LUISA FERNANDA - Zarzuela Oviedo

ARGUMENTU
Actu I.
Madrid, plazuela de San Javier, delantre de la casa de la duquesa Carolina, camarada de
la reina y ferviente monárquica. Son los caberos momentos del reináu d’Isabel II y la vida
nel barriu encadármase nuna riestra de camarilles lideraes por Mariana, posadera fecha y
dereca, na so Posada de San Javier agóspiense un ricu con facienda estremeñu Vidal
Hernando y Luis Nogales, revolucionariu clandestín que garró amistá con Anibal, el mozu
de la posada. Na mesma plazuela viven Don Florito, ex funcionariu y monárquicu por
principios, cola so fía Luisa Fernanda que guarda ausencies a un militar, Javier Moreno,
antiguu mozu de la posada de Marina, que dende qu’ascendió a coronel tienla abandonada.
Al entamu de la obra, Mariana ta sola, sentada a la puerta de so casa. Na planta baxa de
la casa de Luisa Fernanda hai un taller de costura, Rosita ye la que lu lleva: Carolina crucia
la plaza col so criáu Jeromo y un vendedor ofrez-yos los sos cacharros. Ente los cantares
d’asuntos cotidianos d’estos personaxes, impónse l’habanera “Marchaba a ser soldado”
qu'esplica los antecedentes del argumentu. Luisa Fernanda va pa misa cuando, llega a la
plaza Javier. Marina, alcuéntrase con él, y retruca-y la so falta de constancia y Anibal sal-y
al pasu col envís de que se ponga de parte de los sos ideales revolucionarios. Al dase cuenta
de que la duquesa Carolina ta curiándolos, entren na posada pa siguir falando con Nogales,
xefe de la insurrección. Luisa Fernanda vuelve entoncies azacanada en compaña de Mariana
que la informa d’onde ta Javier, pero alcuentra vacía la plaza. Mariana aprovecha la ocasión
pa recomendar a Luisa Fernanda a Vidal Hernando qu'entama con ella un cortexu que
termina nunes calabaces sofitaes nel amor apasionáu que Luisa Fernanda tien por Javier.
Aníbal sal de la posada contentu d’haber convencío a un militar pa que se ponga de so parte
na revuelta y cuenta-y a Vidal l’apoyu qu’alcontró en Javier, esto ye bastante pa que Vidal
se declare monárquicu dafechu pa tar nel bandu contrariu del que ye’l so rival nes xeres
amorosos. Terminada la charla con Nogales, Javier sal de la posada y va en cuenta de visitar
a Luisa Fernanda, pero nel camín siente la voz de la duquesa Carolina que vien del balcón
de so casa y empecipia con ella –ensin vela- una conversación enllena de plizcos amorosos
que termina cola entrada del militar na casa de la duquesa delantre los furtivos y airaos
güeyos de Vidal, Aníbal y Nogales, que tienen miéu, con sofitu, que Javier se vuelva a la
causa monárquica y los traicione y Luisa Fernanda que, nun arrebatu de celos, aflaquezse
nos brazos d’un Vidal aliáu, una vegada más por despechu, cola causa revolucionaria.
Actu II.
Na verbena de San Antonio de la Florida, apaecen Luisa Fernanda, prometía entoncies con
Vidal, y Javier que sigue en rellaciones cola duquesa. Nel ambiente de la romería Mariana
y Rosita encárguense d’atender un puestu dedicáu a la recaudación de llimosnes pal pan
de San Antonio. Cerca anden Nogales y Bizco Porra, dependiente d’un puestu de bebíes
asitiáu na verbena. Muyeres con traxes perguapos mozos con bona fachenda y farrucos
–ente los que s’alcuentra Javier de paisanu- mézclense na verbena en dances y cantares
festivos en tronu a la petición que faen les solteres al santu d’un bon mozu.
10
LUISA FERNANDA