Birba_#8_Gherdëina

18 CURIOSITEIES DAL MOND
Savoves’a che ...?
Calories
Nosc corp à de bujën de energia acioche
l funzionëie. Chësta energia giapons dala
maiadives, plu avisa dal maië y dal bever.
Uni alimënt à na cumposizion defrënta.
La sustanzes nutritives plu mpurtantes ie:
i carboidrac, i grasc y la proteines. N mesura
te calories tan de energia che uni maiadiva à.
L corp uman adrova calories y chëstes
reprejentea la forza che ie de bujën per duta
si funzions viteles y che la persona adrova
per pudëi fé duta l’ativiteies che la uel.
Canche fajon sport ons sambën de bujën de plu
energia de canche durmion.
N rejona de chilocalories, chël ulëssa dì, n chilo
de patac o de riji o de pasta dà tan y tan de
calories = forza.
Plu calories che na maiadiva cuntën y plu
energia/forza che la dà.
Sce te maies per ejëmpl n toch de tëurta da
brama y ciculata ruves a 450 calories. Per
deliberé inò chëla energia messëses jì a pe per
90 menuc.
Forza mentela
La persona adrova for y dlonch la forza mentela o forza de ulentà.
Canche la tol la dezijion de fé zeche iel la forza de ulentà che vën
ativeda.
Te situazions plu zariëuses de chëles da uni di iel de
bujën de na majera forza mentela. Nsci p.ej. tl sport
agonistich, canche na persona fej na garejeda, canche la ie te na
cumpetizion o canche la se sëurantol na gran respunsabltà.
Truepa jënt se stënta à tò na dezijion, granda o pitla che sibe.
La forza mentela vën canche ie sé avisa cie che ie mpurtant
per mé y cie che ie ue arjonjer. Pona ei n travert dan mé o na
vijion y feje cie che ie de bujën per ti ruvé daujin.