YAMNIN KULNIN LANI BALNA BAH AWI KAKAU DAWI PAN KARAK ...

Yamnin kulnin lani balna bah awi Kakau dawi pan karak tingta yamwi yakat adik pruyicto bikisni balna yakat 

I.- TUNA BAHWA 

Nining launa as ki panmak dahyak balna yak kaput bik Indian balna, sulani balna ukasangpas 

kau tingta yamwa balna dawi muih Sasani balna bik adi sau sahyakna dibin R.A.A.N Nicaragua 

yakat.Ta walwi laihwi dulauhwi yaknin adik muih balna minikna kunni yakaupak indian pani 

balna, tutuk balna dawak bik muih sasani sulani balna yak bik, bitik kalpakwi baraknin tani 

kat duwi kiunin kakau mak yak nin dawi bakan pani balna yak R.A.A.N,sau rihtsni balna kidi 

yaksin karak apakwi tingta yamwi kiunin kaput bik la as awi pan mak balna kidi bakan nin 

yulni. 

Kal uduhna tuna duwa kapat indian dawi sulani uk balnakarak panmak dahwi pâ balna 

mahni yak America sauni pasyak (ACICAFOC)kaput bik kal uduhna akalahna kulni yaksihni 

karak sau sah yakna sinka pasyak adik kakau dahyang balna karak(RCPC) adik kal 

uduhna kidi kakau dahyang balna yuyulna munah kal pakwi tingta yamwi kiunin amirica 

sauni pas akat bakan nin panai balna bik, kaput laih barakni lani balna kidi baisa parasni 

kalwi kiwarangki, tingta baik baisa yaksihni yamnin; sulana balna baisa minikna kunni 

balna yakbik kulnin as lah duwi tanit daknin tanit kiunin bakanin pani yakat kaput laih 

baisa amang lawi uina karangnki,kuput laih muih balna kidi baisa tingta kidi parasni kau 

yamna karang ki pan mak balna kidi tanit kat minik yakwi kiuna karang yakat laih tak 

bakannin pani balna baisa sau nunuhni yakat tsni yakna karang. Kaput bik baisa dutni 

ni balna bangki kal uduhna pas yakat kasuk ninin lauwas yulni bik ais yamna balna kidi 

uduhwi yakwi isning na pakwa ta yakat duwi kiunin yulni kat kakau satni bu as kidi 

diswi kiwi bang amput kidi balna kidi nining launin yulni. 

Kuput bang aput kulnin lani yulna sak ki adik sah yakna yakat: 

• Dahnin pani manah Tausin as(1000) karak panmak balna dahna karang ki minik 

yaknin yulnin Nikarakua sasuni akat. 

• Sinsni lani satni balna walwi talwi kat Kakau mak balna kidi bakan nin pâni balna 

yaknin ki, dahyang balna kidi mahni kat dawi kaput bik yamni apakwi tingtâ yamnin 

ki sau kapat, asang pas yak bik 

• Parasni yamwi duwi kiunin ki Amerika pas akat Kakau dahyang balna karak.(RCPC) 

• Lakwi talwi tanit yak duwi kiwi kaput bik ais kat yamna kidi bik amanglana karang. 

1


2 

Adik balna karak sahyakna balna tunan kau bangkidi karak niningna lauwi adik panmak dahyangnabalna 

karak kaput laih amang lawi sipkarangki baisa parasni tingta yamwi uiwarang baraknin tani 

yak dawak bik bakan nin tani yak bik. 

Lalah awi tingta yawa kidi kulnin lalni nuh ni kidi laih sahyakna nuhni as(1) adik pruyicto tunanba 

kidi ki: i)Ais yamnin balna kidi laihwi talwi rawas yakwi tingta yamni karangki sauni 

kidi dahyang baisa minikna kun balna karak kal pakwi ma niking lauwak ii)yamak balna kidi 

kakau dawi pan balna karak bahawi dahwi kiunin tingta yamwa pani balna yakt,iii)dahyang 

balna baisa minikna kungni nining lauwi baisa minik balna kidi mahni yaknin yulni,iv) adik 

muihni balna yakat di di dibinina diyanin ki kulnin na dulaunin yulni alasni diyamnin yulni. 

II.- KULNIN LANI LAIH YAMNIN TANI YAKN 

Tingta yamnin balna kidi laihwi yamnin yulni di yulnin ki muih balna yakat Yamnin kulnin 

lani balna bah awi Kakau dawi pan karak tingta yamwi yakat adik pruyicto bikisni 

balna yakat adik pruyictu pa balna karak tingta yamwa balna kidi ram yakat daukana 

diskarak sau dawi asang yakat bik kakau dahnin yakat Banco mundial yulwa munah. 

III.- AIS KULWI YAMNA SAK YAKT AM- 

PUT WAUHWI DUWI KIUNIN YAH PAN 

MAK BALNA KIDI BAHAWI PAN KARAK 

DAHWI KIUNIN KIDI 

Amput wauhwi duwi kiunin yah pan mak balna kidi bahawi pan karak dahwi kiunin 

kidi (MIC) adik yulnin kulwa kalaih yamnin balna mahni sak ki kakau yamak as yakat 

as kidi : dinit lanin ki,kakau pana balna yak lakwi talnin ki dau kalna dispa, amangni 

lanin ki ais satni yak kakau ni kidi, minik balna kidi yaksihni atnin ki yamah diskarak kaput 

laih yamni baraknin yulni , kalaih tak baisa minik mahni yakna karang ki sinsni lani 

balna karak bahawi nining lauwi duwi kiunin ki. 


Asang pas daukaldas yamni apakwinah kidik balna kidi sinsni lani balna kidi duwi kiunin, kaput bik 

amang lanin ki asang pas yak di muih satni bang kidi biri biri tanit na kakawi papatni atnin yulni. 

Adik sumalwarang munah baisa parasni duduna karakng ki kulnin na yakat adik tingta yayamwa 

balna kalpakwi kat diwas ni buswa balna kidi yamadangni palni muih masang Kika yakat , 

dawak kaput bik, asang sangni yamni pasya kat di bitik imukwi sauni bik parasni dis watwi. 

Amang lanin ki (asang pas yak dimuih satni bang kidi buhas kidi yayamni bang ki dawak bik 

uk balna kidi dudutni bang ki kaput laih biri biri ninin lauwi ) kaput laih baisa bik sip diwasni 

buswa puisin duwa kidi baisa bik sau yakat utuhdas karang ki. 

Didahnin kidiki daukal das ting ta yamda kat baisa ma niking llauna as ki yamak yamwa 

balna yakat adik nining Lauwi asng pas kidi baisa barakwi kiwarang ki kaput bik asang 

pas sangni yamni kidi apakwi tanit yak kiuna karangki , adik mamuihki nuhni yak bik mai 

dulauwi Nicaragua yak yalahwa muihni balna bitik kidi baisa apakwi tingta yamwi uina 

karang. 

VI.- WATWI LAKWI LAIHWI TALWI 

Adik sumalna munah UEP muini balna kidi lakwi talna karang ki pa bini yakat yamak balna 

yakat di muih balna amput dutni yayampa, ais kau nining yak kalbaunin sip pa,kaput 

dauh kauh buk warang adik yamak dau kalwa kidi. 

Kakau warni yamwa muihni balna karak kalpakwi UEP laihwi tatalna karang ki ting ta 

yamnin satni balna yamwi aina kidi, adik kaupak ampat daih minit bik talna karang ki , ais 

satni wirihwi kaina kidi, di muihbalna dutni yamwa yakat pan mag dawi pan karak bahawi 

dahwa kidi kaput pan satni uk duiwi dadahna kidi adik pruyicto munah. 

Yamak balna yakat sau yakat parasni kalanin kidi sika kalanin kidi dibasta pan yukurni uduhdak 

sau kalwa yakaupak duwi uhnin ki kakau panan sarang yakat kat baisa kau tanit yak 

daknin ki sau ,was binina yak dau kalwas yak. Adik pruyictu kidi palni ki yamwi kiuni kulwa kidi 

adik di bubuh kaupak yamnin ki ankat dahda pani balna yakat. 

15


14 

V.- SINSNI LANI TUHNI YAK WAL WI TING- 

TA YAMWI KIUNIN YULNI 

Kulnin lana nuhni karak walwi duwi kiunin adik kakau pruyictu baisa yaksin minik yakwi 

kiuni yulni, kaput bik sau ritsni balna kidi apakwi yamwi kiunin, kaput bik didahnin balna 

kidi bahawi tingta yamini. 


Amput wauhwi duwi kiunin yah pan mak balna kidi bahawi pan karak dahwi kiunin kidi, kuldi 

dakadarang kat talna yakna wisamni as kapat ki dahnin pani balna yakat , kat tinga yamnin 

satni balna kidi mahni kau awi kiwi as kidi minik wal yaknin, sauni kidi 

lakwi talnin, talnini ki di muih dutni satni dispa sauni yakat adik bitik kidi 

kaput pas yak kawi yamnin balna yakat. 

Andik dahnin pani balna yakat Amput wauhwi duwi kiunin yah 

pan mak balna kidi bahawi pan karak dahwi kiunin kidi ninin 

lauwi kulnin na lani yakat satuk kauh wirihwi adik muini balna 

yakat sinsni lani yakat baisa bik duwi uiwarangki, dï wasni 

dutni satni sau yakat buswi parasni iwi kawa balna satni 

dawi uiwarang kat ma sangkika yakat yamadangni ni 

as ki, kaput bik yamahni satni karatwa balna dï 

muih bikisni kaupat kalatwa balna kidi kaput laih 

laiwi tadi munwi talwi amang lalana karang 

adik karak witin waihni la balna kidi, kaput 

bik nining lauwarangki, dinit bik bauwi 

dunin ki kakau yamak balna kidi di 

basta bik yamwi nining lauwi kiunin 

karangki. 

Muih al kidi kulnin lani talwa 

munah yalahwa satni mahni 

bang kapat, di sangni 

ka duawa kidi mahni 

tang pakna duwi biri 

biri niningna lalauwi, 

kidi tunan ba karak 

tanit yak amang lawi 

kiunin. Adik sinsni 

lani munah wais balna 

pamanili balna kidi 

ram yakat yamwi duwi 

wawatwarang kat minit 

dawi minik bik yayakna 

karangki, kaput laih ting 

ta bik tanit yak duwi uina 

karangki. 

3


4 

IV.- YAMNIN KULNIN LANI BALNA BAH AWI 

KAKAU DAWI PAN KARAK TINGTA YAMWA 

YAKAT ADIKA 

TUNA APAHWA YAKAT PAN MAG KIDI SAU 

YAKAT RAWAK UHUSWA KIDI 

4.1 . kakau mag yayamni kau duwi dahwarangkidi 

Kakau yamak as dahnin karang kat duyawanan kidi amang lanamki andi baisa yaksihni 

kidi sau sah yakna pas yak baisa dadahwa kidi kus sauni makilwa saitni yakat kaput 

bik Nicaragua sauni sah yakna uk yakat bik kakau dahyang balna karak. Kaput bik adik 

pani kaupak manah laih sip karangki kakau sulani u tapan balna kididuawi dahnin 

kat adik pani yakat kakau satni mahni kau dahwi lakwi laihwi tatalwi andik kakauni 

baisa yamni kidi kaput dawi muih balana yakat diyawi kidi laih Recreo INTA kamanah 

bik awas ki pa ukbik bang ki centramerica; kaput laih amangni lalawi yamahni as 

(monilia) satni balna yak bik kal baunin sipki kakau basni yak dawi minik yak bik. 

4.2. Kakau mag rawi yamni yaknin kidi 

Pan amg balna kidi rawi dawak yamni barak nin kat plastik kau duwi dahnin karang 

ki nuhnini kidi laih 6x8 ins duwa atnin ki, kakau mag rawa pani kau pak waiku 3 kidi 

awas kat 4 maintalwak bang atnin ki, kat kakauni kidi tapan birnin karang kat baisa 

waiku mahni bang atnin ki 6 dawi 8 kaput karang kat plastik kidi kau anin karangki 

nunhnini kidi 8x12 ins. Bais nuhni kulni laih kakau uhusna balna kidi tanit kau dahnin 

karang ki baisa rikni kidi plastic kaupak alwi kalahwas kat, kaput bik sip yuldaski rikni 

balna kidi dakna atnin, kat dakwarang kat yakau pak mahka yamahni laihna karang ki. 

Kakau pana balna kidi dauh yamahni balna laihwi adi kapat fusarium(Fusarumsp) 

waslalah muini balna amangni lalana kat R.A.A.N, kaput bik diwasni daihni kau buswi 

utuhwi kat kidi yamahni kidi disnin yulni fusarium, nawatwak kakau mag rarana yakat 

laih witing alas yayamwa dai amput dawi kidi yamahni kidi laihnin awas yulni di basta, 

pan yukurni daukalna balna sauni kau duwi ting ta yayamna dai. 


13


12 

4.12. Apaknin 

Kakau kidi lani as tus yakat yaksihni yamnin yulni kaput laih minik balna kidi pini dau kalwas karang 

ki apakni mani kat, uni bik witing kat manah punin ki di wirihnin awas ki kat kakau minit 

dauh isi palni di wayani balna kidi diwi u laihwi, lakda pani kidi bik malauih atnin ki wing kidi 

yamni laihnin yulni adik praisni kat atnin ki 70 % adik dinit yakauh atnin ki. 

Tabla 4: Control de plagas en cacao en la etapa de producción. 


Rabutna 1: Di wasni balna kau sipkidi kidi yamahni yakat busnin: 

Baisa yamni karang ki sauni kidi ankat dahnin pani kidi plastik sani as kau minit yak ripak 

dak ma daihni buswak babil satni balna kidi dadauwi awar 24 ma bu kat yak nin ki , 

kidi usnit dawak sauni kidi sanni kal dawakat plastik yak punin ki. 

5


6 

Rabutna 2: Kakau mag rana kat uhuswa bang yak di muih balna dutni yamwa 

ram kat tanit dakninki. 


4.9. Sau sah da kwas kirinin. 

Adik kulnin lani laih wasmak kalahnin awas yulni, dawi sauni sahna kidi awaihwi wirwi 

sah lakna atnin ki kat sauni kidi suhwi kalahnin awas yulni . sauni kurnin kidi pini bik 

kurnin awas ki kat talnin ais satni sauni yah, kaput bik asangni kidi talnin ki kasakni pa 

kidi karak yamnin ki. 

4.10. Minik yakwa yak. 

Kuldi taldarang kat minik balna kidi dakdi yakda mani kidi yamni dakyakni ki minik lalahna 

manh waldi kasuk daknin kaput dudutni balna kidi bik sait as lanin, kat adik maniking 

lauwarang ki yamah satni balna kidi tanit yak duwi kiwas karang ki adik yani mak yakat. 

4.11. Kakau kidi maniking lauwi. 

Kakau minik kidi buhni yamna karangki adik kat 7% kaput bik minik daukalna balna kidi yakmuk 

nin ki , dawi pahas kau yamni anin ki suihnin was yulni kat sui warang kat daukal warang 

ki, puput ni laihwarang ki yakat laih dauh dau kalna karang ki , kapat dana kat bik pini diwasni 

puisin buswa balna kidi utuhnin awas ki kat kakau minik kidi diwarang ki. 

Yulni balna yulwa yakat yamnin ki adik minik balna buhni mani balna yakt. 

11


10 

MINIK YAK MANI BALNA 

4.8. Tingni dakwi yamni maintalnin. 

Mani balna kat yamnin balna kidi yamda kat dibik kau tanit dakna karang ki, kakau 

tingni daknin balna isparah kidi yamni klin,kasut daknin,dakna balna yakat sika utuhnin 

kat yamah dutni laihnin awas yulni. 

Adik yamda bitik kidi kakau panan yakat ninin laudi kat tingni dutni balna , wah bikisni 

birna urum kidi bitik yakmuk di kat yakaupak siknis balna kidi dilaihwi. 


BARAK YAKAT 

4.3. Panan balna kidi dahnin yak 

Dahnin pani kidi ridi munnin kidi kasut maintal dak dibasta balna kidi bitik dau kalwak kat sauh 

kidi yakaupak parasni duwarangki dibasta bauwi lakna yakaupak. Kuput bik minit as bik asang pas 

buhlana sak kidi busnin awas ki ridi munna sak kat. 

Kaladakat panyukurni dibasta dau kalna kidi sau yakat duna kat dawi kal karak. Kaput bik pani 

balna kidi kurnin ki ankat dahnin yakat baisa waiku 4 arungka tanit yakau yamnin ki 40x40x40 

cintamita(cm) kidi pani balna kidi yakat uhwi anin ki paun 5 kapat sau parasni kidi. 

Laihwi yamnin balna kidi sau yakat baisa apakwi kiunin was yak bik, dahnin yakat sibarwi bas nunin, 

awaiwi dahnin (kawai duwi kiunin) kaput bik sauni yakat sahwi u daklakwi dahnin kiunin aslah 

aslah asang pas sanni pas yakat dunin ki adika ninin lauwa sau kidi suhini dunin yulni, kaput bik 

irnin awas yulni baisa kidi laih asang kat. 

4.4. Sau parasni kidi duwi kiunin kidi 

Laihwi yamninki pan balna dahda kidi baisa yamni baraknin kat. Kakau dahna kidi Apis yamah balna 

kidi dilaihnin awas yulni.Baisa sau parasni kidi kasuk ninin laudarang kat pan binina kidi yak sin 

barak warangki,A dik tanik dak na karang ki yamah dutni kalanin was yulni. 

Ukbik sak ki sau yakat parasni kalanin kidi pan mag dahda munah (Enrique,1985;Enriquez,2003),s 

inak nunuhni balna (Cannavalia ensiformes) muih bu has kat dadahwi tutuk kapat yulni kasni bik 

duduwi muih balna kidi awas kat di wail balna(Wood y Burley,1995) 

4.5. Dinit lanin 

Dinit baunin kat dibasta u pan balna kidi wal yakwi daninki kat didamas baisa baraknin awas yulni 

sanni dunin yulni kaput pini bik yamnin awas ki kat dauh kau yamahni kau dilaihnin awas ki, kidi 

awas kat dimuih dudutni balna unina atni bik awaski kaput yami tadi munwi kat danin ki. 

Dinit lanin yakat isparah manh kau bauta man kat among tala wauhnam ki saukau bik karnin awaski 

dawi pan balna yakt bik daknin waski u tusnin kat bik awaski , pan nunuhni sanni duwa balna bik 

kasut danin ki kuput laih didamas bik sau yakat karang ki. 

7


8 

4.6. Kakau minit yak sanni kalanin kidi 

Kakau dahwa kaupat kurih as yakat sanhni kalanin ki kakau yakat waki dawi sinak nunuhni 

(Cajanus cajan) baisa bik sau yakat parasni kalawi. Adik laih minit as manah ki kurih as bas 3bayakwa 

kat dakwi yakninki lakda kat sau yakat parasni dunin yulni. 

Ma sanni kalanin kidi kakau yamak pas yak yamni walyakwi kalanin ki ais panan balna kidi 

sip yah dadakat barakwa kat ma daihni kidi tanit dak nin yulni, kaput bik mani kat dahnin 

ki,naih laihni dahda kidi, tanit kat sanni kidi duwa atnin ki kidi laih 25% dawi 30 % adik 

balna kidi pan mag dahyang balna kidi yamni amaglanin ki. 

Yamak yamna pas yakat pan nunuhni kidi buhas danin ki satni buhas kau kakau dahna 

yani mak yakat .Pan satni 5 kaput ki adik yamak dak lana as pas yakat (mz) adik kulni 

lani laih ma sanni kalanin yulni kakau balna yakt. 

Dahda pani balna yakat yamni lakwi talni yakniki akat pan balna kidi ninih basni sangni 

duwa balna kurih ul yakat kaunah pan nunuh balna dada rang kidi laih adik praisni 

70% (dibin kau) panan balna kidi adik pisni balna duwakat. Adik baisa nuhni ninin 

lauwi di basta balna uhwa yakaupak sau yakat parasni kalawi, kaput bik dibasta bik 

uba uhuswas ki, was lauwak bik barangni barwas ki pan binins yakat u utuhwas ki, 

dawi bik wing bik parasni bauwas ki kaput bik sauni bik irwi uhwas karangki. 


4.7. Tingni balna kidi dakdak yamni baraknin yulni 

Adik kakau panan bin kidi kasuk main taldak tingni dutni balna kidi dak yakwladak baraknin ki 

barangni kaput laih tanit dakdi yamah satni balna kidi laihnin aws yulni. Adik munah laih yaksin 

nuhwi kiwarang ki barangni yamni , baisa bik mabik yamni kawarang ki u buswa rangki , 

adik munah was bang na urumg kidi bik buh lana karang yamah blana sahnin dai kidika alah 

uiwarang ki. Tingni dak yakna man usnit yak sika wasni kau busnin ki ankat isparah kau tusna 

man yakat, Kaput bik isparah , saha, kuhbilpa amang lanam ki ais kau dak nin kidi. 

Rabutna 3: Kakau barakwa bang yakat tanit daknin dimuih balna kidi 

kasninin awas yulni. 

9

YAMNIN KULNIN LANI BALNA BAH AWI KAKAU DAWI PAN KARAK ...

Create successful ePaper yourself

Delete template?

Save as template?