Jaso - Eibarko euskara

Eibarko euskeriaren unidade didaktikua
UNIDADE DIDAKTIKUA ZELAN ERABILLI
Unidadia zazpi ataletan banandu dogu, eta bertako ikasgaixak errazenetatik gatxenetara
ordenau doguz; horregaittik ez da derrrigorrezkua dan-dana ikastia. Ikasliaren maillaren arabera,
gai batzuk bestiak baiño gehixago landu biharko dira. Dana dala, guk hemen prozesu osua markau
dogu, ikasliari gauzak erraztiarren, baiña euskaltegi batian praktikau ezian, nahiko teorikua
gelditzen da. Euskaltegixan, hónek ikasgaixok sakonago aztertuko dira eta eibarreraz berbetan
soltatzeko be askoz aukera haundixagua izango dau.
Kontzeptu barri guztietan ariketak jarri doguz, baitta erantzunak be azken orrixotan. Dana dala,
tauletako hutsuniak osatzen laguntzeko bibliografixako liburuetara jo leike.
Gai guztietan bi hiztegi sartu doguz, bata hiztegi orokorra edo oiñarrizkua da, egunero gehixen
darabiguna eta bestia, espezifikuagua, lantzen dihardugun gaixakin zerikusixa daukana. Gauza
berbera esan geinke esamoldien gaiñian. Hiztegixa eta esamoldiak ez dagoz zailtasunaren arabera
sailkatuta.
Irakurgaixeri dagokixenez gaixaren inguruko informaziñua sartu nahi izan dogu. Revista
Eibarren edo ...eta kitto!-n azaltzen ziran moduan idatzi doguz. Revista Eibarreko artikuluetan
grafiari erreparau biharko detsagu ( h-ari batez be ). Artikulo gehixenak Don Pedro Zelaiak idazten
zittuan, eta askotan batua egitteko (bai aditza bai hiztegixa) joeria zekan; beraz badago zer landu
Eibar aldizkariko artikukoetan. ...eta kitto!-ko artikulo gehixenak eibarreraz idatzitta dagoz eta
moldatzeko ezer gitxi izango dogu, beraz informaziñua jasotzeko eta eztabaidarako erabilliko
doguz. Irakurgai gehixago eta testu motz eta bizixak ataletako testuetan eibarreraren formarik
oiñarrizkuenak negritaz jarri doguz, errazago ezagutziarren. Leheneguan, zeiñ ikasgairi dagokixon
be markau dogu, materixal gehixago eukitziarren. Bigarrena (testu motz eta bizixak) txistiekiñ eta
istorio xelebriekiñ osatuta dago, eta berbetarako eta hittanua lantzeko oso egokixa da.
Ikasgaixen amaieran hiztegi espezifikua dator. Hori hiztegixori erabiltzeko atxakixa izan leike
antxiñako Eibar eta gaur egunekuaren arteko konparaziñua egittia gai guztietan. Unidadeko testu
guztiak antxiñakuak diranez konparaketia erraza da.
Unidade hau ikusentzunekuakiñ osatzen da. Bertan, ikasliak eibarrera jatorra zelakua dan
entzun ahal izango dau, baitta bertako entonaziñua be.
9