ERLISIONEA: - Euskaltzaindia

Beste haur bat ere sortu zen ordea Zaroko Iturbidean, 1841-eko
abenduaren 22an, bere buraso Dominique Arbelbide eta Jeanne
Etcheverryk, Pierre Arbelbide izendatuko zutena herriko etxean, nahiz
gero etxekoek eta auzokoek Janpiarre Arbelbide Ithurbideko apeza
deituko duten.
JAN PIARRE ARBELBIDE kalonjea (1841-1905)
1867an apeztu orduko, urte bat egin zuen lehenik Janpiarrek,
Milafrangan, bikario gisa, gero 1868-an, kargu berarekin,
Hazparnera etorri zen, baina 1871-an berak ardietsi zuen
Hazparneko Misionesten etxean sartzea eta geroztik, haren osaba
Martin Etxeberri erretore zenaren ondotik, Hazparneko Garat
Pikasarri eta Deyheralde Xapital hazpandar bi apezek sortu etxe
horretatik abiatuz, izigarriko lanak erabili zituen XIX. mendeko
azken 30 urteetan, bere ahalak oro – ez zirenak gutiak – ezarriz
Herriaren eta Elizaren zerbitzuko.
Berak dioenaz, ohartu zen laster Euskal Herriko mutil gazte askok
entzuten zuela fraidegoko deia, baina ez zekiela nongo fraidetegira
joan. Horrela asmatu zuen haientzat fraidetegi bat Euskal Herrian eraikitzea.
Eta beraz, Hazparneko bi misionest lagun aita Bastres eta aita
Dupérou, “La-Pierre-qui-Vire” Frantzia behereko beneditarretara joan
zirelarik , Arbelbidek eta Cyprien Caillava bastidar apezgaiak erosi
zituzten, 1872an, Ahurti eta Bardotzeko mugetan, Beloke eta Poxeluko
funtsak eta bizpahiru urteen buruko Beloken ireki zen horrela, aita
Bastres lehen buruzagi zuela Belokeko beneditarren komentua.
Handik laster ordea, 1880ean, beste ontasun eder bat eskuratu zuen
aita Arbelbidek , hots, Maule Agerreko jauregia bere 80 eta zenbait
hektarea lurrekin, funts horiek oro erosi zizkiolarik Madalena
Angelina d’Arthez Mauleko andereari, 70 000 liberetan. Ohartua
baitzen ordukotz gure apeza, bazirela Frantzian indar politikoen
artean talde zenbait elizaren eskolak begietan zeuzkatenak Agerreko
etxaldea eskaini zion, alokairutan, bere jabe berriak “Jean Baptiste La