajil yet cham yajaw, kax tol yowalil chi
allay yab’ konob’ tzet chi watx’nej heb’ cham yajaw, yet axkatu chi ok b’eyk’ulalil yib’an tzet
chi sje’ watx’ji yin watx’, yet axka tu jun meb’il max jayok sxol anima ti chi k’expoj ok yin
watx’ilal sxol konob’.
Wojtaq ta chi watx’ji ok masanil tzetyetal yob’ yaq’on b’ay snahil mulnajil, axka stxolilal yok
mulnajil kaq yochwan heb’ cham yajaw yin watx’, axka yet chi saylay mulnajwom tol yojtaq
yib’an tzet chi watx’ji axka kajay ek’ konob’.
Wojtaq tol ay sb’eqan k’ulal masanil heb’ snahil mulnajil, axka heb’ chi ilontoq heb’ akaw
ajkonob’, masanil anima, k’al heb’ anima ay junoq yiqb’ej ma heb’ ay mimeq txon yul
smaqb’ej kokonob’, watx’ton tzet chi watx’nej heb’ xin yujtol aton heb’ chi kolwaj ok yet
hoq el lelehoq yin kokonob’ junelxa.
Chi wal axka ti, yet ayon ok yin yajawilal yet tx’otx’ konob’ ti, max je’ kax hoq je’k’al
kowatx’nen juntzanoqxa tzetyetal yet watx’ilaloq ok anima k’al sch’ib’ilaloq kokonob’,
axka tz’ib’chajkan yul tx’an Txutxal Iqelal Un yet konob’ Xe’q’aq’, kax tol aton stxolilal yok
smulnajil Cham yajaw.
Yul jun ab’il 2021 ti, hoq kolajok komulnaj yetoq juntzanxa snahil mulnajil chi mulnaj ok
yul smaqb’ej kokonob’. Yetoq skolwal cham skab’ Yajaw hoq jilteq skawil sq’inal anima,
kuyoj k’al mulnajil b’ay anima. Yet watx’ chi yun jaq’on yajawilal hoqon q’anjab’ yetoq
juntzanoqxa snahil mulnajil yet axka tu hoq jilteq stxolilal yet k’amxa chi toj heb’ anima
b’ay junoqxa konob’ say mulnaj sb’a, yet hoq sje’ sayon mulnaj sb’a heb’ kayti, yet hoq
k’ub’an heb’ jab’oq stumin, yet hoq taynelay il heb’ yin watx’ yin numk’ulalil yul konob’ k’al
yet chi cha’lay skolwal Estados Unidos de América.
Guillermo Castillo Reyes
Skab’ Yajaw Yet Miman Konob’ Xe’q’aq’
2 VICEPRESIDENCIA informa