8 Pa: Jubi Evertsz Diálogo Nashonal no ta Karnaval! “Ayera tabata un momento históriko pa enseñansa, kaminda tur e direktivanan di skol, Rema Uní, Sitek i gobièrnu a firma un protokòl, pa Diálogo Nashonal di Enseñansa na Kòrsou”. Ku e sita aki, for di un artíkulo den Extra di ayera, nos ta kuminsá nos kolumna di e siman aki. Por fin a yega asina leu, ku ta ban pone man i pia, na un asuntu, ku pa basta dia, mester a tuma lugá, esta di ban konsipiá nos propio sistema di enseñansa. Den tur pais na mundu un sistema di enseñansa mester ta mará na e komunidat den kual e tin ku funshoná. Na promé lugá e sistema di enseñansa ta determiná e lugá riba e merkado laboral, ku e studiante ta bai tuma. Na di dos lugá, un sistema di enseñansa, ta determiná plannan di futuro, ku mayornan tin, pa nan yunan. Na di tres lugá, pa gobièrnu, un sistema di enseñansa, mester duna aporte esensial, pa produsí siudadanonan responsabel i ku amor, pa yuda desaroyá nan pais. Na di kuater lugá mundu empresarial, mester ta envolví ku nos sistema di enseñansa, basá riba kambionan, ku ta tuma lugá riba merkado laboral i den empresanan. Ku esei, Huki Sindikal kier a demostrá, ku komunidat den su totalidat na diferente manera, mester ta mará i envolví ku nos sistema di enseñansa. E konsepto aki, te último ei, no a haña oportunidat di keda establesé na Kòrsou. Pensamentunan kolonial i neo kolonial, a dominá di mas, desaroyo optimal di nos sistema di enseñansa. Poko ta esnan, ku tabatin e brio i kurashi, pa desakoplá nan pensamentu riba enseñansa, for di konseptonan Oropeo, ku a pone , ku nos sistema di enseñansa, ta un kopia di esun di Ulanda. Ku tur benefisio, ku esei a trese pa nos, a yega tempu, pa nos aseptá ku lamentablemente, nos sistema di enseñansa no ta produsí pa nos komunidat, e yu di Kòrsou, ku e mester a produsí. Espesialmente e funshon integrativo, ku un sistema di enseñansa mester tabatin, pa nos komunidat, a frakasá por kompleto. E funshon integrativo ei, ta determiná e sabernan, abilidatnan, aktitutnan, balornan i normanan, ku ta pertenesé, na di ta un bon siudadano, yu di Kòrsou, ku tin e obligashon, deber i amor, pa yuda desaroyá su pais. Konhuntamente ku esei tambe, e tarea pedagógiko, ku un maestro di skol mester ta disponé di dje na Kòrsou, no ta funshoná manera mester funshoná te na e momento aki den nos sistema di enseñansa. Esei ta nifiká, ku e kuater eksigensianan básiko pedagógiko, ku un sistema di enseñansa mester asentuá den nos skolnan, ta den dekadensia. Eseinan ta, protekshon di e personalidat individual, di e alumno, protekshon i desaroyo sosial di e alumno, protekshon i desaroyo di kreatividat di e alumno i por último protekshon i desaroyo di balornan spiritual, ku un ser humano mester, pa e por desaroyá, na un manera harmonioso, pa su komunidat, ta den zona di peliger i ta desfunshoná, den nos skolnan. E solo echo, ku na un manera inaseptabel, bergonsoso i denigrante, ku ta menospresiá nos propio kultura, pa no papia mes, di nos idioma materno, den nos sistema di enseñansa, ta un insulto mayor, na nos komunidat en general. E papel ku e idioma Ingles tin den mundu, den nos komunidat, i den e mundu teknológiko di awe, ta habri e posibilidat pa bira idioma di instrukshon den nos skolnan, despues ku nos a alfabetisá nos yunan di pueblo den nan idioma materno. Ta pa e motibu ei, un diálogo nashonal, riba nos sistema di enseñansa, ta na su lugá. Importante den e diálogo ei ta, e disponibilidat i osadia, di kier kita e máskara blanku ku nos a disfrasá nos mes kuné, durante hopi aña. Diálogo Nashonal di Enseñansa no ta selebrashon di Karnaval. Te otro siman. <strong>Djarason</strong> 4 òktober 2017 Na Sint Maarten: Video ta mustra maltrato di un persona dor diferente polis Polis ta investigando e kaso PHILIPSBURG,- Korant “The Daily Herald” na Sint Maarten resientemente a pone un video riba nan wèpsait ku ta mustra kon un persona sin arma ta keda maltratá dor diferente polis. Segun e korant e persona tabata sospechá di sakeo. Riba e video por mira e persona hañando sla riba henter su kurpa den kaya den e área di ‘Over the Bank’ algun dia despues orkan Irma a kousa hopi daño riba isla di Sint Maarten. Diferente polis a dal e persona. Bosero di polis di Sint Maarten Ricardo Henson a splika prensa ayera ku te ainda polis ta trahando riba e rapòrt tokante e insidente. Na mesun momentu Henson ta splika ku polis na Sint Maarten ta hasi tur kos posibel pa arestá tur persona ku ta responsabel pa e sakeo ku a tuma lugá durante pasamentu di Irma i durante e dianan despues. Henson ta enfatisá ku tabatin un maneho di sero toleransia. A pidi tur abitantenan pa traha huntu ku polis. Segun Henson si investigashon di polis relashoná ku e kaso ei ta kla, lo duna prensa i públiko mas informashon. Te ainda no tin hopi konosí tokante e kaso. A arestá e hòmber ei i despues a keda interogá dor di inspektornan. Te ainda no ta kla si e hòmber a keda heridá dor di e diferente gòlpi ku el a risibí. Un testigu a bisa polis ku e persona a forma parti di un grupo di ladronnan ku a kibra drenta den un negoshi den e bario ei. Ora polis a yega tur otro persona a kore limpi bai. Úniko persona ku a keda tabata e hòmber ei. Segun testigu e tabata agresivo den direkshon di polis. Esaki no ta visibel riba e video. Riba e video di no mas ku 20 sekònde por mira ku e hòmber ei ta haña hopi sla.
<strong>Djarason</strong> 4 òktober 2017 9 Segun Minister Martina, ku presensia di GZE Korsou ta bai konosé otro transformashon! WILLEMSTAD.- Ayera tardi na okashon di firmamentu di MoU ku e diferente kompanianan di gobièrnu, Minister di Desaroyo Ekonómiko, dr. Steven Martina, a trese dilanti entre otro ku e akontesimentu aki mester ser konsiderá komo un paso importante den e bon direkshon. Pero den desaroyo di e sektor di energia aki na Kòrsou, básikamente den prinsipio di añanan 40 ku Shell a yega Kòrsou e kompania aki a transformá nos isla. I awe algu mas ku shen Sigui lesa pagina 36
Change language