Khawvel Pumpui Tana Tawngtaina - Global Day Of Prayer

Khawvel Pumpui Tana TawngtainaChungnungbera kan Pathian – Pa, Fapa leh Thlarau Thianghlim,Khawvel pumpuia ringtute inlungrualin, vawiinah hian I hming fak leh chawimawi turinkan lo kal e. I khawngaihna Lalthutphah hmaah kan lo kun a, Lei leh Van siamtu i ni tihkan pawm e. Chatuan awm hma atangin i awm tawh a, nangmahah chuan engkim hi kaninzawm vek a ni. Nangmah ang reng an awm lo, i kawng tinrengah i thianghlimin felnaakhat i ni. Lei leh van Lalber i nih avangin i rorelna leh thuhnuaiah kan intulutin kanthinlungah lalber ni turin rilru hmunkhat puin kan tawngtai a, khawvel hriatin nang chukan chawimawi a che.Lalpa Pathian, Nangmah chauh hi fakna leh chawimawina phu chu i ni. Chibai kanbuk a che.Kan Pa, Van ami,Khawvel i hmangaihna nasa tak avanga i Fapa mal neihchhun, Isua Krista chu kan sualteaia thi tura i rawn pek avang leh chumi azarah chuan nangmah nen inremna kan lo neihtheih tak avangin lawmthu kan hrilh a che. Krista kan Chhandamtu chu kan rinna avangaKan Pa tia kan koh theihna kawng min siamsak avangin lawmthu kan hrilh a che. Lalnate, thuneihna te pawhin i Fapa, Isua Kristaa i tarlan i hmangaihna ata hi min then thei lotih kan hria e.I faah te min vuah tak avangin Kan Pa duhtak, lawmthu kan hrilh a che. Tunah hian ifate hian ‘Abba, Ka Pa’ tiin kan ko a che.Lalpa Isu,Nangmah chauh hi lehkhabu zial chu phelh tlak i ni a, talhin i awm tawh a, i thisenin Pahnen kan thlen theih nan min tlan a. Kan Puithiam Lalber niin min tawngtaisak rengavangin lawmthu kan hrilh a che. Tunah hian hnam tin amite, chi tin ami te, tawng tinamite hi i hmaah dingin Kohhran Lu ber chu i ni tih leh lei leh vana thilsiam tinrengchungah hian Lalber i ni tih kan puang e. Hnam tin leh tawng tin atangin i hnung zui turleh i rawngbawl tur hip khawm la. Heng zawng zawngte hi i rochanah lo chang vek rawhse. Ram roreltute pawhin dikna leh felnaa ro an rel theih nan, Leia hnam tin zingah hian iram chu ropui takin lo thleng zel rawh se. Khawvela mi tinte hian i chanchin tha hi lo hriasela, mitin hnenah i malsawmna nun tidanglam theitu chu lo thleng rawh se. Ni chhuahnaatanga a tlakna thlengin i hming chu lo ropui ber rawh se.Isua Krista, Khawvel Chhandamtu chu i ni. Mi zawng zawng chunga Lalber i ni.Khawngaihna leh Ngilneihnaa khat PaPathian,I lakah thilsual kan lo ti ta tih kan pawm a, kan khawvelah hian suahsualna chuan ro a rela ni tih kan hre bawk ani. Kan khawvela dik lohnate, huatna te, thinrimna te leh tharumthawhnate hian kan thinlung a ti lungngai thin a. Kan rama inrahbehna te, thisenchhuahna te leh chi leh kuang inthliarnate avangin i hmaah zakin kan kimki a ni.Pawisawilo thisen chhuahna te, indona leh rawng taka inthahna te, nau tihthlak nasa tak

leh insawisakna te, tualthahna te avangin kan thinlung a rum a ni. Krista chu Lal lehChhandamtua pawm duhlo tam takte avangin kan thinlung hi chhun angin a na a. I hmaakan lo din hian i engah chuan engkim a lang vek a ni tih kan hria e. Mahni hmasialna lehnun duhdahnate avangin chhungkaw tam tak inthen darh leh tikeh sawmin an awm a. Kanduhamna te, hurna leh milem biakna te hian kan nun a tibawlhhlawh zo ta. Chapo- uannaavangin kan Kohhrante pawh an inthen pheng phung ta mai. Heng sualna kan sawi zawngzawng thilah hian i fate kan bang bik lo. I thinlung kan tina a, i hming chu kan timualphothin. Chuvangin i khawngaihna lalthutthleng kan rawn bel a, simna tak tak thinlung puturin min pui la, i khawngaihna kan ngen a che.Zahngaithei Pathian, I khawngaihna kan chungah lo thleng sela, kan sualte minngaidamin kan ram hi tidam leh ang che.Pathian Nung Thlarau,i tel lovin engmah kan ti thei lo tih kan hria e. Pathian Nung, he Pentikos niah hian tisazawng zawng chungah i thlarau rawn leih ang che. I kohhranhote hi Isua Krista ang turinsiamthar leh ang che. Damlote tidam tur leh, saltangte chhuah turte, lungngaite thlamuantur leh hnehchhiaha awmte chhuahtir turin i thiltihtheihna kan ngen a. Hmangaihna neithei turin mipuite thinlung hi ti tuiral ang che. Mahni puala In nei lo leh riltamte, tanpuingai leh thi mekte sawmna ngaithla la, nauhnuchhamte, hmeithaite leh tarte lo kuangkuahang che. I khawngaihna tarlangin kan mamawh min phuhruksak la. Kan khawvel buaitakah hian kawng dik kan hmuh theih nan finna leh thinlung mitvarna min pe ang che.Leilung hausakna i phumte hi hmasawn nan kan hman theih nan min pui la. I hmangaihnachuan min chhungkhat la, khawngaihna min zirtir nawn leh ang che. Kan nun theuh hiThlarau Thianghlim thiltihtheihna chuan min zirtir theuh rawh se.Thlarau Thianghlim, i thlamuanna leh kaihhruaina kan ngai a. Lo kal la, kanthinlung min siamthar sak ang che.Lalpa Isu,I thi-a i thawhleh avang leh Pa in hming zawng zawnga hming chungnung ber chu a pekche avangin sual thuneihna zawng zawng chu i hneh zel dawn. Mitthi khaw kulhkawngkharte chuan i kohhranhote chu an hneh dawn lo tih i puang tawh a. Sualawpbehna atang hian min tifihlim ang che. Pathian tak hriatna daltu leh dodaltu sualinkhuarna hmun leh ngaihtuahna te titlawm la. Thim hnuaia lentir tumtu hmelmaparemruatna chu kan dodal a. Mipuite khuhtu puanzar hi tikiang ang che. Hnamtin hnenahchanchin tha a lo luh theih nan kawngka hawng la, thihna leh nunrawnna tipung theitureng reng tireh ang che. Hnehchhiahtu te, lal hrawt hote titlawm la. I thu hi rinawm takleh hlau lova puang turin huaisenna in min thuam la. Mi bote aiawha i hmaa dinga dilsakduhna thlarau min pe ang che.Pathian chungnung ber, sualna leh Misual lakah chuan min chhandam ang che.Ropuina Lalpa,khawvel hnam tinte zingah inlar la. Thil engkim ka siamthar ang tia i tiam tawh kha hlenang che. Kan ramah te, kan hnam leh chi te zingah i hna chu i thawh zawh theih nan kan

sawmin kan lawm a che. Tunah hian Africa khawmualpui atangte, Middle East ram atangte, America ram chhim leh hmar atangte, Asia khawmualpui atangte, Europe lehAustralia ram atangte, Pacific thliarkar hmun hrang hrang atanga inlungrualin hei hi kansawi ang.Aw, kulh kawngkate u, in lu chung kha chawisang rawh u! Kawngkhar hlun te u inkhai sang rawh u, tichuan Ropuina Lalpa hi a lo lut dawn nia.I thiltihten khawvel a dap lai leh i malsawmna hnamte chunga a lo sur lai hian nang chuan zawng ang chia, ‘Ropuina Lalpa chu tunge ni?’ tia an zawh hunah chuan hetiang hiankan chhang ang.Pathian ropui leh chak tak a ni. Lalpa hminga lo kal chu a eng a thawl e.Tuifinriat chu tuiin a khat angin i ropuizia hriatnain leilung hi tikhat ang che.Thlarau leh Mo chuan hetiang hian sawi rawh se.Amen! Lo kal ta che, Lalpa Isu!