Trata Uluk Lisen- sa LAI! - Ministério da Justiça de Timor-Leste

• Lisensa harii konstrusaun ne’e hanesan dokumentu
ida ne’ebé aprova ita boot nia konstrusaun.
• Ita boot nia konstrusaun ka uma sei hetan lisensa
bainhira kumpri regulamentus báziku kona-ba
harii konstrusaun nian mai husi Ministériu das
Obras Públicas.
• Lisensa harii konstrusaun ne’e garantia katak ita
boot nia konstrusaun seguru ba ita boot rasik
no ba ita boot nia komunidade no meiu
ambiente iha ita boot nia hela fatin.
*ITA BOOT TENKE HETAN LISENSA MOLOK
ATU HARII KONSTRUSAUN RUMA!
Ita boot persiza hetan lisensa tanba:
• Ministériu das Obras Públicas tenke revista ita
boot nia projetu no mos atu buka hatene katak ita
boot kumpri regulamentu harii konstrusaun nian.
• Ministériu das Obras Públicas buka hatene
loloos katak ita nia konstrusaun hamriik iha rai regularizadu
nia leten.
• Ita boot, no Ministériu das Obras Públicas, tenke
buka hatene loloos katak ita boot nia uma hamriik ho
estrutura seguru, metin, no di’ak.
• Sei ita latuir regulamentus hirak ne’e no harii
konstrusaun la iha lisensa, ita boot sei hetan KASTI-
GU tuir lei.
* SEI ITA BOOT LATUIR REGULAMENTUS HIRAK
NE’E NO LAHUSU LISENSA, ITA BOOT AMEASA
DADAUN SIGURANSA NO SAUDE BA ITA BOOT NIA
AN RASIK, FAMÍLIA NO KOMUNIDADE!
Atu hetan lisensa ita boot tenke:
1. Ba iha Departementu Construsaun no Planeamentu
Urbana iha Ministériu das Obras Públicas no
husu:
• Formuláriu aplikasaun
• Informasaun kona-ba regulamentu harii konstrusaun
nian
2. Priense ka hatán perguntas hotu ne’ebé husu iha
formuláriu ne’e.
3. Hein Departemetu Konstrusaun no Planeamentu
Urbana atu aprova ita boot nia projetu no hasai lisensa.
Sira sei hasai lisensa iha loron 45 nia laran ka bele
menus.
Se ita boot LA-hetan lisensa,
ita boot TENKE:
1. HAPARA konstrusaun.
2. Ba iha Departementu Konstrusaun no Planeamentu
Urbana iha Ministériu das Obras Públicas atu husu
lisensa harii konstrusaun nian.
3. Sei karik Komisaun ba Konstrola Konstrusaun
(CCC) haruka karta notifikasaun katak ita boot harii
uma ilegalmente, tenke para no aplika dadaun ba!
*KONSTRUSAUN NE’EBÉ HALO LAHETAN ULUK
LISENSA SEI KONSIDERA HANESAN
KONSTRUSAUN ILEGÁL!
Komisaun ba Kontrola Konstrusaun (CCC) ne’e
komisaun inter-ministerial foun ida atu kontrola
konstrusaun ilegais. CCC ne’e sei identifika konstrusaun
sira ne’ebé laiha lisensa no obriga sira atu
kumpri regulamentus national kona-ba harii konstrusaun
no tenke hetan lisensa. CCC ne’e bele fo kastigu
bainhira ita boot harii konstrusaun lahusu lisensa
uluk.
*CCC NE’E HAKARAK KRIA AMBIENTE NE’E-
BÉ SAUDABEL, ORGANIZADU NO SEGURU IHA
TIMOR-LESTE!
Bainhira ita boot halo konstrusaun ruma lahusu
lisensa:
1. Uluk liu, CCC sei fo informasaun ba ita boot.
CCC sei fo loron 8 atu aplika husu lisensa.
2. Se karik ita boot la aplika, ita sei hetan multa.
3. Se ita boot kontinua halo konstrusaun illegalmente,
ita nia konstrusaun autoridade sira sei sobu!
LABELE BUKA MORAS…HARII UMA HALO
DIDI’AK BA!
HUSU LISENSA HARII UMA NIAN,
AGORA!
* SO BAINHIRA ITA BOOT HETAN LISENSA ONA MAKA BELE HAHÚ KONSTRUSAUN RUMA!

Prontu atu hetan lisensa harii uma
nian!
Dokumentus ne’ebé ita boot tenke presenta
hamutuk ho formuláriu aplikasaun nian maka:
1. Sertifikadu na’in ba rai, ne’ebé DNTP
(Direcção Nacional de Terras e Propiedades)
aprova tiha.
2. Fatin, arkitektur no dezenñu.
3. Deskrisaun kona-ba bee matan
4. Dezeñu strutura no kalkulasaun
5. Dezeñu ilétriku no mekaniku
6. Spesifikasaun kona-ba material atu uza
7. Deskrisaun kona-ba impaktu sosial no
ambiente ne’ebé karik bele mosu.
8. Karta husi Chefe Suco katak nia laiha duvidas.
Atu hatene kona-ba rekerimentus seluk tan, bele
ba iha Departementu Konstrusaun no Planeamentu
Urbana.
.
Bainhira presiza asistensia ka informasaun
seluk tan bele bá iha:
Eng. Flavio Ximénes, Eng. José Fontes,
Arq. Simao Bere.
Direcção de Edificações e Planeamento Urbano
Ministério das Obras Públicas
Avenida Presidente Nicolau Lobato ( Rua Martires
da Patria)
Dili, Timor-Leste
Ts: 331 0322 / 331 0121
Trata Uluk Lisensa
LAI!
DALAN ATU HETAN LISENSA
KONSTRUSAUN