Loisi August 2009 - Baptist Church of Mizoram

Loisi August 2009

Loisi August 2009 

Kum 18 LOISI August 2009 

Editor : Zos^ngi - 2324042(O)/9436370319(M) 

email: zosangi@gmail.com 

Joint Editor : F.Zanguri 9436157412/2324276 

Editorial Board : Upa C.Remmawii 9436157990/2325033 

Dr.Chawngthanpari 9436157875 

Pi LH Sangziki 9436150846 

Rbt. H.Lianchhungi 9436370532 

Advisory Board : Upa Sangthanzuala Ralte9436370912 

Upa C.Sangliana 9436147165 

Cir. Manager : B.Singp^ri 

BCM Office, Serkawn 

P.O. Zotl^ng - 796691 

Phone- 2342696(O)/2342776(R) 

9436157084(M) 

Asst. Cir. Manager : Pi H.Lalkimi 9436353308/2322993 

* A chhunga thute hi a ziaktu ngaihdan a ni a. Editorial 

Board ngaihdan a ni vek lo. 

A Chhunga Thu Awmte 

1. Editorial ......................................................................... 1 

2. Sermon: Bungbel thianghlim Lalpa hmantlak ............... 2 

3. Awmdan mawi ............................................................... 4 

4. Kristian chhungkua: Fanaute enkawlna lam.................. 5 

5. Testimony Huang: Lalpa zara ka Testimony ................... 9 

6. Engvanginnge .............................................................. 10 

7. Eirel ............................................................................. 12 

8. Beautycare ................................................................... 13 

9. Hriselna Huang: Thei ei hi damreina a ni .................... 14 

10. Missionary Huang: Arunachal East kan thleng ve ta ... 16 

11. Household Tips ............................................................ 23 

12. Report: 1. Vairengte Pastor Bial BKHP Report .......... 24 

2. Lungsen Pastor Bial BKHP Report ............ 25 

3. Tawipui Pastor Bial BKHP Report............. 26 

13. Pi C.Rosiamliani (1945-2009) Chaltlang, Aizawl ....... 28 

14. Mi naran, nu ropui ....................................................... 29 

15. Profile .......................................................................... 31 

16. Nangni leh Keini ......................................................... 30


Kum 2009-2011 Chhunga MBKHP Hruaitute 

Office Bearers 

President : Upa C.Remmawii, Chanmari 

Vice President : Pi F.Zanguri, Venghlun 

Organiser : Pi B.Singpari, Serkawn 

Asst. Secretary : Dr. Chawngthanpari, Serkawn 

Treasurer : Pi LH Sangziki, Venglai 

Fin. Secretary : Rbt. H.Lianchhungi, Chanmari 

Senior Adviser : Upa Sangthanzuala Ralte, Rahsiveng 

Upa C.Sangliana, Chanmari 

EXECUTIVE COMMITTEE MEMBER 

1. Pi B.Nongheli 2. Pi R.Lalrotluangi 

3. Pi Zosangi 4. Pi H.Lalkimi 

5. Pi T.Lalthanveli 6. Pi Saprengpuii 

7. Pi Chuaubuangi 8. Pi K.Zopari 

9. Pi Lalrochami 10. Pi Lalmalsawmi Sailo 

11. Nl J.Lalrimawii 12. Rbt. K.Zapari 

13. Pi Darkungi 14. Pi Lianhmingthangi 

15. Pi S.Lalthanpari 

BKHP Dinchhan: 

Baptist Kohhran Hmeichhe Pawl dinchhan chu Pathian 

ram a lo zau zel theihna tura Kohhran, khawtlang leh 

chhungkuaa Pathian rawngbawl hi a ni. 

A thiltum: 

1. Pathian thu hriatna leh rinna kawnga hmasawnna. 

2. Kristian chhungkaw din. 

3. Pathian thua fate kaihhruai. 

4. Chanchin Tha hrilhna kawnga theihtawp chhuah. 

5. Assembly-in Buhfai tham hi enkawl tura ruat anga enkawl. 

6. A tul ang apianga Kohhran leh khawtlang tana thawh.

Editorial: 

Loisi August 2009 1 

Chhinchhiahna 

Indonesia ramah khuan tlang pakhat Mount Merapi an tih, 

Fire Mountain tia an sawi mai thin chu khawvela tlang kang 

hlauhaw ber zinga mi a ni a. Chu tlang kang (Volcano) chu a lo 

thlen dawn hian ‘Chhinchhiahna’, a kang dawn a ni tih hriat 

theihna a lo awm thin a. Chutiang hunah chuan thuneitute chuan 

chunglai vela mi chengte tan a hlauhawm avangin thiar chhuah 

hna an thawk vat vat thin a. Kum 2006 May 13 khan Merapi tlangah 

chuan meikhu var hlak mai hi a rawn chhuak leh tup tup mai a. 

Mak tak maiin chu laia mi chengte chuan tlang kang tur 

chhinchhiahna chu an ngaihthah tlat mai a, nunna tam tak an chan 

phah ta a ni. Hetiang hian a hma lawk kum 10 vel kalta-ah pawh 

mi 60 laiin an lo thih phah tawh a, mihringte hian thil lo thleng tur 

chhinchhiahnate kan ngai pawimawh lo fo thin reng a ni. 

Lal Isua kha a zirtirte’n, “I lo kal lehna leh khawvel tawpna 

chhinchhiahna chu engnge ni ang?” tiin an zawt a. Mathaia Bung 

24 kan chhiar chuan a lo kal leh dawna thil lo thleng tur 

chhinchhiahna chi hrang hrang Lal Isuan a sawi a. Heng 

chhinchhiahna lo thleng tur a sawite hi in hmuh hunah chuan, 

“Amah chu a lo hnai tawh a, kawngka bul ngeiah a awm tih hria 

ang che u,” tiin a sawi a ni. 

Lal Isua lo kal leh hun tur hi Pa chauh lo chuan tumahin 

an hre lo tiin min hrilh a. A hun leh ni hre lo mah ila a lo kal lehna 

tur chhinchhiahna min pe a, inring renga awm tur kan nih thu Bibleah 

hmun tam takah kan hria a. Hetiang a nih lai hian Pathian thuin 

a sawi lawk chu, “Ni hnuhnungah te chuan nuihsantute chu 

anmahni chakna anga awmin nuihsan chungin an lo kal ang a. A 

lo kal lehna thutiam chu khawiah nge?Siam tirh atangin engkim a 

awm pangngai angin chi thlahtute muthilh ni ata tawh kha a la 

awm zel a lawm,” tiin Lal Isua lo kal lehna awih lotute chungchang 

a rawn tarlang a. Nova damlaia tui a let khan awih lo tute tuiletin 

a lak bo vek thute kan hmu bawk a. 

Lal Isua lo kal lehna hi kan awih emaw awih lo emaw a la 

thleng tho tho dawn a. A lo kal dawna lo thleng tur ‘Chhinchhiahna’ 

te hi ngaihven chunga inring renga kan awm loh chuan kan boral 

ngei dawn a ni. Lal Isua lo kal lehna atan hian i inpeih tawh em? 

- Zosangi

2 

Sermon: 


Bungbel Thianghlim Lalpa Hmantlak 

-C.Kaphliri 

Aizawl, Venghlui. 

MBKHP Khawmpui thupui kha ka rilru a khawih viau 

mai a, a sawituin thahnem ngai takin a sawi a, nuho kal khawm 

kan nih angin min fuih hle pawhin ka hria a, hei, ka rilrua 

awm ang angin mawlmang takin ka han ziak ve leh tawp mai 

a ni. Ngaihtuah chhunzawmna nei lem lo pawhin kan lo 

ngaihtuah chhunzawm thar leh ka beisei a. Kan tunlai 

khawvelah hian kan mamawhin ka hre ve tlat a, Lalpa ropui 

nan kan ngaihven thar leha kan hlawkpui ka beisei. II Timothe 

2-21 te, I Petera 1-16 te, Henrai 12-14 te, Luka 12:1, 7, 10 

chhiar belh turin chhiartu zawng zawng ka han ngen duh a 

ni. Pathian hmingin ka han tarlang a, kan thupui ‘Lalpa 

hmantlak tih kha ka han belh duh a, ‘Bungbel thianghlim 

Lalpa hmantlak’ tiin. 

Nuhote hi kan pawimawh 

ve a, in chhungah te, 

Kohhranah te pawh. Pathian 

bungbel kan ni, Lalpa hman 

tlakin kan awm em tih hi. 

Petera ziakah chuan, “Nangni 

in thianghlim tur a ni, kei 

ka thianghlim si a” tih kan 

hmu a nih kha. Hebrai-ah 

chuan “Mi zawng zawng 

nena inremna leh thianghlimna 

um rawh u, chu mi thianghlimna 

lovin tuman Lalpa an 

hmu lo vang” a ti bawk a. 

Thiang-hlimna hi kan Pathian 

hian a duh a ni, hmun dang 

tam takah pawh kan hmu a, 

Israel ho hunlaiah pawh a 

sawi tam mai a, “In ti thianghlim 

rawh u” a ti. Kan thianghlim 

loh chuan hman tlak kan 

ni lovang; kan bungbelte 

pawh a thianghlim loh chuan 

kan hmang duh lova kan silfai 

thin kha. II Timothea 3:1-5ah 

chuan “Ni hnuhnunga 

mite” tih kan hmu a, kan tel 

ve si a, tun hi hun hnuhnung 

a nih tawh avangin i han 

chhiar teh ang u, heng a tih

awlhhlawh hian kan lo awm 

palh ang e, hman tlak kan ni 

lovang “Hei hi hre rawh” a 

ti, thupek a ni. Hun khirh 

takte a lo awm ang, mi, 

mahni in hmangaih tute, 

tangka ngaintu te, inti vei te, 

chapo te, Pathian sawichhetu 

te, nu leh pa thu awi lo te, 

lawmna chang hre lo te, 

thianghlim lo te, hmangaihna 

pianpui nei lo te, hawihkawm 

bawl te, hektu te, insum thei 

lo te, mi kawlhsen te, tha duh 

hauh lo te, vervek te, thuhnu 

dawn lo te, inngaihlu te, 

Pathian hmangaih aia mahni 

lawmna mai hmangaih zawk 

tute an ni dawn si. Pathian 

ngaihsak an na an nei ang a, 

nimahsela a thiltih theihna 

chu an awih lovang, chung 

ang chu hawisan rawh a ti 

hmak mai. Kan Pathian hian 

a va duh lo em, kan hawisan 

loh chuan hman tlak kan ni 

dawn lo a nih chu. I ngaihtuah 

chiang teh ang u, kan 

thupui hi a thukin a hlu a ni. 

Kan hun tawng zelah hian 

ngaihtuah chian a va hun ta 

em! Kan sawi seng lovang, 

Bible ka han tarlante hi ngun 


takin chhiar chiang leh ila ka 

va duh em. Thianghlim tura 

min phuttu hian a mi thianghlimte 

a rawn hruai dawn si 

a. 

Khawmpuia kan thu 

ngaihthlak kha thianghlimna 

khawp a niin ka hria, i ngaihtuah 

nawn leh teh ang u. 

Hriatchian leh zual hi a va 

hun tawh em, kan Lal Isua 

Krista hian, “Ka lo kal leh 

ang a, ka hnenah ka la ang 

che u” a tih kha. Thianghlim 

lo chu a la thei lovang a, 

Pathian mit hmuhah hian lang 

lo tura thuhruk theih a awm 

si lova. Thufingte 7:22-24 

kan en chuan Sava-in a thihna 

tur a ni tih hre lova thalin a 

thin a dawhtlang thlenga 

thang lam a pan ang hian kan 

kal mup mup mai hian ka 

hmu a, ka rilru a na ve em em 

thin a, sualnain min tih 

hrehawmna zawng zawng te, 

Pathian-in kan dam chhung 

kum hun a ruat kum 70-80 

(sawmsarih sawmriat) emaw 

thleng pha lova thlanmuala 

min hnuh liam sak zawng 

zawngte hi i han thlir teh ang 

u. Krista thisen, kan sual man 

bat min

4 

tlak sakna Kalvari lam han 

thlirin kan sualna te kan 

bawhchhiatna te thupha 

chawiin Kros-ah i kir leh ang 

u. Thufingte 28:13 kan en 

chuan “Bawhchhiatna zeptu 

chu a hmuingil lovang a, zep 

lova inpuanga hawisantu 

chuan zahngaih-na a hmu 

ang” a tih kha, kan ram tan 

Lalpa hmaah i kun thar leh ang 


Awmdan Mawi 

u. Zahngaihna kan hmu ang a, 

hman tlakah min siam thar leh 

ang. Zahngai thei tak a ni si a. 

Kan ram hi Lalpa tan i hauh 

tlat ang u, Isua Kros bula kunin 

thupha i chawi ang u. kan hneh 

ngei ang sual thiltihtheihna 

chu, Hnehna chu Lalpa ta a ni 

si a. Bungbel thianghlim Lalpa 

hmantlak kan nih theih nan 

min siam thar leh rawh se. 

Amen. 

-ZD Thangthuami, 

BCM Ebenezer Unit, Zobawk. 

1. Hmeichhiate hi Pathian min siam danin thlabi chhiar tura 

din kan ni a, kan Period (hunbi) thla a lo thlenin kan 

hmanrua Part hmante paih mai 

mai lovin phum emaw ekin-ah 

te thlak i la. Khawlaia Part tlate 

ui-in a rawn pu a, mi varandahah 

te hnutchhiahin khawlaiah te 

an pu a, hei hi hriselna atan a that loh bakah hmeichhiate 

mualphona a ni. 

2. Bathroom-ah mahnia bathroom hran kan nei a nih loh 

chuan Underpant leh Bra bathroom-a dah tlar thut hi thil 

mawi lo leh nalh lo tak a ni. Kan Underpant-te bathrooma 

khai ro mai lovin, ni-a pho ro ngei a tha a, a hrisel zawk 

bawk a ni. 

3. Kristian nute’n kan inchei thuam belah tunge ka nih a, 

khawia kal tur nge ka nih kan inchian fo a tha. Pathian 

biak inkhawmah te, BKHP Committee-ah te, Kohhran 

puipun khawmnaah te, Kristian nute tiha mawia inchei 

thiam a, kan Mizo incheina thuam puan ven hi a mawi.


Kristian Chhungkua: 

Fanaute Enkawlna Lam 

- Lalrinliani 

Ramhlun South, Aizawl. 

“Naupang chu a kalna awm kawngah zirtir ula, a lo 

upat hun pawhin a thlah lovang” Thufingte 22:6) 

Nausen engmah ti thei lo enkawl ngai, nu leh pa ang 

chhunga awm thin hian Pathianin a mite hmangaihnaa min 

thawhsak tam zia min hriatchhuah tir thin. Naupangte chu 

nu leh pa-a innghat pumhlumin an lo seiliana, an lo puitlin 

a duhthlang thei an lo nih huna Pathian duhzawng an thlan 

theih nan leh Pathian nih chhan an hriat theih nan ngun 

taka enkawl an ngai a ni. 

1. Nu leh pa leh an u te’n 

ngaihsaka, thil awmzia zirtir 

ngun an tul hle a. 

2. Sual leh tha an zir ve 

theih tho avangin thil tha 

zirtir uar tur a ni. ‘Ti suh’ 

tih aiin ‘Ti rawh’ tih hi uar 

zawk a tha a. 

3. Tawng mawi zirtir tur a 

ni. Tawng bawlhhlawh leh 

zahmawh lam sawite an 

rawn ching ve mai thei a, 

chungte pawh chu a that loh 

zia hriattirin thu tha sawi i 

zirtir zel tur a ni. 

4. Nu leh pa hmangaih tur 

an nihzia te, unau inhmangaih 

dial dial a tulzia te 

zirtir tur a ni. Paula te hunlai 

pawhin hmangaihna pianpui 

nei lote pawh an awm kha! 

Fanau enkawlna-a Nu 

mawhphurhna: 

Hmeichhiate hi fa paitu 

leh hringtu pawm theitu kan 

nihnaah ngawt pawh hian, 

enkawl seilenna kawngah 

mawhphurtu ber kan nihna 

hi Pathian thil lo ruahman 

lawk pawh a lo ni a. Khawvel 

Chhandamtu Isua lo 

pianna atan Mari thlan a ni 

a, Pathianin a Fapa enkawltu 

atan hmeichhia a ring tawk 

a ni. Bible-a kan hmuh 

bakah khawvela hnam tin

6 

zingah hmeichhe tha, fanau 

enkawl tha atangin mi ropui 

leh hmingthang an lo 

chhuak zel a ni. Hmeichhiate 

hi chhungkaw nu ber, ei 

leh bar lam leh in chhung 

khawsak lam vawngtu kan 

ni a. Naupangte pawh kan 

ang chhungah an khawsa a, 

nu ber enkawl dan ang ang 

an rawn than lenpui ber a ni. 

Mi ropui leh chhuanawm 

tak tak St. Augustin te, 

Nepoleon leh George Washington 

te chuan ‘Hlawhtlinna 

thuruk chu Nu-ah a 

innghat’ ni-ah an ngai tlat a 

ni a ti. Mi hlawhtling leh 

chanchin ngah tak takte 

pawh hi an nute enkawlna 

tha avanga hlawhtling leh 

khawvel hriat khawp mi 

ropui an ni a. Thufing pakhat 

chuan “Nu hian khawvel a 

siam a ni” a ti tawp mai a 

ni. 

A lehlamah khawvel nau 

pianga seilian hmasa ber 

Kaina leh Abela inkara 

inrem lohna lo awm leh 

tualthahna hmasa ber lo 

awm pawh kha a nu Evi 


enkawl dan that tawk loh 

vangah kan puh thei ang 

em? “Tualthattu za-a sawmriatte 

hi a chhungkaw inenkawlna 

tha lo atanga tualthah 

duhna thinlung pu an 

ni” tiin Anderson chuan a 

sawi. 

Tlangval pakhat rukruk 

vanga an khaihlum tur 

pawhin a nu hnenah, “Nangmah 

avangin a ni min 

khaihlum dawn, ka tet te 

atanga ka thil ruk thin kha 

lawm takin i lo dawng thin 

a, min khap ngai lova; tunah 

hei nangmah avangin min 

khaihlum dawn ta a nih hi” 

a ti ve tlat a sin! A nu tan 

chuan a na awm teh a sin le. 

Hengte hi lo chhinchhiah 

ila: 

Kan fate hi pum chhunga 

an awm lai atangin enkawl 

nghal tur an ni a. Samson-a 

nu chuan Samson-a a pai 

dawn khan Vantirhkoh-in 

naupai tur chungchang, 

“Fimkhur rawh khai, uain 

leh zu reng reng in suh la, ei 

thiang lo thil reng reng 

pawh ei suh ang che” a ti a.

Elizabethi’n Baptistu Johana 

(hmeichhe hrin zinga 

ropui ber) a pai lai khan 

Thlarau Thianghlim a khat 

a. Nute u, in pum chhunga 

naute a awm lai atangin ei 

leh inah fimkhur a tul a, hna 

hah thlak lutuk pumpelh a 

tha a, nun hlimna in mamawh 

bawk a ni. Chung 

chuan in fa lo piang turah 

awmzia a nei tak meuh a ni. 

Nau pai laia hlim tak fa chu 

a hmel tha duh bik an ti. 

Mihring siam thatna hun 

duhawm ber chu naupan lai 

hun hi a ni a. An puitlin huna 

siam that tumte an hlawhchham 

fo thin. Kan thingphun 

te, kan buh leh thlai te 

pawh an tet laiin kan uluk 

ngai a, pangpar pawh tuia 

chawmin leitha kan pe a, 

dipchhetu turte kan thianfai 

a, an lo puitlin hunah ngaih 

tha takin kan thlahthlam thei 

thin ang hi a ni. 

Sikul hmasa ber chu in 

chhungkhur hi a ni a, zirtirtu 

hmasa ber pawh nu hi a ni. 

D.L. Moody chuan, “Khawvela 

nu zawng zawng hi ka 


nu ang vek ni se chuan Tan 

In (Jail) hi a awm a tul 

lovang” a ti thlawt mai. A nu 

hi hmeithai rethei tak a ni a, 

miin “I fate an thahnem si 

a, i enkawl seng lovang, 

hmun hranah thawn darh 

mai rawh” an ti thin a. Ani 

chuan, “Pathianin kut pahnih 

min pe a, ka fate hi 

keimah ngeiin ka enkawl 

ang” a ti tlat a. D.L. Moody 

te unau chu mi ropui tak tak 

vekah a chhuah a ni. Tet te 

atanga zirtirna tha dawngte 

chu chhuanawm taka a lo 

seilianin, enkawlna tha 

dawng lote chu tha lem lo 

takin an lo puitling thin a, 

chhungkua leh khawtlang, 

ram leh hnamin a lo tuar 

phah thin a ni. Nu tha kan 

va mamawh tehlul em! 

Naupangte hian hmangaih 

leh ngaihsak an mamawh 

a. Nu leh pa tam takin 

kan fate hi kan rula raw neih 

mai mai a, kan hmangaihna 

leh ngaihsakna hriain kan 

bulah thlamuang sela, pawn 

lam leh khawlaiah tal tir mai 

mai chi an ni lo. Mi tam takin

8 

an fate hi, “Leng bo rawh u, 

in ninawm” an han ti thla 

zen a. An nute mahin ninawm 

an tih chu mite’n an lo 

duh bik ang emaw chu? Nu 

leh pa tam takin kan fate 

enkawl that loh rah kan seng 

mek zawng a nih hi. 

Abraham Lincoln-a, 

America rama President 

ropui ber chuan nu Pathian 

tih mi nei tawh phawt chu 

an rethei ngai lo ve, a ti a. 

Fate chu zirtirna thain 

chawm rawh. I nun leh chetzia 

atangin i fate’n zirtirna 

tha an dawng thei a ni tih 

hriain i nun leh chetzia-ah 

fimkhur ang che. Nu leh pa 

tam takin kan fate hi vin, 

hauh leh velhna chang chu 

kan hre viau a, amaherawhchu, 

fuih leh zirtirna chang 

kan hre tawk lo a ni. Juda 

Rabbi hote chuan naupang 

enkawl that a pawimawh zia 

sawiin, “Hna tangkai tak 

thawk tura a fa zirtir ngai lo 

chuan rukruk a zirtir a ni” an 

ti a, chu chu chhungkaw tinin 

thuvawnah an nei tlat a ni. 

Juda-te chuan an fate 


nausen an nih lai atangin an 

zirtir a, an nute hnute tui nen 

an lem pawlh tir thin a. 

Chuvangin an fate thinlungah 

chuan dan thu chu a intuh 

nghet tlat thin, Rev. William 

Barclay chuan a ti a. Judate 

hian Deuteronomy 6:4, 5 

‘Sheme’ an tih hi thahnem 

ngai takin an zirtir a, thuvawnah 

an neih tlat avangin 

sakhaw danga inleh pawh an 

harsat hle thin a ni. 

I fate chu i theih ang 

tawkin chaw tha pe la, an ei 

leh inah inbuk tawk (balance 

diet) ngaihtuah sak thin 

rawh. An thawh theih tawk 

hna thawhtir thin rawh. 

Pawisa lamin thlem leh tih 

lungawi ching suh. Hauh 

aiin fak a sawt zawk a, an 

tih that chhunah lawmthu 

sawi thin ang che. Taksa leh 

thlarau lama an puitlin theih 

nan zirtirna tha i pek a tul a, 

nangmah ngei pawhin lehkhabu 

tha lama pur i chawka 

i chhiar tam a pawimawh a 

ni. Naupang thlahthlam 

chuan nu zahna a thlen thin 

(Thuf. 29:25) tih hriat reng

tur a ni. 

Kan fanaute hi Pathian 

min pek naupang an ni a, 

nakin lawka kan ram leh 

hnam, kan Kohhran hruaitu 

turte an ni a. An mahni 

enkawl thatah mawh kan 

phur nasa hle a ni. Kan 

Kohhran, kan ram leh hnam 

tluk chhiat lohna turin 

chhungkua leh naupangah 

tan i la zel ang u. 

Chhungkua-ah nu chu 

pa tanpuitu a ni a, pasal leh 

Testimony Huang: 


fate rawngbawlsaktu a ni. 

Napoleon-a chuan, “France 

ramin a mamawh ber chu nu 

a ni” a ti a. Augustin-a 

chuan, “Nu ho min han pe 

teh u, an mahni hmangin 

khawvel ka han tidanglam 

teh ang” a ti a. Timothy 

Dwight-a chuan a hlawhtlinna 

bul hetiang hian a 

sawi a, “Nu tha ka nei a ni” 

a ti a. Fanau enkawl thu-ah 

nu leh pa kan tanrual a 

pawimawh em em a ni. 

Lalpa Zara Ka Testimony 

- L.H. Sangziki 

Venglai, Lunglei. 

Vawikhat chu ka Office bang hi 

Thlarau Thianghlimin min hruai a, dawr 

pakhatah hian ka tul lut a. An puanthan zawrh 

lai chu lei a tul tlat mai a. Thil lei tumna ka 

neih loh avang leh chu chu eng atan nge ka hman ang tihte ka 

ngaihtuah a. Mahse, Thlarau Thianghlimin min control tlat 

a, puanthan chu ka lei ta a. Ka leina nu chu a lawm em em 

mai a. Heti hian a sawi a, “Ka leibatna te’n pawisa min rawn 

dil dawn a, ka neih sain a daih si lova, Lalpa’n a rawn tir ch 

a nih hi. Ka puanthan i leina nen hian ka leiba chu ka pe thei 

dawn ta a ni,” tiin min hrilh a. Lalpa chu fakin awm rawh se. 

He ka puanthan lei hi kei pawhin ka hmang tangkai hle bawk 

a. Lalpa thatzia hi tem chhin tlak a va ni em!! 

9

10 


Engvangin nge? 

Engvangin nge Purunvar leh sen hi taksa tan a that? 

= Purun var (Garlic) hi Mizo zingah hian ei lo kan awm 

meuh awm lo ve. Mahse, a duh lo tan chuan a 

rimte hi a chhiain a thak dante hi a tui lo ve 

hle a ni. Amaherawhchu Purun var-ah hian 

damdawi tam tak a awm tlat mai. Nitin kan 

hmarcha rawtah emaw chawhmeh dangah emaw ei tel ziah 

thei ila, kan hriat loh hlanin kan taksa chu nasa takin a lo pui 

thin dawn a ni. 

Purun var hi kan taksa chhungah leh pawn lamah pawh 

damdawiah a tha ve ve a. Chungte chu i lo thlir teh ang. 

Pumpui a tanpui dan: Kawpuar emaw pum puarah 

emaw Purun var hi a tha em em a. Mahse, a hranpain heng 

damdawi atan hian ei lovin chaw ei apiangin emaw Purun 

var zung hnih/khat hi ei tel zawk tur a ni. Tin, chaw ei tui nan 

pawh a tha a, Purun var syrup leh sawhthing den sawm tui 

thirfiante chanve ve ve chawhpawlha chaw ei kham veleh 

nitin vawi hnih ei hian chaw ei a ti tui duh. 

Purun var Syrup hi kawthalo leh santen atan te a tha em 

em a. A siam dan chu- Purun var zung khat vel kheh la, Malt 

Vinegar 100ml pawlh dal lovah chhum so bawrh bawrh la. A 

tui chu thli chhuakin chu mi zat chiah khawizu telh leh tur a 

ni. Heti hian bur chhin neiah rei tak a dah that theih. 

Awmna atan: Kan sawi tak Purun var Syrup hi Asthma, 

thawhah lutuk tih reh nan a tha a. Tlai leh zan mut dawna 

thirfiante thum in tur a ni. 

Tin, naupang awmna atan chuan Purun var kheh sa hi 

thi-ah siam sak ila, awrhtir tur. A rim khan hnar za leh ping a 

ti ziaawm thei a ni. Tin, Purun var hriat (Garlic Oil) pawh an 

awmah leh hrawkah chul sak tur a ni bawk. 

Sciatica leh ruhseh lam tan: Heng natna vei tan hian 

Purun var hi a tha leh zual em em a ni. Purun var zung li kheh


sa kha bawnghnute-ah chhuan so bawrh bawrh a, a 

bawnghnute chu thlir chhuah a mut dawna purun var chu ei 

tur a ni. Purun var zung hi 10 a tlin hma chu nitin pakhatin tih 

pun zel tur a ni a. 10 a tlin hnuah pakhat zela tih tlema ei leh 

tur a ni. A tlem tial tiala pali a lo nih leh hnuah belh leh tur a 

ni. Hetiang hian ni 40 chhung tih tur. 

A dangah: Mit fiah lo leh thluak lam dik lovah pawh 

hian Purun var tui sawr hi an pe thin a. Tin, zun kawng dik lo 

atan pawh Purun var chhuan sona tui no chanve vel nitin 

vawi thum pek a tha bawk. 

Taksa-ah hnawih atan: Purun varah hian nachhawkna 

awm ve avangin Punrun var rawt sawm hi ruh chuktuah naah 

leh Sciatica-ah te an bel thin a. Tin, nak ruk na them thumah 

pawh belin na a chhawk thin bawk. Tin, Purun zung Coconut 

Oil-a chhum a, chu oil chu far hnih far thum benga far luh 

hian beng na te a chhawk bawk a ni. Zun theih lohte hian 

dulah purun var den sawm hi belin zun a ti awl ve thin bawk. 

Heng kan sawi bakah hian ruah tui tlak laia natna chi 

hrang hrang lo awm thinte tan Purun var hi a that bakah Purun 

sen nena ei pawlh hian thisen sang leh lung lam that lohnate 

pawh a veng tel a ni. 

PURUN SEN 

Purun sen pawh hi damdawi tha tak a lo ni reng 

mai a. A hela ei hi a tha ber a. Tin, khawizu pawlh 

dal loh nena chawhpawlh hian rannung sehna 

hnuhma a bel te, vung te, khawihli te leh ruh na/ruhseh damdawi 

atan a tha bawk. 

Purun sen hian a chunga sawi bakah hmeichhe thi nei tan 

thi a ti chhuak thain thisen a tithianghlim bawk a. Tin, zun a 

tih tam avangin kal a pui nasa em em bawk a ni. 

Purun sen han tih hian henga kan hmuh zen zen loh Purun 

sen var chi hi damdawi atan chuan a tha leh zual.

12 

Eirel: 


1. Alu Puri 

Mamawhte: 

1. Maida no chanve 

2. Atta no chanve 

3. Alu pum 3 

4. Giu/Ghee fian khat 

5. Hmarcha dip sen duh tawkin 

6. Chi duh tawkin 

7. Tui a hmehna tur 

A siamdan: 

1. Alu chhum hmin la, rawt kawi rawh. 

2. Maida, atta, hmarcha dip sen leh chi chu chawhpawlh la. 

3. Giu chhuang tui la leih la, hmeh pawlh ang che. 

4. Tui lum pepin nuai nuam tawkin a chunga mi zawng zawng 

khi hmeh pawlh la, lian lutuk lovin hlawm la, atta kan angin 

nuai phek ang che. Atta kanna-ah tel tlem dah la, a lehlam 

lehlam sen deuh thapin kang ang che. a luma ei chi a ni. 

2. Maida Beef (Bawngsa siam dan) 

Mamawhte: 

1. Bawngsa ti Kg. chanve 2.Maida no 1½ 

3. Artui pum 3 4.Tel 

5. Chi duh tawkin 6.Tui no thum 

A siamdan: 

1. Sa chhum hmin la, a taka leh a tui dah hrang ang che. 

2. A sa chu dah hul la, thet sawm la, chi leh artui nen chuan 

chawhpawlh rawh. 

3. Tel-ah deep fry-in te tak te tein kang la, i kan ro sa chu dah rih 

rawh. 

4. Tel leh Maida chu chhuan pawlh la, ngun takin chawk reng la, 

a lo uk deuh hnuah satui emaw tui emaw chu leih la. A so 

hunah i sa kan ro kha thlak la, rei vak lovah a ei theih.


Beauticare 

Beauticare 

Hmai bawl tana hriattur te: 

Hmai bawl/arngeng tana tih loh tur lam han 

tarlang hmasa ila:- 

1. Mawm lam pang ei tam loh tur. 

2. Hmaiah thil mawm hnawih loh a tha. 

3. Zan rei tak tak thelng men loh tur. 

4. Thil thak/hmarcha ei tam loh a tha. 

5. Chawhmeh leh thildang masala tamna ei loh tur. 

6. Kuta hmai khawih fo loh tur. 

7. Arngeng khawih te, hriau emawa vih te, tina a hawlphum 

sih thlak te tih loh tur a ni. 

8. Thil thlum lam ei tam loh tur. 

9. Ruih theih thil tih loh tur a ni. 

Hmai bawl awm chhan tlangpui tarlang leh ila: 

Arngeng/hmai bawl awm chhan hi kawng hrang hrang a 

awm thei a. Hmai phih fai that loh vang leh enkawl ngun loh 

vang te, Make-up (hmai hnawih) ngeih loh vang te, lu phut 

vang te, chaw ei hun mumal loh vang te pawh a ni thei a. Tin, 

thil mawm leh thil thlum, thil hnang lam chi ei hnem lutuk 

vang te, inthiar hunbi mumal neih loh vang te, tui in tlem 

tlem lutuk vang te, rilru hah lutuk vang te, thi neih mumal 

loh vang te a ni thei bawk a. Tin, tleirawlte hi a hmei a pain 

taksa leh rilru a danglam nasa a, taksa-ah (oil) hriak pe 

chhuaktu a pung a, hmai a lo mawm a, hmai bawl leh arngeng 

a lo siam thin. Hmeichhe tleirawl tir te chi kawng a insiam 

danglam a, hei hian arngeng a awmtir thei. Thi neih laiin 

hmai a bawl duh bik bawk a ni.

14 


Hriselna Huang: 

Thei Ei Hi Damreina A Ni 

Mi zawng zawng hian hrisel leh 

damrei kan duh vek awm e. Ni tin 

hnathawk tura kan han feh chhuahna 

chhan pawh hi hrisel leh damrei kan 

duh vang a ni lawm ni. Han duh teh 

thin mah ila, a kawng hmang kan hriat 

loh vang emaw kan zawm peih loh avangin kan lo dam lo 

leh thin a ni. He kan duhthusam hriselna leh damreina hi 

thei ei tam leh a tui in tam hian kan nei thei a ni. Mihring 

chanchin pawh kha chhia leh tha hriatna thei leh nunna 

thing nen a rawn intana nih kha. Mizoram-ah pawh thei 

kan nei ve ta nual mai. Entirnan: Serthlum, Limbu, Sisu, 

Lakhuihthei, Balhla, Theihai, Lamkhuang te kan nei. Heng 

bakah thei vang deuh te, leh ram thei te pawh kan nei ve 

nual a ni. 

Thei ei tam hi taksa tan a tha em em a, ei tam thang 

chuan a thatzia hriain an ban phal ngai lo a ni. Thei hian 

thlum a ngah em em a, chu chu taksa tan chakna a ni. Tin, 

theite hian vitamin leh mineral te an ngah em em bawk. A 

bikin theite hian vitamin C an ngah a. Vitamin C hian kan 

taksain natna a do theihna a tichak thin. Thei te ei tam chu 

natnain a ngam thei lo thin a ni. Tin, thei te hian B complex 

a nei ve a, chu bakah calcium leh potassium, ruh tana tha 

an pai theuh bawk a ni. 

Theia enkawl theih natnate: 

Natna benvawn tak takte thei hmanga enkawl theih an 

ni. Entirnan, ruhseh, asthma, thin tha lo, kawngna benvawn, 

hritlang reh thei lo, cancer leh chaw ei dan dik lo avanga 

natna te, entirnan, BP sang, lung tha lo, kalna, vun dukte.


A hmandan: 

1. Kan thei eite chu an thar tha tur a ni. Thei dah rei tawh 

chu a chakna za-a sawmnga (50%) a bo tawh thin a ni. 

2. Thei tui sawr thar chauh in tur a ni a, siam chawp zel a 

tha. 

3. Thei tui chu a eia ei tur a ni a, in khawlh khawlh tur a ni 

lo, tichuan ka-a chil nen a inpawlh hmana paitawih a awl 

bik a ni. 

4. Thei chu a ei emaw, a in emaw a tha ve ve, mahse tam 

tham deuh ei duh chuan a tui sawra in a awlsam zawk. 

Electric khawla sawr a tha ber a, kuta sawr pawh a tha tho 

e. 

Engzat nge ei tur? 

Thei ei tam emaw a tui in tam luat a awm thei lo. Thei 

man a to vang zawkin ei tam a har a ni. Nakina damdawia 

insen leh teuh ai chuan tuna thei mana insen a hlu zawk tih 

mi tam takin an hre tawh. Natna benvawn entirnan, cancer-te 

enkawl nan chuan ni tin thei tui litre 3-5 vel in a tha. 

Hrisel nan hrim hrim chuan litre 1 vel in a tha. Thei tui chi 

hrang hrang, leh thlai tui entirnan, carrot te, mai te pawh 

pawlh a theih vek a ni. 

Tun laiin mihringte’n thil chhum hmin kan ei nasa a, 

chu chuan vitamin tha, kan taksa mamawh a thah avangin 

ramsa thil hel ei te aiin kan hrisel lo bik a ni. Chuvangin 

thei te, thlai hringte i ei tam ang u. Tin, chawhmeh kan 

chhum pawhin hmin lutuka chhum ai chuan hmin phelh 

phawlha chhum hian chakna a pai tam zawk a ni. Thei leh 

thlai hringte hian enzyme, amah leh amah inpaitawih 

theihna an nei a, heng enzyme-te hi chhum hlum an awl 

em em a ni. Chuvangin hnim hring, thlai hring leh theite hi 

i ei uar ang u. 

(Source : Hriselna Magazine)

16 

Missionary Huang: 


Arunachal Arunachal East East Kan Kan Thleng Thleng Ve Ve Ta Ta !! 

!! 

- Saichhungi, Zohnuai 

Kum 2008 chhungin Zohnuai Unit BKHP te’n Prioject 

atan rampawn Mission Field tlawh ve ila tiin kan rel a. Hemi 

atan hian Budget-ah Rs. 30,000/- kan dah a, kan huphurh ru 

viau va, mahse Pathian hnathawh kan hmu nasa viau bawk a 

ni. Hemi atan hian theih tawpin sumtuakin tan kan la ve a, 

sanghate kan zuar a, BP check-in Office hrang hrangah te 

kan kal bawk a, tin, eichawp thilte kan zuar bawk a. Heng 

kan sumtuaknaah te hian Pathian hnathawh kan hmu nasa 

hle a ni. Heng bakah hian a kal tur te’n Rs. 1,000/- kan deposit 

theuh bawk a, Pathianin kan zin hi kawng min hawn 

sak a ni tih min hriattirna niin kan hria a, kan phur em em a 

ni. Hemi pual atan hian chaw ngheiin tawngtainate kan nei 

thin bawk a. 

Kan kalna tur hmun atan 

hian Rev. Lalthangliana te 

awmna Arunachal East Field 

Pasighat khua chu tlawh ve 

ila kan tia. Tichuan, 

Kohhrante thil engemaw tal 

kensak ve kan duh a, Field 

Director chu kan tihsak theih 

ve tawk enge in mamawh tiin 

kan zawt a. Ani chuan Gas 

thuk lian leh Sacrament Tray 

leh No te, Steel thleng te hi 

an mamawh thu a rawn sawi 

a. Heng zinga engemaw ber 

hi in tih theih chua a rawn ti 

a. Tichuan, Committee chuan 

a eng ber nge kan tihsak ve 

theih ang tiin kan ngaihtuah 

a, tichuan Executive Committee 

member zinga pakhat 

chuan Gas thuk lian chu 

rinnain ka lo tum ang e, a 

rawn ti ta mai a, Executive 

Committee member dang 

pakhatin Sacrament dawhkan 

khuhna leh sacrament khuhna 

tur puan ka lo tum ve ang e, a 

rawn ti bawk a. Kan Committee 

chu kan hlim hle a, 

anmahni pawhin hetian an ti

thei chu an lawm em em 

bawk a ni. Sacrament Tray 

leh No leh Steel thlengte 

pawh chu mimalin an rawn 

tum vek ta mai a, BKHP-te 

chu kan awl ta der mai a ni. 

Heng kan thilpek turte hi 

Guwahati-a awm Pi Lallawmzuali 

W/o Tungluta 

Bank Manager chu min lo 

leisak turin kan ngen angin 

min lo leifel sak vek a, kan 

ILP te pawh min lo tihfel sak 

vek bawk a, kan kalpaha kan 

lak mai theih turin amah 

ngeiin Guwahati bul 

Jorabhat-ah min lo changin 

min lo pe a, sweet pocket 

engemaw zat min pai bawk 

a, a chungah kan lawm hle a 

ni. Tin, kan kalna tur senso 

atan hian kan thiante kal ve 

thei lote’n pawisate an rawn 

thawh hlawm a, a vaiin Rs. 

6,100/- lai a tling a ni. Tin, 

kan tualchhung Kohhran 

Committee chuan Rs. 

10,000/- lai min pai bawk a, 

an chungah kan lawm em em 

a ni. Kan kal hnaih tawh 

lamah hian a kal turte chu 

thlarau lam inbuatsaihna atan 

nilengin hun kan hmang a. 


Hemi hunah hian Tv 

Lallianngura’n a kal turte chu 

kan luchungah kut nghatin 

min tawngtai sak theuh va, 

kan zinnaa Pathian thu kan 

fehchhuahpui turte a sawi 

bawk a, Sam 2:8 “Mi dil 

rawh, tichuan i rochun atan 

hnamtin ka pe ang che,” tih 

leh Johana 20:22 “Thlarau 

Thianghlim nei rawh u,” tih 

thute a ni. Heng thu hmang 

hian kan kalkawng tluana 

hnamte chu kan rochun atan 

Pathian hnenah tawngtaiin 

kan dil zel a. 

Tichuan, ni 28.10.2008 

Thawhlehni chu kan kal hun 

tur a ni ta a, kan kal hma ni 

atang hian ruah leh thlipui a 

rawn thawk vuk vuk a, khua 

a nuam lo hle mai a, a tuk chu 

kan kal ni tur a ni tawh si a, 

Pathian hnenah tawngtaiin, 

“Lalpa hetiang khawchhe 

karah hi chuan min chhuahtir 

suh” tiin kan dil tawp mai a. 

A tuk ni 28th Oct. 2008 

Thawhlehni-ah zing dar 5:15ah 

BCM Bus-in Zohnuai 

atangin khaw tha tak karah 

Pasighat pan turin Member 

18-te chu kan chhuak ta a.

18 

Chaw leh a hmehte kan fun 

a, Pangzawl Pastor Quarterah 

chaw kan fak a, Bialtu Pastor 

JC Vanlalluaia te nupain 

hlim takin min lo dawngsawng 

a, chaw kan ei khamah 

kan kalna tur Bus chhungah 

ngei tawngtainain min thlah 

a, kan lawm hle a ni. Pastor 

chuan, min han en a, 

hmeichhia vek kan niin, hriat 

ngai loh ram hla taka kal tur 

kan ni bawk si a “Tunge in 

hruaitu? Tunge kalpui dawn 

che u?” min tih chuan ka rilru 

a tizam ta deuh a, kan driver- 

Dika leh Hriata-te bak chu 

mipa min hruaitu kan nei 

bawk si lova. Mahse, he thu 

hian Lalpa’n min thlamuan ta 

a, Sam 46:11 “Sipaihote 

Lalpa chu kan hnenah a awm 

a, Jakoba Pathian chu kan 

kulhbing sang a ni” kan zin 

kawng tluan hian Lalpa chu 

kan kulhbing sang a nih zia a 

lang chiang khawp mai. He 

mi ni hian Kolasib zan dar 

10:00 velah kan thleng a, an 

Biak In enkawltute’n min lo 

buaipui a, an chungah kan 

lawm hle mai. 

Tichuan, zing takah kan 


thova, Shillong panin kan tlan 

leh ta a, Cachar phaizawlah 

kawng diak lutuk avangin 

kan tang a, motor dangte 

pawh a tang nual a, vaiho 

karah motor chhungah kan 

tawngtai a, Lalpa’n kan 

tawngtaina chhangin rei 

loteah motor dangte nen 

chuan kan chhuak ta mai a, 

kan han tlan chhuak tur chu 

Halelui kan pe tuar mai. 

Tichuan, Shillong chu tluang 

takin kan thleng ta a ni. 

Madanwriting Kohhran Sunday 

School Hall-ah kan riak 

a, an Biak In enkawltute 

chhungkua an fel hle a, zingah 

tuilumte min lo neihsak 

thlap a, an chungah kan lawm 

hle a ni. 

A tuk 30th zingah 

Naharlagun panin kan tlan 

leh ta vung vung a. Hemi ni 

hi Guwahati-a bomb puah ni 

tak kha a nih avangin security 

a tight hle a, hemi avang 

hian kan haw lam thlengin 

thil a khirh zo vek a, 

kalkawngah boruak ralmuang 

lo tak hnuaiah kan kal phah 

ta a ni. Naharlagun hi 

Arunachal West a nih avangin

Permit hran a ngai a, kan nei 

si lova, kan lut thei lo tep a, 

Bus chhungah tawngtai 

honate kan han nei a, hetih 

lai hian Zohnuai lama BKHP 

tawng-tai inkhawm hote 

chuan kan chanchin an lo 

hriatin Nahar-lagun an 

luhtheih hma chu kan 

inkhawm kan bang bik 

lovang tiin theihtawpin Pathian 

an lo au ve bawk a ni. 

Missionary-te leh AICS-a 

Practical Ministry nei mekte 

chuan Itanagar gate-ah min lo 

hmuak a, anni hian kan luh 

theihna turin theihtawp an 

chhuah bawk a, kan lut thei 

ta hram a. Naharlagun-ah 

hian Field Director Quarter 

sak tharah chaw tui tak min 

lo siamsak a, riahna nuam tak 

min pe bawk a, kan hahdam 

sawng sawng mai. Hetah 

hian zanriah ei khamah he lai 

hmuna thawktute nen hun rei 

lote kan hmang a, Pi Kaphnuni’n 

thuchah tawi a sawi 

a, Field Director Quarter-a 

hman atan Thingpui in no 

2doz kan pe ve a. A tuk ni 

31.10.08 zingah Pasighat 

pana kan kal pahin Nirjuli-ah 

Huto English School kan 


tlawh a, thawktu hote’n 

thingpui leh a hmeh tui tak 

min lo siam sak a, hlim takin 

kan in a, hla pakhat kan sa a, 

tawngtai honate kan nei a, an 

thawhna hmunhmate min 

fanpui a, an thawhna hmun 

mit ngeia kan hmuh theih 

avangin kan lawm hle a, 

Arunachal West Field pawh 

kan tlawh tel ve ta a ni. 

Tichuan, tlai dar 6 velah kan 

kal tumna tak Pasighat kan 

thleng ta a. Kan Missionaryte 

leh a ram mi kan Kristian 

hote’n min lo hmuak a, kan 

hlim khawp mai. 

Kan zin kawng hi a thui 

tham deuh a, ni 4 lai kal a ni 

a, zing takah kan kal chhuak 

a, zan rei deuhah te kan riahna 

tur hmun kan thleng chauh 

thin a, a chang chuan chaw 

eina tur hmunte kan hmu lo 

tep thin a, tukthuante pawh 

tlai dar 1-ah te kan ei chang a 

awm nawk mai. Mahse kan 

hlim em em a ni. Kan sawi 

hmaih phal miah loh, kan 

zingah Pi Kaphnuni M/o Dr. 

Zothansiami Ralte Thailand 

kum 70 mi chu a tel ve a, kan 

hlimpui khawp mai. A upat 

avangin buaipui ngaiin a awm

20 

lova, Pathian kaihhruaina 

ropui tak pawh kan hmuhpui 

a ni. Ani hian BKHP zawng 

zawngte min cho thar theuh 

se. 

Dt. 1.11.08 Inrinni chuan 

tlai lamah Sille Kohhran, 

Pasighat atanga 25km a hlaah 

kan inkhawm a, hetah hian Pi 

Lalnunziri’n thuchah a sawi 

a, kan zin chhung hian Pi 

Omegi chuan tawng min leh 

sak thin a, a chungah kan 

lawm em em a ni. Pasighat 

kan thlen hnu hian kan 

Kohhran tlawh turte kan pek 

ve tur Dekchi lian lei nan kan 

member pakhat, a kal ve 

zinga mi chuan pawisa a 

rawn thawh leh bawk a, 

Pathian tana thilpek petu ho 

chungah hian kan lawm hle a 

ni. Kohhran tan hian Dekchi 

lian kan pe ve a, zanriah min 

siamsak chu inkhawm banah 

kan ei a, Adi khualtha chaw 

ei danin, hnahin chaw an fun 

a, fun khat theuhin min pe a, 

chaw hmeh min pe bawk a, 

kan ei chhung zawng min vil 

reng a, Lalpa avanga kan 

chan hi a ropui khawp mai. 

He kohhrana an Pastor chu 


Kristiante an tihduhdah laiin 

an Biak In hi hal tur a ni a, 

Biak In chhungah chuan 

Mombati chhiin Bible a 

chhiar tlat a, an Biak In hi an 

hal loh phah ta a ni. Hetiang 

mi han hmuhte hi ropui kan 

ti a, thla te pawh kan lakpui 

nual hlawm a ni. 

Dt. 2.11.08 Pathianni 

zingah Pasighat Kohhran-ah 

kan inkhawm a, Pi T.Lalthanveli’n 

thuchah a sawi a, 

thilpek chi hrang hrang 

hetiang hian kan pe:- 

1) Gas thuk lian 1 - Adi Baptist 

Union Guest House atan. 

2) Sacrament tray, No, 

Puan- Pasighat Kohhran tan. 

3) Steel thleng 2doz- Field 

Director Quarter atan. 

Tichuan, ipte mawi tak, 

hlabu leh Bible leng min pe 

vek a, kan lawm khawp mai. 

Tichuan Sunday chhunah 

Siang luiah kan kal a, luiah 

hian tawngtaina te kan nei a, 

lui dung tluan hi Chanchin 

Tha puandarh nan Lalpa tan 

kan hauh a ni. Pathianni tlaiah 

Model Kohhranah kan 

inkhawm leh a, hetah hian Pi 

Saichhungi’n thuchah a sawi

a, Dekchi lian an Kohhran 

hman atan kan pe ve a, an 

Kohhran hi a nung khawp 

mai a, an pung chak a, a 

thang nasa hle bawk a ni. 

Model Kohhran hian zanriah 

min buatsaih sak bawk a, Adi 

puan leh Shawl min pe bawk 

a, an inphal em em a ni. Kan 

inkhawmna apiangah hian 

hla kan rem zel bawk a, kan 

hlate hian keimahni theuh 

pawh min hneh em em a ni. 

Pasighat-a kan cham chhung 

hian ABU-in Guest House 

tha leh changtlung tak an nei 

a, tah chuan kan thleng vek 

a, kan cham chhung hian 

Pasighat BKHP te’n kan ei in 

tur min siam sak vek a, an 

hah hle a, mahse an hlim em 

em a ni. Riahna nuam tak 

mutbu awmsa diamah kan 

thleng a ni. Min duatin min 

ngaihsak em em a, nuam kan 

ti hle. Lalpa avangin kan tuar 

dawn emaw kan ti a, kan 

chan hi ropui kan ti hle a ni. 

Kan Missionary Rev. 

R.Lalthangliana te chhungkua 

leh Pu Lalnghakmawia te 

chhungkuain in ngaihsakin 

kan kalna apiangah min hruai 


zel a, an inpekna leh an 

hnathawhte kan hmu a, ropui 

kan ti hle a ni. Kan cham 

chhung hian Pu C.Pachhunga 

pawh Guwahati-a an meeting 

haw kan hmu thei hlauh va, 

kan Missionary-te hi an lu 

chunga kut nghatin tawngtai 

saknate kan nei thei a, 

hlimawm kan ti hle. 

Dt. 3.11.08 Thawhtanni 

hi kan haw ni tur a ni a, mahse 

Assam-ah Bandh khauh tak a 

awm tak avangin kan chhuak 

thei ta lova, kan thawktute 

hian boruak ngaichangin 

hmun dang dang an be pawp 

reng a, boruak awmdan a zira 

kal mai thei turin kan inpeih 

sa reng a, hemi zan chauh hi 

Bandh hlih lailawk tur a nih 

thu kan hre ta a. Tichuan, Dt. 

4.11.08 zing dar 5 atangin 

tiamchin awm lovin Bandh hi 

chhunzawm tur a ni a, chuvangin 

Dt. 3.11.08 tlai dar 

5:30-ah chuan Pasighat 

atang-in Shillong panin kan 

zan chhuah ta a. Field Director 

te nupa leh an fapa Bena 

te’n Ruksin Gate thleng min 

thlah a, kalkawng lakah 

khuaah chauh lo chuan ding 

miah suh

22 

u tiin min chah a, boruak a 

ralmuang lo khawp mai a. 

Kalkawngah chuan CRP duty 

kan hmu kawngtluan ta mai 

a, anni chuan min lo tiding a, 

escort-tu in nei lo em ni, an ti 

a. Nei lo, kan ti a. Min han 

en a, hmeichhia vek kan ni si 

a, an motor chu an inher a, 

min escort tu atan Pathianin 

min pe a lo ni reng mai a, 

tichuan thlamuang takin kan 

kal thei a. Tichuan, tluang 

takin Dt. 4.11.08 dar 1:30pmah 

Shillong kan thleng ta a, 

Shillong-ah chuan kan riak 

leh a, a tukah Aizawl panin 

kan chhuak leh nghal a, zan 

dar 12:30-ah Aizawl Bawngkawn 

BCM Sunday Hall kan 

thleng a, Pi Pari W/o Pu 

Hranglawma chuan kan riahna 

turte lo buaipuiin min lo 

la nghak tang tang a, a 

inpekna hi ropui kan tiin a 

chungah pawh kan lawm hle 

a ni. He mi zan hian kan hah 

hle mai a, inbual lova mut 

ngawt chi a ni lova, zanlai 

pelhah chuan kan han inbual 

leh te te a, tichuan hahdam 

takin kan mu thei ta a. Hemi 

zan hian darkar 2 vel chu kan 


mu hman ve a, a tuk zingah 

chuan kan Motor-te workshop-ah 

check a ngaih avangin 

Bawngkawn-ah hian tukthuan 

kan ei a, tichuan dar 

11:45-ah Lunglei panin kan 

chhuak leh a, zan dar 10:30ah 

tluang takin Zohnuai kan 

thleng leh ta a. Zan rei lam ni 

mahsela kan rawngbawlpuite 

leh Kohhran hruaitute’n 

thingpui nen min lo la hmuak 

thap mai hmel han hmuh chu 

a lawmawm hle mai. 

Kan zin chhung hian kan 

rin phak bakin Pathian hnathawh 

ropui kan hmu nasa hle 

mai a, kan tawngtainate pawh 

chawp leh chilhin a chhanna 

kan hmu nghal thinte leh Mission 

Field-a Kohhran ho hmel 

hmu theia min hruainate hi 

ropui kan tiin lawmna tur hlir 

mai a ni a. Kan cham chhung 

rei loteah pawh Pathian 

Thlarau Thianghlim hnathawh 

kan dawng thar a, zan 

rei tak thlengin taksa chetna 

te nen mu hlei thei lovin 

Thlarau Thianghlim pawlna 

te kan chang bawk a, kan haw 

hnu thleng pawhin Kohhran 

te’n Thlarau lam malsawmna

kan dawn phahin kan hria. 

Kan zuk tlawh Kohhrante hi 

Pathian tan an inphalin 

thilpek tam tak kan dawng a, 

kan hawn dawn tlai hian 

Serthlum percel khat kawnga 

ei atan min rawn pe a, 

kalkawng tluanin kan ei a, tui 

kan tiin kan lawm hle mai. 


Household Tips 

1. Thlai hnah i sil dawnin i chan hmain silfai la, tichuan a 

chakna tam tak kha i sil bo lovang. 

2. Cake, chhangthawp leh biscuit te hi bur pakhatah dah ho 

tur a ni lo, biscuit kha a nem vek thei a ni. 

3. Chhang hnawih tur butter a lo khal chuan chhuang mai 

suh, i chhuan chuan a lo daih leh hunah butter ni tawh 

lovin ghee-ah a lo chang mai ang. Thleng (bowl) chhungah 

tuiso dah la, leihbaw leh la, thleng chu a la sat laiin butter 

chu khuh la, tah nuam tawkin a lo nem ang. 

4. Vai siam leh company siam te hi ei tur tha a ni ber lem lo. 

Thlai rah leh an hnah te, thei chi hrang hrang leh 

bawnghnute (a ti thei tan) te hi chaw tha an ni. Mizovin 

kan thlai rah hrang hrang- bal, vaimim, kawlbahra etc. 

leh thei- balhla, lakhuih, nuhnun/thingfanghma etc. 

kamram atan kan hmante hi chaw tha an ni vek a ni. 

5. Balhla hmin i ngah viau chuan tidiak la, ser 

(lemon) tui tlem far la, tichuan a uk lovang a, 

fridge-ah vur bawmah dah la, i chhang siam 

dawnah i duh zat i pawlh mai dawn a ni. 

6. Coffee den dip leh den dip loh pawh nise freezer-a dah 

hian a rim a tha rei bik a ni. 

23 

Kan zinnaah hin Pathian 

hnathawh kan hmuh leh kan 

chan hi a nasain sawi zawh 

mai sen chi a ni lova, keini 

BKHP-te hian Pathian nen 

chuan heng thilte hi kan ti ve 

thei a ni tih kan han tarlang 

duh bawk a ni e. 

*******

24 

Report: 


1. Vairengte Pastor Bial BKHP Leadership Training 

Report 

- Zorampari Pautu, Secy. 

BKHP Vairengte Pastor Bial 

Rawngbawlpui duh takte u, Lal Isua hmingin LOISI 

kaltlangin chibai ka buk a che u. 

Ni 2-3.5.2009 khan Vairengte Pastor Bial BKHP 

Leadership Training hlawk thlak tak chu kham lo takin 

Bialtu Pastor Rev. B.Rothangpuia leh MBKHP hruaitute 

nen neih a ni a. He Leadership Training hian rah duhawm 

tak a chhuah chhoh zel theih nan min han tawngtaipui zel 

dawn nia. 

Dt. 1.5.09 khan MBKHP Organiser Pi B.Singpari, 

Pi H.Lalkimi, Pi Lianhmingthangi Comtt. member MBKHP 

te leh Pi May Jone, Lunglei te chuan dam takin Vairengte 

an lo thleng a. Ni 2.5.09 MBKHP Day pawh an kaihhruaina 

hnuaiah tluang takin kan hmang hova, chawhnu atangin 

Leadership Training neih tan a ni a. Buhfaitham leh Kristian 

Chhungkua paper te zirho a ni a. Zan inkhawm banah Loisi 

paper zirho leh a ni. Tin, Dt. 3.5.09 chawhnuah Leadership 

leh Chhawmdawlna In paper te zirho leh a ni a, tichuan 

zan inkhawm banah kan paper zirhote sawi zuina leh 

inpawlhona neih a ni. Leadership training kan neih chhung 

hian zing leh zanah sermon tha tak tak ngaihthlak thin a ni 

bawk. Kan hun hmante hi kan kham lo hle a ni. 

Vairengte Pastor Bial hi Bial ding thar kan ni a, 

Leadership training hi kan mamawh tak zet a, kan 

mamawhte kan hruaitute kaltlanga Pathianin min buatsaih 

sak hi Pathian leh MBKHP hruaitute chungah kan lawm 

tak zet a ni.

Report: 


2. Lungsen Pastor Bial BKHP Inkhawmpui Vawi 44-na 

- F.Lalthlamuani, Secy. 

BKHP Lungsen Pastor Bial 

A hmun : BCM Phairuangkai Biak In 

A hun : Dt. 20-22 Feb. 2009 

Thupui : “I Pathian tawk turin inpeih rawh” Amosa 4:12 

Speaker : Rev. T.Lalsangvunga, Bialtu Pastor 

Lungsen Pastor Bialah hian BKHP Unit paruk (6) a awm 

a, member 317 kan awm. Dt. 21.Feb.2009 (Inrinni) Dar 10:00am - 

12:00noon chhungin rorel a ni a, Bialtu Pastor hovin rorel member 

86 kan ni. Kan thurel tlangpuite chu hengte hi an ni. 

1. Missionary Rs. 14,500/- in chawm chhunzawm leh nise. 

2. TNT (Calvary Centre) Lunglei, Rs. 5,000/- a tanpui. 

3. Pastor Quarter-a zar tur Pardah lei. 

4. Bial huapa Crusade neih. 

5. Bial huap Bible ralchhan neih. 

6. Bial BKHP hruaitute’n kumin 2009 chhungin Unit tlawh 

chhuah. 

7. Unit intlawh tawn neih. 

8. Bial BKHP inkhawmpuidawltu Rs. 3,000/- a tanpuina neih. 

9. Bial Fund atan Rs. 6,000/- dah. 

10. Phar pual tan Unit tin vawi khat fehchhuahna neih. 

11. Nauhnuchham (BCO) tanpuina neih. 

12. Kum 2009-2011 chhunga Lungsen Bial BKHP hruaitu tur thlan 

a ni a, hruaitu thlan tharte chu:- 

President : Pi ZD Lalhmingi Lungsen 

Vice President : Pi R.Lalngaihthangi Mahanaim 

Secretary : Pi F.Lalthlamuani Mahanaim 

Asst. Secretary : Pi P.Zothanpuii Lungsen 

Treasurer : Pi R.Siamdingi Mahanaim 

Fin. Secretary : Pi T. Zohmingthangi Venglai 

Sr. Adviser : 1) Upa V.Sumleta Venglai 

2) Upa R.Vanbeiseia Mahanaim (Bial ruat) 

Lungsen Pastor Bial BKHP te’n ruahmanna kan siamte hi a lo 

hlawhtlin theih nan leh Pathian ram a lo zau zel theih nan 

tawngtainaah min lo hre thin turin ka ngen a che u. 

‘Lalpa’n chakna thar min pe zel rawh se’

26 

Report: 


3. Tawipui Pastor Bial BKHP Seminar Report 

- J.Vanawmawii, Secy. 

BKHP Tawipui Pastor Bial 

Tawipui Pastor Bial BKHP Inkhawmpui rorel chuan ‘Bial 

huap Seminar neih nise, Seminar mi hmanpui turi hian MBKHP 

hruaitute sawm nise” kan ti a. Hqrs. lamah kan duhnate kan hriattir 

a, an ni’n Speaker turte fel takin min ruatsakin kan mamawhnate 

min lo tih hlawhtlin sak a, kan lawm hle a ni. Thupui: “Harh thar 

lehna” Sam 85:6, Resource Person te: Pi B.Singpari, Organiser 

MBKHP, Pi Zosangi Exe. Committee member, Pi Saprengpuii Exe. 

Committee member, te an ni a, an ni bakah Pi Mawitei (Mrs. Rev. 

Lalbiaksanga)-in min rawn hmanpui thei a, kan lawm tak zet a ni. 

Tawipui Pastor Bialah hian BKHP Member 525 kan awm 

ve a, Seminar hmangtu zawng zawng hi member 85 kan ni. BCM 

Mualcheng ‘S’ te’n inhawng takin Seminar hi an dawl a, mikhualte 

min lawm thiam ziate kha aw! A va ropui em! Upa leh rawngbawltu 

zawng zawng leh Unit BKHP member te’n khawchhe hnuaiah 

nilengin min lo hmuakin min lo dawngsawngte kha Krista vanga 

kan chan ropui tak a ni a, kan cham chhung zawnga duhsakna 

tinreng min hlante kha theih nghilh a va har dawn em! 

Seminar hi Bialtu Pastor Rev. H.Vanlalruata, Pro-Pastor 

R.Lalhnehliana leh Upa T.Zachhunga Sr. Adviser Bial BKHP te’n 

min hmanpui thei bawk a, kan changtlung hle. Tin, BCM 

Mualcheng Kohhran Upa leh Rawngbawltute’n min telpui reng 

bawk a, Kohhran enkawltu nih an va han tling em. Kan sawi hmaih 

hauh loh tur chu BMP te inpekna kha a ni. Ei leh in tuihnai tak min 

buatsaih sak rengin, Inrinni tlaiah ruai tuihnai tak min siam sakte 

kha an va hlu em! Unit BKHP-te inpekna hlu tak avangin Seminar 

hi a hlawhtling thei niin ka hre bawk a ni. Mualcheng ‘S’ Kohhran 

Zaipawl te’n inkhaw apianga Pathian chawimawi hla mawi takin 

an rem thei a. Tin, Tawipui North-I Unit BKHP Group zai an awm 

thei reng bawkte hian Seminar a tihlungin a ti changtlung hle a ni. 

Kan thupui ‘Harhtharlehna’ tih chu then hrang hranga 

then a ni a. Zirtawp zanah Hartharlehna awmzia tih thupui hmangin 

Pi B.Singpari’n thuchah a sawi a. Inrinni chhunah Seminar neiin


Session hnihah then a ni a, 1st Session-ah Leadership zir hona Pi 

B.Singpari hova neih a ni a, hruaitu nih phung leh awmdan turte 

zir a niin kan hlawkpuiin, hlen chhuah tur leh tih tur tam tak kan 

nei tih kan hre thar leh te hi Seminar hlawhtlinna a ni. Hetah hian 

sawihona neih a i a, BKHP member ni si BKHP inkhawmna leh 

thiltih hona a tel ngai lote engtin nge kan hruai ang tih sawiho a ni 

a, thahnem ngai taka an tana tawngtai sak a, an inah te kala an 

harsatnate zawha Pathian thu hmanga sutkian saka, BKHP 

thiltihnaa tel tura sawm thin nise kan ti. 

2nd Session-ah Kristian chhungkua tih Pi Zosangi hova 

zir a ni leh a, kan va kham lo tak em! Chhungkuaa nu mawhphurhna 

leh pasal fanaute laka kan awmdan tur leh chhungkaw nu dinhmunte 

kan zir atang hian hlawkna nasa tak kan nei hlawmin kan hria. Tin, 

Loisi chungchanga kan hriat tur pawimawhte pawh sawi ho nghal 

a ni bawk. Zan lamah Harhtharlehna chhungkua-ah tih thupui 

hmangin Pi Saprengpuii’n thuchah min puan chhuah sak leh a, 

chhungkaw maicham tih mih loh a pawimawh ziate kan ngaithla 

a, kan va hlawkpui em! Inkhawm banah inpawlhona hlimawm tak 

neih leh a ni bawk. 

Sunday zingah Harhtharlehna Kohhranah tih thupui hmangin 

Pi B.Singpari’n thuchah ropui tak min puan chhuah sak leh a, chhun 

lamah Seminar neih chhunzawm a ni leh a, Buhfaitham chungchang 

zir ho a niin, Pi Saprengpuii’n min kaihruai a, Buhfaitham-ah hian 

Pathian Thlarau Thianghlim tih harh tharna ropui tak kan chang a, 

mite’n buhfaitham rawngbawlna an lo ngaih pawimawh zia te, an fate 

pual leh an pasalte puala an tham dante ngaihthlak atangin harhna 

changa tap zawih zawiha inhlan tharte kan awm hi a va lawmawm 

em. Buhfaitham rawngbawlna hi an chan thar anga hlen chho zel 

turin Lalpa’n min hruai ngei ang tih kan ring tlat a ni. Tin, Buhfaitham 

hi Upa leh Rawngbawltute pawh hian a pawimawhzia leh Pathian 

ram rawngbawlna ki pui ber a ni tih hi an Sermon-ah pawh hian a tam 

thei ang berin sawi ve se tih pawh sawi ho a ni bawk. Sunday zanah 

Harhtharlehna pawimawhna leh a rah chhuah tih thupui hmangin Pi 

Zosangi’n thuchah a puang chhuak leh a, kan va kham lo tak em! 

Inkhawm banah inpawlhona neih a ni leh a, hetah hian Lalpa hnathawh 

ropui tak changin sharing-te ngaihthlak a ni. Heng zawng zawngte 

avang hian Lalpa chu fakin awm rawh se.

28 


Pi C.ROSIAMLIANI 

(1945-2009) 

Chaltlang, Aizawl. 

C.Rosiamliani hi Upa RC Setea (L) leh Saichhingpuii 

(L) te fanu neih chhun niin, kum 1945-ah Hnahchang khuaah a 

piang a. An unau hi paruk niin amah hi a upa lama chhiarin 

palina a ni. Kum 1966-ah Kapmawia nen Kohhran dan 

thianghlima inneiin fa panga an nei. 

A rawngbawlna: A nulat lai atangin a theih ang tawkin 

Pathian rawng a bawl thin a. Kum 1960-ah Lunglei Bazar 

Kohhranah kum 15 a nihin GA (Girls’ Auxiliary)-ah hruaitu a 

ni a. BKHP a lo din khan Secretary-ah thlan tlin a lo ni leh a, 

BCM Chaltlanga a awm hnu hian Committee member-te niin, 

kum 2007 khan BKHP aiawhin Building Committee member a 

ni. Sunday School-ah Junior Department zirtirtu a ni a. Kum 

2009 atan Chaltlang Unit BKHP Finance Secretary-ah thlan a 

ni a, a thih ni thlengin thahnem ngai takin he hna hi a chelh a ni. 

Rawngbawlna ngai pawimawh mi a nih avangin ama sumin 

Missionary a chawm a, China Missionary chawm nan thlatin 

Thawhlawm a khawn bawk thin. Tawngtai mi a ni a, a hun 

tawp lam phei chuan kartin Thawhlehni nileng hi tawngtai nan 

a hmang a, Zirtawpni hi Damlo leh tula a hriatte tlawh nan hun 

hmangin tawngtaina a neihpui thin. Agape hmuna ni 40 leh zan 

40 chawnghei tawngtainaah a tel tluan a, hemi bakah Lunglei, 

Hnahthial, Champhai, Lawngtlai-ah te chawnghei tawngtai hun 

hmannaah a tel ve a. Sept. 2008 khan Governemnt Comprehensive 

School Marpara-in Salvation Camping an neihah 

tawngtai turin thiante nen an kal bawk. 

A hun tawp lam: Kum 2007 August thlaah lung lam


that lohna a neih avangin Delhi lamah treatment la turin refer a 

ni a. Tichuan, September-ah dam tha zan lovin a lo haw a. Dt. 

20.11.2007 zanah Pathian tihdamna a chang a, amah pawh a 

lawm hle a ni. Tihdamna a chan hnu hian a damdawi ei thinte 

pawh a ei ta lova, a rawngbawlpuite zingah “Lalpa’n min tidam” 

tiin hlim takin a sawi thin. Dt. 9.1.2009 chhun lamah hmun 

hrang hrangah tawngtaina neia hun a hman hnuin, zan dar 10:45 

velah chhungkaw tawngtaina neih an tum laiin, lungphu chawlin 

he khawvel hi a chhuahsan ta a ni. Dt. 10.1.2009 dar 12-ah 

vuina programme Rev. TC Laltlawmlova’n a hmang a, “Pi Siami 

ang hi Kohhran hian kan mamawh tak zet a, a aiawh zo tur hi 

Kohhran member zingah hian kan awm thei ang em?” tiin a 

sawi a. Upa Rokamlova Presbyterian chuan, “Pi Siami hi 

hmeichhe awmnem tak angin lang mah sela, Pathian 

rawngbawlna kawngah chuan a pa a ni” a ti. Kuang chungah 

BKHP te’n pangpar kan dah a, he khawvelah hian inhmu ngai 

tawh lo turin, a lei taksa chu ui tak chungin kan thlah liam ta a 

ni. 

-Lalhmunmawii 

Secretary, 

Chaltlang Unit, Aizawl. 

Mi Mi Naran, Naran, Nu Nu Ropui 

Ropui 

(Ka nu, PC Zodinmawii tan he thuziak hi ka hlan e) 

- VL Jahau 

Khawvelah hian nute avanga piang leh awm vek kan ni a. Nute 

hmangaihna dawng tam tak kan awm laiin vanduaina avanga he 

hmangaihna tem lo pawh an awm. He hmangaihna dawngtute hian 

nute hlutzia kan hre theuhin a rinawm a, kan hriatchian erawh a 

inag lo ang. 

Nu hmangaihna dawng theia ka awm hi Pathianah ka lawm a. 

Hringnun kum tam la chhiar lo mah ila, ka nu min hmangaihna hian 

hma lam min pentir a, eng va ni lo mah ila, ka hlimnate leh ka 

hlawhtlinnate amah kal tlanga Pathian min pek a ni si. 

Mi tam tak chuan nu ropui neih kan chak thin. Kan nute hi nu 

naran niin kan ngai thin em? Tunge narana tunge ropui tih hi kan

30 


chhut chiang ngai meuh em aw? 

Khawvel thlirna atang chuan mi hausa leh lehkhathiam, thiltithei 

tak nu neih chu chakawmin a lang. Hetiang dinhmuna ding nute 

hian an fate tan hun pein kawm hlimna leh tawngtaina an neihsak 

hman em? A nei theite chu an fakawm a, a tam zawk erawh chuan 

an neih a rinawm loh. Chutiang nu chu mi ropui a ni thei, mahse nu 

ropui zawng a tih theih hauh lovang. 

He khawvel thlirna atang pawha mi naran ve tak nu nei tam tak 

kan awm ang. Mahse, chu nu ngei chuan hmangaih taka enkawl 

chein, i harsatna a sutkian theih loh pawha a ngaihthlak sak che a, 

nangmah fuih leh mittui nena i tana Lalpa hmaa a kun a, a tawngtai 

sak che chuan, a aia nu ropui i tan he khawvelah an awm lo. 

Ka nu hi engtik lai pawhin ka tan a ka awm reng a. Ka thian tha 

ber a ni a. Ka tana a tih hi sawi sen a ni lo. Ka lungngaih leh lawm 

lai ber pawha ka pan thin a ni. Zirna ka tan tirhin mi thutpuiin min 

zirtir a, min zirtir theih loh hnuah pawh min tawngtai sak reng a. Ka 

nun kawng hrang hrangah thutlukna siam ngai se, amah ka rawn a, 

thu tha tak tak min rawn thin. Ka exam dawn apiangin min tawngtai 

sak a, phaia ka zir pawhin phone-ah min tawngtai sak kher loh chuan 

exam ka huphurh thin. Natna khum atanga min tawngtai sakna ri 

phei chu ka tan a hlu zual a ni. Amah bakah ka piin min tawngtai 

sak reng bawk. Ka nu leh ka pite hi thiamna sang nei an ni lo a, 

khawvel hausakna chhuan tur an nei hek lo, mi ngaihah pawh mi 

naran ve tak an ni. Mahse ka tan chuan Nu Ropui berte an ni. 

Tunah hian keimahni min dampuitu NU kan la neih chuan i 

lawm ang u. Eng ang mi pawh niin, eng kum zata upa pawh nise, 

min hmangaihtu te rul seng dawn lo mah ila, an dam lai ngei hian an 

tan hmangaihna i lan thar tir leh theuh ang u. 

“Nu, min hmangaihnate rul seng lo che mah ila, 

Pathianin a rul ang che. Ka hmangaih che. 

Engkim avangin ka lawm e.” 

NANGNI LEH KEINI 

** Pathian hruainain kum chanve kan lo hmang zo ve leh ta reng 

mai, Pastor Bial hrang hrangte’n MBKHP atanga tih tur kan 

neih ang angte a hma lama tih theuh tum ila, pawisa theh luh 

turte pawh a hma lam zela chhun luh i tum ang u. 

** Dec. 11-13, 2009 hian IBWU (Indian Baptist Women’s Union) 

Golden Jubilee, Dimapur (Nagaland)-ah neih a ni dawn a, 

MBKHP atangin kal tura inbuatsaih mek a ni.


Profile 

Profile 

1. Hmeichhe Upa Profile 

1. Hming : Upa P.Lianngengi 

2. Pa hming : Liansanga (L) 

3. Pasal hming : Rev. KD Siamliana 

4. Pian kum : 15.12.1944 

5. Pianna khua : Thiltlang 

6. Tuna awmna : Saron veng, Aizawl 

7. Fa neih zat : 5 (Hmeichhia- 2, Mipa- 3) 

8. Kohhran : BCM Saron, Aizawl ‘E’ Bial 

9. Rawngbawltu nih kum : 1986 

Thlanna hmun : BCM Electric, Aizawl 

10. Upa nih kum : 2000 

Thlanna hmun : BCM Electric, Aizawl 

11. Edn. Qualification : B.A., B.R.E. 

12. B.R.E. zir chhuah kum : 1974 

Zirna hmun : YEAVATMAL 

13. Hnathawh mek : Headmistress, KD Elementary 

School, Aizawl. 

14. Hnathawh tawh: 

1) Missionary in Bhutan 

2) Promotional Officer, The Leprosy Mission 

15. Kohhrana nihna chelh mek: 

1) Treasurer, BCM Saron 

2) President Aizawl ‘E’ Bial BKHP 

3) Adviser, BKHP, BCM Saron 

4) Committee member Sunday School Aizawl E Bial 

5) Vice Chairman, Aizawl City BKHP Co-ordination Comtt. 

6) Treasurer, The Leprosy Mission Aizawl 

7) Sunday Sikul Zirtirtu, Baptisma Pawl, BCM Saron 

16. Kohhrana nihna chelh tawhte: 

1) Treasurer, BCM Saron 2) President, Bial BKHP 

3) President, BKHP BCM Saron 4) Adviser TKP, BCM Saron 

5) Executive Comtt. Member, Aizawl E Bial 

6) Treasurer, M&E Aizawl E Bial 

7) Sunday Sikul Comtt. Member, Aizawl E Bial 

8) President BKHP Aizawl N Bial 

9) Vice President BKHP Aizawl N Bial 

10) Superintendent KNP BCM Electric 

11) Chairman Aizawl City BKHP Co-ordination Committee 

12) BCM Missionary TLM Bhutan 

13) Promotional Officer, TLM Mizoram, NEI 

14) BCM Planning Commission member BCM, Serkawn 

15) FOD BCM Comtt. member BCM, Serkawn 

16) Sunday Sikul Zirtirtu BCM, Electric 

17) Adviser, BMP BCM, Electric 

18) Adviser, TKP, BCM Electric 

19) Treasurer, BCM, Electric 

20) President BKHP, BCM Electric 

17. Khawtlanga nihna chelh mekte:

32 


1) MHIP- Sr. Adviser, Saron Branch 

2) VEC- Village Education Committee member, Saron 

3) Wisdom- Women’s Institute for Social Development, Mizoram, Committee 

Member. 

4) MAURI- Missionary Agency for Understanding, References and 

Intersession, Committee member. 

5) MEMSTA- Mizoram English Medium School Teacher’s Association 

Executive member. 

6) MEMSOT- Mizoram English Medium School Owner’s Trust, Committee 

member. 

7) ATTWI- Association of Theologically Trained Women of India, Mizoram 

Branch, Committee member. 

8) VHSC- Village Health Sanitation Committee member. 

18. Khawtlanga nihna chelh tawhte: 

1) MHIP- Mizoram Hmeichhe Insuihkhawm Pawl, Sr. Adviser, Saron Branch. 

2) YWCA- Young Women Christian Association Comtt. member. 

3) MTA- Mizoram Theological Association Comtt. member. 

4) MSWC- Mizoram State Women Commission member. 

5) TLM- The Leprosy Mission, Ladies Wing, Gen. Secretary. 

6) MEMSOT- Mizoram English Medium School Owner’s Trust, Committee 

member. 

7) VEC- Village Education Committee member 

8) ATTWI- Association of Theologically Trained Women of India, President, 

Vice President, Treasurer. 

9) MEMSTA- Mizoram English Medium School Teacher’s Association 

Executive member. 

10) VHSC- Village Health Sanitation Committee member. 

Upa P.Lianngengi hi BA a pass hnuah BRE (Bachelor of Religious Education) 

a zir leh a, kum 1974-ah pass-in, Mizo hmeichhe BRE hmasa ber a ni. 

1975-ah BCM tirhin Bhutan ramah an nupain an kal a, The Leprosy Mission-ah 

hian kum 1975-2007 thleng thawkin Promotional Officer niin a pension ta a ni. 

Lehkhabu 14 ziakin a published tawh a, Seminar Paper hrang hrangte a ziak 

thin a, khawtlangah leh Kohhranah a hun a hmang khatin tunah hian KD Elementary 

School-ah Headmisstress hna a chelh mek. 

2. Hmeichhe Rawngbawltu Profile 

1. Hming : PS Sawmliani 

2. Pa hming : PS Hrangmawia 

3. Pasal hming : K.Hmingliana 

4. Pian kum : 1956 

5. Pianna khua : Mualcheng S 

6. Tuna awmna : Sairep 

7. Fa neih zat : 5 (Hmeichhia- 1, Mipa- 3) 

8. Kohhran : BCM Sairep 

9. Bial : Zobawk 

10. Rawngbawltu nih kum : 1993 

11. Thlanna hmun : Sairep 

12. Edn. Qualification : Class III 

13. Hnathawh mek : Lo neih 

14. Kohhrana nihna chelh mek : Treasurer 

15. Kohhrana nihna chelh tawhte: 

Finance, Treasurer (BCM), Asst. Secretary, Treasurer, Fin. Secretary BKHP 

16. Khawtlanga nihna chelh tawhte: 

President & Secretary MHIP


A man : Kum khatah Rs. 45.00 

Bu khat man Rs. 4.00 

To, 

Loisi 

_____________________________________ 

_____________________________________ 

_____________________________________ 

Loisi Chanchinbu la thar duhte chuan, 

Cir. Manager hnenah hriattir tur a ni. 

Published and Edited by Zos^ngi on behalf of the 

Mizoram Baptist Kohhran Hmeichhe P^wl 

and Printed at the Bethel Computer Centre, 

Venglai, Lunglei, Mizoram. 8,450 Copies

Loisi August 2009 - Baptist Church of Mizoram

You also want an ePaper? Increase the reach of your titles

Delete template?

Save as template?